Doma 7:8 - El Nuevo Testamento en matsés8 Utsina isash: Adquid cuna nibëdec, quiash chieshëmëmbuedi Nuquin Papan: Adenda, quequin chiaid tantiashi icsaquid yec utsina cumapenec bunquiec chieshëmënquiondabi. Aden Nuquin Papan Chiampid nibëdnuc: Icsachitobi, quequin tantienquio ictsenondambi. Gade chapit la |
Aden Nuquin Papan Chiampid bëdambocquid nec, quequin tantiashobi uënësacbimbuec icsho ubi ënenquio icquin cuidacno nësecaindac ¿quectabi ne? Padenquio. Icsambuen namiantequidën namiac icsambuen nabanec ubi uënësacsho ënenquio icquin cuidacno nësecatsiashi, quequin tantiabenondambi. Icsambuen naquido icquin Nuquin Papan Chiampid isash: Icsambuecshë tabadebi, quequin nuquitedi tantiabempondac.
¿Ubi chieshënquidon ubiuidtsëquida chieshëmpadic? Ubi chieshënquimbi ma Cun Patsen chieshënec icsamboshë iqueyoc. Nuquin Papa yacnouësh choambo icquin umbi Ambi Chiaid chienquio icnuc ubi chieshënenquio yec cun matses icsainquio ictsenosh. Mambi Nuquin Papa yacnouësh chondaid icquin aidën chiaidquio chuibamboc. Aden chuibanaqui ubi chieshënquido icsho Nuquin Papan: Mibi icsamboshë iquec, caindac.
Nëidic aton chidopenquio chudquido. Nëidic aton bënëpenquio chudmequido. Nëidic abi bunacpadombuen dadpenquio bedquido. Nëidic icsamboshëcquido. Nëidic utsin na isash bunquido. Nëidic utsibo muaquin chuishunquido. Nëidic abi bunaiduidi nate bunquin naquido. Nëidic utsina isash bedte bunquido. Nëidic utsi ambembi icsambuen chuishunquido. Nëidic: Ubiuidtsëqui bëdambocquid nebi, quequido. Nëidic: Aden naic icsatsiabi, quenquio icquin icsambuen naquido.
Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.