Doma 7:1 - El Nuevo Testamento en matsés

¹ Cun utsibo, naden chiaid mibitedishun tantiec. Nuquin Papan: Naden nata, quequin chuiquin Moises dada uamiampicpadombuen uënësabi icquin matsesën naquid. Uënëssun aidën chiaid natiapimbo iquec, quequin mimbi tantiec.

Doma 7:1 Referans Kwoze

Doma 6:14

Nuquin Papan: Naden nata, quequin chuiquin Moises dada uamiampidtedi tantiaquin nabanondaidi mibitedishun aidën chiacpadombuen natiapimbocquin abi tantiasho Nuquin Papan bëdambuen isendac. Aden bëdambuen isquin tantiac icsambuen naic tabadte bunenquio mibitedi yanendac.

Doma 7:6

Adquid icbuedëmbi nëbi uënësacbimbuen padpiden Nuquin Papan Moises chuiquin dada uamiampicpadombuen naic tabadte bunenquio nuquitedi yanondac. Nëbi icsambuen naid ënash utsiacbimbuec bëdambuec tabadquin Nuquin Papa tantiaquido nec. Ënden ambi Moises chuiquin dada uamiampicpadombuen nabambuedi nëbi Nuquin Papan Mayan Bëdan tantiamiacpadec nuquitedi bëdambuec tabadec.

Doma 6:3

Esuquidistu uënësaid tantiaquid yec aidbëd abentsëc yacbimbuec tabadquid nebi, quequin tantiasho acten mentoaid nebi, ¿quequinda mibitedishun tantienquio ique?

Doma 10:1

Tantia, cun utsibo. Mibitedi chuinu. Isadaidbo tantiaquin cuidenquio icquin abided cuidadaid Esus tantiamesho mibëd tabadmequido icme, quequin ubi bunaid Nuquin Papa chiannembi.

Cadasia 4:21

Moisesën chiampiduidi naquin Nuquin Papa bëdambuen ismembi, quequido icquin Nuquin Papan Moises chiampid chuisho ¿bëdambuen tantiamboda ique?

Doma 9:3

Cun matses isadaidbo tantiec uënësquio yec tsadebi. Nuquin Papan: Min matses abitedi cuidmenquio icnuen mibiuidtsëqui Esuquidistubëd tabadmenquio icquin mëyadtequid yacno nidmequin cuidnu, capatecnëdani. Adoac: Ai, cun matses isadaidbo cuidenquio icnuen ubided cuid, quetsenondabi.

Codinto 1 9:8

Umbi chiaid tantiashun: Matsesën tantiacpaden chiaiduidi nec, quequin tantienda. Nuquin Papan Moises dada uamiampidën aden chiac.

Doma 1:13

Tantia. Chuinu, cun utsibo. Mibi yacno caic: Istannu, queuid queuidobi. Ubi nidtsembued mimbi tantiabien icchitec. Aden umbi tantianubi utsi utsimbuec icnuc nidenquio ictenniobi. Adbuedi nidaid utsi utsiec yacnoshon Esusën naid chuibanac dadpenshun tantiabenondacpadombuen ma mimbitsen Esus tantiabennu, quiash mibitedi yacno chuinuec nidte bunebi.

Doma 10:4

Ënden Nuquin Papan: Naden nata, quequin chiacpadombuen matsesën nasho bëdambuen isembi, quedennedëmbi nëbi Esuquidistu tantiasho Nuquin Papan ambi chiampicpadombuen matses icsaisabimbuecnuc bëdambuen isendac.