Doma 8:2 - El Nuevo Testamento en matsés

² Nuquin Papan aton Mayan meniac nuqui Esuquidistubëd abentsëc yacbimbuec tabadquido nec. Adquido yec nëbi mëtaniacbimbuec icsambuec tabadbuedi mënchicacbimbuec bëdambuec tabadquid yanash nuqui uënësacsho cuidenquio iquendac.

Doma 8:2 Referans Kwoze

Doma 6:14

Nuquin Papan: Naden nata, quequin chuiquin Moises dada uamiampidtedi tantiaquin nabanondaidi mibitedishun aidën chiacpadombuen natiapimbocquin abi tantiasho Nuquin Papan bëdambuen isendac. Aden bëdambuen isquin tantiac icsambuen naic tabadte bunenquio mibitedi yanendac.

Codinto 2 3:17

Nuquin Icbo Esus padquidquiobidi Nuquin Papan Mayan Bëda nec. Esus tantiasho bëpucudaid chicacbimbuen Nuquin Papan Mayan Bëdan tantiamiac bëdambuec tabadquido yec cuidadtequidopenquio nendac.

Doma 6:18

Nëbi mimbi icsambuen naid ënshun Nuquin Papa tantiabenash aidën chiacpadombuen utsibo bëdambuen nashunec mibitedi bëdambuec tabadcuenondac.

Codinto 2 3:6

Umbi tantiaid chienquio icquin Nuquin Papan abimbo chuiquin ambi bëdambuen ismete chuca chiaid chiec nebi. Nuquin Papa matses bëdambuen ismequid Esuquidistu umbibi chuibennetiapimbo icsho Nuquin Papan Mayan Bëdan tantiamiac Esuquidistu chuibennequidquio nebi. Ambi: Naden nata, quequin chuiquin dada uamiampicpadombuen chuibanta, caidpenquio nebi. Ambi: Naden nata, quequin dada uampidtedi nabanenquio yec Nuquin Papa yacno matses tabadtiapimbo iquec. Padnuen Esus tantiasho aton Mayan meniaido yec Nuquin Papabëd tabadtequido nendac.

Codinto 1 15:45

Nuquin Papan naden chuiquin dada uamepampic: Bëyuc dada icquid Adan caidba tiboquequid yanmepampic, quequin chuipampic. Adanën tsiuec chomiaid Esuquidistu nec. Aidëmbi abi tantiaquid uënësacsho uincuemeshun Aton Mayanën uënësesa icmendac.

Uanën dada uaid 8:36

Aden matsesën aton mado bëdambuen isacbimbuen Nuquin Papan Madombo icquin icsambuen naquidën ubi tantiabensho cuidmenquiocnoen bëdambuen isendambi, quepondash Esus.

Uanën dada uaid 8:32

Nuquin Papabëta ubi tantiasho icsamianquidën iua icbuedi aidën iuapenquio mibi icmendambi, quepondash Esus abi tantiabentsëcquido chiec.

Doma 7:4

Adecbidi mibitedi Esuquidistubëd abentsëc yacbimbuec tabadquid nec. Adquid yec Esuquidistubëd uënësacbimbuen padpiden Nuquin Papan Moises chuiquin dada uamiampidtedi nainquio iquec. Adec uënësacsho Esus uincuenmiaidbëd daëdash aid tantiec utsibobëd tantiananec tabadquin Nuquin Papa bëdambuen ismec.

Doma 6:22

Nëbi mimbi icsambuen naid ënshun Nuquin Papa tantiaquin aidën chiacpaden nabanec mibitedi tabadec. Adec tabadquin bëdambuen nabanec mibi bëdambouidi iquec. Aden nabanec tabadsho Nuquin Papan ënenquiocquin abëdi tabadmendac.

Uanën dada uaid 6:63

¿Nami pequinc intac acquinc cashta mibi bëdambo icpatsia? Padenquio. Nuquin Papan Mayanën umbi chuibuedbëta ubi tantiamequin matses bëdambuec tabadquid icmetsiash. Adoaid yec Nuquin Papa yacno ubëdi tabadendac, quepondash Esus.

Uanën dada uaid 4:14

Padnuen umbi acte acmiac acquidtedi padpidec bundoenquio ictsiash. Umbi acte ushumbo pududquequid acmiac ënëdenquio yec ubëd tabadtequid mibi yantsiandac, quepanëdash Esus.

Uanën dada uaid 4:10

Adshobien Esusën naden chuipanëdash: Nuquin Papan bëdambuen isquin natebëta ubi tantiaquid icquin: Acte bec cho, mimbi ubi catsiac. Adsho acte bëdambo icmianquid mibi acmetsiambi, capanëdash.

Cadasia 5:1

Esuquidistun nuquitedi bëdambuen isquin iuapenquio icmiac. Adquid icmiac chieshtoenquio icquin aid tantiec mibitedi bëdambuec tabadendac. Adoaido yequi: Moisesën chiampicpadenuidi nasho Nuquin Papan nuqui bëdambuen istsiash, quec padpidembuec adquidën iuaid yanuainda.

Cadasia 2:19

Adshun Nuquin Papan: Naden nata, quequin chuiquin Moises dada uamiampidtedi nanu, quebuedi umbimbo natiapimbo icquin Aidën Chiampidtedi Esusbëd uënësacbimbuen ënondambi. Adshun Nuquin Papa tantiec Esuquidistun chiacpadec tabadebi.

Doma 5:21

Tauaquin matsesën icsambuen nasho cuidac uënëstequidouidquio yampampic. Adsho issun matses bëdambuen isnuen Nuquin Papan Ambi Chiaid niaquesambo Esusded cuidmepanëdash. Nëbi Nuquin Icbo Esuquidistu uidtsëqui tantiasho Nuquin Papan nuquitedi icsaisabimbuecnuc bëdambuen isquin ënëdenquio icnuc abëdi tabadmendac.

Doma 7:21

Adquid nebi, quiash bëdambuen nate bumbuedi aden nainquio yec badedquio icsaded icsadedchitebi, quequin tantiabenondambi.

Esusën Uan ismiaid 22:1

Aden ismeboshombic Nuquin Papabëd icquidën padpiden ismeuaposhi. Adoac acte Nuquin Papabëd tabadmetequid uënësenquio icmetequid icposh. Acte bëdambocquid acte actectsëcquio isadquid nushan nibëdquidquio chëuëdsho ispombi. Aidi Nuquin Papabëd Obecabimbuecquid tsadte dapan tabadacnouëshquio choec chëuëdposh.

Doma 3:27

Umbi aden chuisho tantiash: Ambi chiacpadombuenuidi umbimbo nasho Nuquin Papan ubi bëdambuen isec, quequin mimbi abimbo chuitiapimbo iquec. Nuquin Papan: Naden nata, quequin Moises chiampicpadombuenuidi matsesën natiapimbo icsho bëdambuen istiapimbo icbuedi nëbi Esus tantiasho Nuquin Papan nuqui bëdambuen isec, quequin nuqui tantiec.

Esusën Uan ismiaid 11:11

Adec 3tedec ushash uëshë budnuc tabadnubien cuessunnebued daëd Nuquin Papan uincuenmeposh. Aden uincuenmiac nidtosho isash cuishonquebuedobi natiambo dacuëdec tabadendac.

Doma 7:23

quebuedi icsambuen naquid yec ubibi bëdambuec tabadtiapimbo iquebi. Quënën tsadunacbimbuen umbi icsambuen ëquëducshun tantiaquin naid ëntiapimbo iquebi.

Doma 8:1

Nëbi Esuquidistubëd abentsëc yacbimbuec tabadquid icsho Nuquin Papan nuqui cuidenquio iquendac.

Doma 16:3

Aquidabëta aton chido Pisida chuiquin: Mibi tantiembi, quiosh Pabado, cata. Aido ubëtan Esuquidistun naid chuibennequid niondashe.

Cadasia 6:2

Adec mibëd iccuededquid natiec tabadsho issun bëdambuen nashumbanta. Aden naquin Esuquidistun chiacpadombuen mimbi naindac.

Santiaco 1:25

Padnuen Nuquin Papan Chiaid tantiashun bëshunenquio icquin tantiaquidën aidën chiacpadombuen nabanendac. Nuquin Papan Chiaid icsa nibëdquid yec bëdamboshëcquid nec. Ubi cuidmenquiocte chiaid nec, queshun tantiaquin nabanquid yec Nuquin Papan bëdambo icmiaid iquendac.