Doma 8:30 - El Nuevo Testamento en matsés

³⁰ Ëndenquimboshë abitedimbo uabi yequi Nuquin Papa nadpampic: Nëido Cun Madobimbuecquido icmembi, abi quiampicpadombuembidi tantiamebenquin: Nuquibi icnuc cho, caquin ambi cuënaido nec. Aido Nuquin Papan icsaisabimbuecnuc isendac. Adembidi bëdamboshë yacno tabadmendac, quequin nuqui tantiec.

Doma 8:30 Referans Kwoze

Esusën Uan ismiaid 17:14

Adoac Obecabimbuecquidbëd icquido nibëdquiocnoc cuessun secanu, quiash aidobëd cuesnancuededposh. Adec cuesnanquin Obecabimbuecquidën dëniacposh. Aido abi chieshënquidon: Chieshtomenu, caqui chieshtoenquiocquin Obecabimbuecquid tantiaquid icsho Nuquin Papan namiaido neposh. Obecabimbuecquid abitedishun Icbombo yec abitedishun chuiquid tapambo nendac, quetanquin dëniaquendac, queposh Nuquin Papabëd icquid.

Doma 8:28

Nuqui naden tantiec. Ambi tantiampicpadombuen abi tantiaquido bëdambo icmete bunquin Nuquin Papan bëdambuen nashunec. Aido ambi tantiampicpadombuen tantiamebenquin: Nuquibi icnuc cho, caquin cuënaido nec.

Epeso 1:11

Nuquin Papa ambi tantiampicpadombuen naquidquio nec. Ëndenquimbo abitedi uabi yequi Nuquin Papa nadpampic: Umbi tantiaidtedishun Esuquidistu tantiaquid icsho: Ubëdi tabadmenuen: Cun matses nec, caindambi, quepampic.

Ebedeo 9:15

Adquid yec Nuquin Papan Chiaid chuca chuiquin tantiamequidquio Esuquidistu nec. Ënden Nuquin Papan: Naden nata, quequin chiaid niacquin matsesën icsambuen nampidbëtabi nëbi matsesën icsambuen naidtedi bedshunash abided cuidadec uënëspanëdash: Ma ubi tantiaquido Cun Pa uënëstiapimbocquid nashunec tabadnu, quiash.

Epeso 1:5

abi bunacpadombuen Nuquin Papan Esuquidistu uidtsëqui tantiaquido icsho ambi chiampicpadombuen nuquitedi: Cun bacuëbo icmendambi, abi quiampicpadombuen nëbi adobanec.

Petedo 1 2:9

Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.

Codinto 1 6:11

Ënden mibitedi utsi utsiec adquido iccondaidi nëbi abi tantiaquido yansho issun acten mentoaido iquec. Adembidi mibitedi Nuquin Papan bëdamboshëcquid icmequin Nuquin Icbo Esuquidistu tantiaquid icsho mibi isaisabimbuecnuc bëdambuen isec. Adembidi Nuquin Papan aton Mayan meniaido mibitedi nendac.

Petedo 1 3:9

Chieshënac cuidnanec chieshënnanenda. Chieshënquin icsambuen chuishunac cuidnanec icsambuec chuishunnanenda. Adenquio icquin aido bëdambuen ista. Umbi bëdambuen isaidon ma aton matses bëdambuen isnu, queshun Nuquin Papan abi tantiaquido mibi icmiaque. Bëdambuec tabadta.

Uanën dada uaid 17:22

Mibëd ubi abentsëc yacbimbuec tabadec tantiananquiacpadquiecbidi ma ubi tantiaquido tantiananquiono, quequin mimbi ubi namiacpadombuen ubi tantiaquido namiombi, Papa.

Petedo 2 1:10

Tantia. Cun utsibo, mibitedi chuinu. Nuquin Papan: Cun matses canu, quequin Esus tantiamiaido mibitedi nec. Aden tantiamiaido icquin cute tapun nidaid ëquëducquio nidacbimbuen aid ënenquio icquin tantiaquid yec Esus tantiesa mibi yanuainquio iquendac.

Codinto 1 1:9

Ambi chiampicpadombuen naquidquio Nuquin Papa nec. Aidëmbi aton mado Esuquidistu Nuquin Icbo tantiamequin aidbëd abentsëc yacbimbuecnuc tabadmec.

Tesadonica 1 2:12

Nuquin Papan: Bëdambuec tabadquid icmeshun umbi namiacno bëdamboshëcquid yacnombo tabadtequid icmembi, quequin Esus tantiamiaido mibitedi nec. Adquido yec Nuquin Papa bunacpadec bëdambuec tabadquid neque. Ambi Chiaid niaquenquio yec bëdambuec tabadnuna, quequin mibitedi chuidenniondambi.

Codinto 1 1:2

Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Timoteo 2 2:11

Naden abimbo chiaidquio tantiash chieshtoenquio iquebi: Nuquin Icbon chiacpadombuen naquid chieshëmënquidën uënës uacsho Nuquin Icbon abi yacno abëdi tabadmendac.

Esusën Uan ismiaid 19:9

Adnubi Nuquin Papabëd icquidën naden chuiuaposhi: Isadaidbon aton chido bedquin aton matses chochomiash pemec cuishonquec bëdambuec tabadquid. Adembidi abi tantiaquido Obecabimbuecquidën beduanshun abi yacno tabadmendac. Adoac cuishonquequiec tabadendac, quequin chuiquin dada uata, caposhi. Adtanequic: Abimbo caimbi. Nuquin Papan Chiaidquio chiec nebi, queposh Nuquin Papabëd icquid.

Uanën dada uaid 17:24

Mimbi ubi tantiaquido icmiaido nuqui tabadacnombo tabadmeta, Papa. Abitedimbo uabi icquin mimbi: Umbi tantiaidquio mibi neque. Nuquibi nanuna, Mado, mimbi cac bëchamauanquiec bëdamboshë yec tabadtennecpadequi mibëd tabadsho ma ubi tantiaquidon isnu, queshun: Mibi yacno tabadmeta, quequin mibi chiec nebi, Papa

Petedo 1 5:10

Aden utsibon chieshënquin natiamiaido yec iuec iuecpactsëc mibitedi mëyadec tabadendac. Adec tabadsho Nuquin Papan bëdamboshëcquid icmequin dayacquiocquid yacbimbuecnuc chieshtoenquio icquid mibi icmendac. Adembidi nuqui tantiaquidquio icquin ambi Esus tantiamiaido icsho abi yacno buanshun nuqui bëdamboshëcquid icmiac ënëdenquio yec Esuquidistubëd daëdash abentsëc yacbimbuecnuc tabadmendac.

Codosas 3:4

Adoaido yec Esuquidistu padpidec choshon abi yacno buanshun abipadquid icmiac mibitsen bëchamauanquiec iquendac.

Epeso 4:4

Esuquidistu tantiaquidtedi abentsëc yacbimbuecquid nec. Abentsëcquiobi aton Mayan iquec. Adquiecbidi Nuquin Papan tantiamiaido icquin ambi matses abi yacno tabadmete nuqui cainaid abentsëcquiobi iquec.

Codinto 2 4:17

Nuqui natiamiaidtedi ënëdendac. Natiamiaid icbuedi Nuquin Papa yacno tabadec bëdamboshë nuqui iquendac. Uënësesa yanash ënëdenquio yec tabadendabi, quequin nuqui tantiec.

Uanën dada uaid 5:24

Tantia. Mibi chuinu. Umbi chiaid tantiaquidën ubi chomiondaid cun Pa tantiaquid icsho cuidenquio icquin ubëdi tabadmendambi. Cuidtequid icbuedi ubi tantiabenash ubëdi tabadtequid yanendac, quepondash Esus.

Epeso 2:6

Nuquitedi Esuquidistubëd abentsëc yacbimbuec tabadquido nec. Nuquin Papan Esuquidistubëta uincuemiacbimbuen ambi tantiamiaido yec abuc Nuquin Papa yacno Esuquidistun dayun tsadunacbimbuecquido nuquitedi nendac.

Doma 8:1

Nëbi Esuquidistubëd abentsëc yacbimbuec tabadquid icsho Nuquin Papan nuqui cuidenquio iquendac.

Doma 1:6

Utsi utsiec Doma yacnocquido Esuquidistu tantiabenash iccuededquido icsho mibitedi chiec nebi. Nuquin Papan mibitedi tantiaquin: Cun matses canu, queshun mibitedi tantiamiac. Nuquin Papabëtan Nuquin Icbo Esuquidistun ma bëdambuen isquin bëdambuec tabadmepanu, queshun mibitedi tantiaquin Nuquin Papa chiannembi.

Doma 8:21

Adampid icnubi Nuquin Papan bëdamboshë icmete cainec tabadec. Aden Nuquin Papan uaid icquin nidaidën icquidtedi nibëdanmete uëshë icnuc mënchicshun utsi uain bëdamboshëcquid icmendambi abi quiampicpadombuembidi: Cun mado nec. Cun champi nec, caido iquendac.

Doma 11:29

Ambi tantiamiaido icsho ambi icsambuen naid bedshunquin cuenmenquio icquin Nuquin Papan tantiaquiendac.

Codinto 1 2:7

Umbi tantiaid chienquio icquin Nuquin Papan bëdambuen tantiamiac ambi matses tantiamenquio icpampidi chuibanec nebi. Nidaid uabi yec ëndenquimboshë: Umbi tantiacpadënquio Esus tantiaquido bëdamboshë yacno ubëdi tabadmendambi, quequin chiampidquio chuibanec nebi.

Cadasia 1:6

Tantienquio yanosh, quequin mimbi naid chuisho tantiash tantiadempambo ictanobi. Nuquin Papan mibi bëdambuen iste bunquin tantiamiac Esus tantiec mibitedi tabadanondac. Adondaidi utsibon icsambuen chuibanaquien mimbi Esus tantienquio yanchitac.

Cadasia 1:15

Adshobini Nuquin Papan ubi tantiaquioquin tantiamiondash. Ubi tishabi icnubi ubi caic: Cun Mado Esus tantiameshun bëdambuen isquin:

Cadasia 5:8

¿Nuquin Papan nacta Esus tantienquio yano? Ma Aidi mibitedi Esus tantiamequidquio neyoc.

Epeso 3:11

Aden ambi Esus tantiamete iquendac, quequin ambi ëndenquimbo tantiampicpadombuen Nuquin Papan Esuquidistu Nuquin Icbo icmepanëdash.