Doma 6:22 - El Nuevo Testamento en matsés

²² Nëbi mimbi icsambuen naid ënshun Nuquin Papa tantiaquin aidën chiacpaden nabanec mibitedi tabadec. Adec tabadquin bëdambuen nabanec mibi bëdambouidi iquec. Aden nabanec tabadsho Nuquin Papan ënenquiocquin abëdi tabadmendac.

Doma 6:22 Referans Kwoze

Petedo 1 2:16

Mayan Icsa Satanasën iuaido icsho Esusën bedshunaid yec nëbi Satanasën iuaidpenquio mibi nec. Adquid yequi icsanuec: Ubi bunaiduidi naimbi, quenda. Nuquin Papan iuabo yec bëdambuec tabadta.

Doma 6:18

Nëbi mimbi icsambuen naid ënshun Nuquin Papa tantiabenash aidën chiacpadombuen utsibo bëdambuen nashunec mibitedi bëdambuec tabadcuenondac.

Doma 8:2

Nuquin Papan aton Mayan meniac nuqui Esuquidistubëd abentsëc yacbimbuec tabadquido nec. Adquido yec nëbi mëtaniacbimbuec icsambuec tabadbuedi mënchicacbimbuec bëdambuec tabadquid yanash nuqui uënësacsho cuidenquio iquendac.

Uanën dada uaid 8:32

Nuquin Papabëta ubi tantiasho icsamianquidën iua icbuedi aidën iuapenquio mibi icmendambi, quepondash Esus abi tantiabentsëcquido chiec.

Cadasia 5:13

Cun utsibo, mibitedi Nuquin Papan Esus tantiamiaido nec. Adquido yanash: Ubi icsate bunaid nanu, quenda. Adec tabadenquio yec utsibobëd tantiananec nashunnanta.

Codinto 1 7:22

Iua Esus tantiaquid yanec nëbi iuapenquio yanshun Nuquin Icbo tantiaquin nashumbanquid iquendac. Adecbidi iuaidpenquio Esus tantiaquid yanec nëbi Esuquidistun iua icquin aidën namiaidquio iquendac.

Petedo 1 1:9

Adec cuishonquec mibitedi: Esusën abi yacno ubi iuedendac, quequin aid tantiec mibi cuishonquequiendac.

Cadasia 1:10

¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Doma 6:14

Nuquin Papan: Naden nata, quequin chuiquin Moises dada uamiampidtedi tantiaquin nabanondaidi mibitedishun aidën chiacpadombuen natiapimbocquin abi tantiasho Nuquin Papan bëdambuen isendac. Aden bëdambuen isquin tantiac icsambuen naic tabadte bunenquio mibitedi yanendac.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Doma 7:4

Adecbidi mibitedi Esuquidistubëd abentsëc yacbimbuec tabadquid nec. Adquid yec Esuquidistubëd uënësacbimbuen padpiden Nuquin Papan Moises chuiquin dada uamiampidtedi nainquio iquec. Adec uënësacsho Esus uincuenmiaidbëd daëdash aid tantiec utsibobëd tantiananec tabadquin Nuquin Papa bëdambuen ismec.

Doma 6:21

Adec tabadnuc ¿atotsi mibi bëdambo icmiante iccosh? Nëbi mibitedi icsambuec tabadquido icquin mimbi naid chienquio yec dacuëdec uënësacbimbuec tabadsho ënenquio icquin cuidacno nësecaindac.

Mateo 25:46

Adoac aido icsambuec tabadquido ënenquio icquin cuidacnombo nidnubi bëdambuec tabadquido Nuquin Papa yacno ënëdenquio yec tabadendac, quequin Esusën chuipondash.

Tito 1:1

Pabado nebi. Nuquin Papan namiaidquio nebi. Adembidi Esuquidistun: Ubi chuibenneta, caid nebi. Nuquin Papan: Nëido cun matses nendac, caido yec Esuquidistu tantiaquidombo ma icpanuna. Adquid yec ma Nuquin Papan chiacpadec bëdambuec tabadpanuna, quequin chuibanec nebi.

Codosas 1:10

Aden Nuquin Papan abi bunacpaden nate mibi tantiamiac mibitedi utsibobëd nashunnanec bëdambuec tabadendac. Adshun: Nadquio Nuquin Papa iquec, quequin bëdiactsëc tantiabuedi canidoacbimbuen bëdambuen tantiaquidquio yanendac. Adsho isash: Bëdambo iquebi, quendac Nuquin Icbo Esus.

Pidipos 4:17

Piucquid utsi ubi mene, ¿quequin chiectabi nedi? Padenquio. Ma aden bëdambuen nabansho issun Nuquin Papan: Mibi bëdambo iquec, canu, quequin chiec nebi.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.

Epeso 5:9

Aidën tantiamiacpadombuen bëdambuen nabanec utsibo bëdambuen isec bëdambuec tabadendac. Adembidi muainquio icquin abimbo chuiquid icta.

Codinto 2 3:17

Nuquin Icbo Esus padquidquiobidi Nuquin Papan Mayan Bëda nec. Esus tantiasho bëpucudaid chicacbimbuen Nuquin Papan Mayan Bëdan tantiamiac bëdambuec tabadquido yec cuidadtequidopenquio nendac.

Doma 7:25

queshobi Nuquin Papan namiac Nuquin Icbo Esuquidistunuidtsëqui chicposhi. Adoaid yec: Nuquin Papa bëdambo iquec, caimbi. Ai naden tantiembi. Nuquin Papan Moises dada uamequin chiacpadombuen nabanac bëdambo ictsiash. Padnuen matses uidëmpentsëcquid yec icsambuen nate bunquin naimbi.

Uanën dada uaid 15:16

Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.

Uanën dada uaid 15:2

Uba taneshcaquidën cuidi utsiuc bacuëesa icsho pateshunnequid. Adotanquin bëdambuen bacuëmenuen cuidi dadpen icquid utsi utsien pateshun secaquid. Ma dadpen bacuënu, queshun aden nacnenquid.

Uanën dada uaid 4:36

Umbi chuibued chidon chiac matses dadpen chochoeque. Chuibannuna. Aido ubi tantiabenash Nuquin Papabëd ënëdenquio yec tabadtequido yanendac. Adsho isash nuqui cuishonquendac. Adembidi ubi chuibennequidon chuibanac tantienquio icbuedobi utsin chuibanac ubi tantiabensho isash chuibanquid abidaëdi cuishonquendac piucquid bedacbimbuec.

Mateo 19:29

Utsibontsen ubi tantiaquiendac. Aden tantiaquin aton shubu nianquinc abëta tishaid aton utsibo nianquinc aton tita nianquinc aton papa nianquinc aton bacuëbo nianquinc aton tied nianquinc cain ubi tantiaquin umbi chiacpadombuen naquid iquendac. Adoquid icsho ambi nianaidtedi dëniacquin dadpenquioshë Nuquin Papan icmeshunendac. Adembidi abëdi ënëdenquio yec tabadtequid icmendac.

Mateo 13:43

Padnuen ubi tantiec bëdambuec tabadquido Nuquin Papan namiacno nidash bëdamboshë yec uëshë chënquiacbimbuec bëchamauanquiec iquendac. Umbi aden chuibambued tantiashun pabiate shëcuë choquidën bëdambuen tantiata, quepondash Esus.

Mateo 13:40

Icsambo icquid caniacsho tacuesquin tsindoshon nëdëncacbimbuen Nuquin Papan cuidte uëshëmbi icsambo icquido cuidendac.

Esusën Uan ismiaid 7:13

Adnubien ambocquid umbi 24ted icquid isbued tsësio abentsëcshun naden chuiposhi. Dashcute ushumbocquid abitiombi dasiuidquido ¿Tsutsi nepec? ¿Mitsiuëshquio chouaido nepec? caposhi.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.