Doma 7:9 - El Nuevo Testamento en matsés

⁹ Nuquin Papan Chiampid tantiabi yec cuidte dacuëdënenquio yec bëdambo iquebi, quiondabi. Adshumbic Nuquin Papan Moises dada uamiampid issumbi: Ambi chiaid niac niacquin icsambuen naquidquio nebi, quec

Doma 7:9 Referans Kwoze

Cadasia 3:10

Utsiboen: Moisesën chiampicpadombuenuidi nasho Nuquin Papan bëdambuen istsiashi, quequidëmbi abitedimbo nainquio icsho Nuquin Papan cuidtequido nendac. Naden Nuquin Papan Chiampid iquec: Umbi: Naden nata, quequin Moises chuiquin dada uamiampidtedi nainquio icsho cuidendambi, quepampic Nuquin Papa.

Doma 8:7

Icsambuen nate bunquidëmbien Nuquin Papan: Naden nata, quequin chiaid nate bunenquio icquin ambi icsambuen naiduidi tantiaquin Nuquin Papa chieshënquid nec.

Cadasia 2:19

Adshun Nuquin Papan: Naden nata, quequin chuiquin Moises dada uamiampidtedi nanu, quebuedi umbimbo natiapimbo icquin Aidën Chiampidtedi Esusbëd uënësacbimbuen ënondambi. Adshun Nuquin Papa tantiec Esuquidistun chiacpadec tabadebi.

Doma 10:5

Nuquin Papan: Naden nata, quequin Chiaid tantiaquin Moisesën naden chuiquin dada uapampic: Ambi chiacpadombuenuidi naquid icsho Nuquin Papan bëdambuen isquin abëdi tabadmendac, quequin chuipampic.

Doma 7:11

Nuquin Papan: Naden nata, quequin chiampid tantiaquin icsambuen namequidën icsambuen namequin muaondashi. Adoac aidën chiaidquiobidi icsambuen naic uënësacbimbuecquid icsho cuidtequid icmetsenondashi.

Doma 7:6

Adquid icbuedëmbi nëbi uënësacbimbuen padpiden Nuquin Papan Moises chuiquin dada uamiampicpadombuen naic tabadte bunenquio nuquitedi yanondac. Nëbi icsambuen naid ënash utsiacbimbuec bëdambuec tabadquin Nuquin Papa tantiaquido nec. Ënden ambi Moises chuiquin dada uamiampicpadombuen nabambuedi nëbi Nuquin Papan Mayan Bëdan tantiamiacpadec nuquitedi bëdambuec tabadec.

Doma 7:4

Adecbidi mibitedi Esuquidistubëd abentsëc yacbimbuec tabadquid nec. Adquid yec Esuquidistubëd uënësacbimbuen padpiden Nuquin Papan Moises chuiquin dada uamiampidtedi nainquio iquec. Adec uënësacsho Esus uincuenmiaidbëd daëdash aid tantiec utsibobëd tantiananec tabadquin Nuquin Papa bëdambuen ismec.

Ducas 18:21

Adoaquien chuiquid: Aidtedi niaquenquio icquin bacuëctsëc icquimbi bedanquin nabanquidquio nebi, quepanëdash.

Ducas 15:29

Adoaquien: Seta dadpen matanmequin mimbi chiacpadombuen nadedniombi. Adquid icshobi ubëd capuquidobëta ubi pemenuen nëish iua utsi cabadan bacuëmpibi ma mimbi cuessunnemenquio icpaboc.

Mateo 19:20

Adoaquien canian: Aidtedi niaquenquio icquin bacuë icquimbi bedanquin ënenquio icquin nabanquidquio nebi. Nuquin Papabëd tabadnuen ¿atotsimbi utsi nape? capondash.

Doma 7:8

Utsina isash: Adquid cuna nibëdec, quiash chieshëmëmbuedi Nuquin Papan: Adenda, quequin chiaid tantiashi icsaquid yec utsina cumapenec bunquiec chieshëmënquiondabi. Aden Nuquin Papan Chiampid nibëdnuc: Icsachitobi, quequin tantienquio ictsenondambi.

Doma 7:10

uënësacbimbuec yanondabi. Adquid yec Nuquin Papan: Naden nata, quequin chiaid tantiaquin: Aidën chiacpadenuidi naic abi yacno ënëdenquio yec tabadebi, quequin tantiondambi. Adbuedi ambi chiampicpadec bëdambuecuidi tabadtiapimbo icsho ënenquio icquin cuidacno nësecatequid ictsenondabi.