Doma 4:17 - El Nuevo Testamento en matsés

¹⁷ Nuquin Papan Abadauan chiampid chuiquin naden dada uamepampic: Nidaid utsi utsiec yacno tabadquidon papabimbuecquid mibi iquendac, quequin chuipampic. Aidi Abadauanën tantiaidquio Nuquin Papa nepampic. Aidi uënësaid uincuenmequidquio nec. Adecbidi nibëdquio icbuedi utsi uaquidquio nec.

Doma 4:17 Referans Kwoze

Codinto 1 1:28

Aden utsibon chieshënquin: Tantienquiocquid nec, caidi Nuquin Papan tantiamiaido nec. Adembidi: Chuiquid tapa ictiapimbo iquec, caidi ambi tantiamiaidobidi nendac. Aden abi tantiesabo: Bëdambo iquec, camenquiocnuen abi tantiaquido icmendac.

Uanën dada uaid 5:21

Cun Pa uënësaid uincuenmequidquio nec. Aid padquidquiobidi icquin matses umbi tantiaidotedi uincuenmendambi.

Petedo 1 2:10

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.

Uanën dada uaid 6:63

¿Nami pequinc intac acquinc cashta mibi bëdambo icpatsia? Padenquio. Nuquin Papan Mayanën umbi chuibuedbëta ubi tantiamequin matses bëdambuec tabadquid icmetsiash. Adoaid yec Nuquin Papa yacno ubëdi tabadendac, quepondash Esus.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Uanën dada uaid 5:25

Adashic padpiden chuiuaic: Tantia. Mibi chuinu. Uënësacbimbuen ubi tantienquio icbuedombi Nuquin Papan Mado icsho ubi tantiaquid yec uënësacsho uincuenmeshun ubëdi tabadmendambi.

Ebedeo 11:12

Adoac Abadauan uënëste anoentsëqui yannubi aton tsiuecquid dadpen uispatedi yantequido icpampic. Adecbidi acte dapa cuëman masi icquid tambantiapimbo yactedi yanuatequid icpampic.

Doma 3:29

¿Isadaidbouidtsëquida Nuquin Papan: Cun matses nec, quequin bëdambuen ispatsiash? Padenquio. Matses abitedishun Esus tantiasho Nuquin Papan bëdambuen isendac.

Petedo 2 3:8

Tantia, cun utsibo. Ubi tantiaido icsho chuinu. Naden Nuquin Icbon chiaid bëshunenda: Badiad abentsëc yacbimbuecquid iquequi seta midted icquid nec. Adecbidi seta midted icquid iquequi badiad abentsëc yacbimbuecquid nec.

Ebedeo 11:7

Adembidi abi tantiaquidquio icsho Nuquin Papan Noe naden chuipampic: Mimbi isacmaidquio naimbique. Cano dapa nacnenta, capampic. Adoac: Adquid isambo iquembi. Nibëdtsiash, quenquio icquin: Nuquin Papan chiacpadombuen aton shubun icquido: Acte nëuebudnushe, queshun buannuen cano dapa nacnempampic. Adembidi Abi tantiaquin: Cun matses Ambi Chiaid tantiesa icsho Nuquin Papan: Cuidac uënëstequid iquec, quequin Noen tantiapampic. Aden tantiaquidquio icsho Nuquin Papan bëdambuen isquin nashunaidquio Noe icpampic.

Timoteo 1 6:13

Tiboquequidtedi uaquidënquio Nuquin Papan nuqui iseque. Adembidi: Adquid nebi, quequin chuiquid tapa Ponsio Pidato chiec dacuëdenquio icnëdaidën Nuquin Icbo Esuquidistuntsen nuqui iseque. Aid tantiaquin chieshtoenquio icquin Aidën naidquio chuibanta.

Doma 9:26

Nadentsen ashunquiobidi Nuquin Papan matses utsibo chiaid Oseasën dada uapampic: Mibitedi umbi: Cun matses, cacmaido nec. Adquid icbuedi Nuquin Papa uënëstiapimbocquidën: Cun mado nec. Cun champi nec, caido iquendac, quequin chuiquin Oseasën dada uapampic.

Codinto 1 15:45

Nuquin Papan naden chuiquin dada uamepampic: Bëyuc dada icquid Adan caidba tiboquequid yanmepampic, quequin chuipampic. Adanën tsiuec chomiaid Esuquidistu nec. Aidëmbi abi tantiaquid uënësacsho uincuemeshun Aton Mayanën uënësesa icmendac.

Doma 4:2

Ambibi tantiacpaden nasho Nuquin Papan bëdambuen isac: Bëdambocquid nebi, quetsempampic Abadauan. Padnuen Nuquin Papa chiec: Bëdambocquid nebi, quenquio icpampic.

Hechos 15:18

Nuquin Icbon ambi ëndenquimboshë tantiampicpadombuen chiaid nec, quepampic Nuquin Papan oncamiaid, quequin Santiacon chuipanëdash.

Mateo 3:9

Ubipadquid Abadauanën tsiuecquidouidtsëqui icsho Nuquin Papan ubi bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënotebi matses uashun Nuquin Papan Abadauampadquid icmetsiashe. Nuquin Papambo tantiata, quepanëdash Uan.

Doma 4:18

Nuquin Papan Abadauan naden chuipampic: Tambantiapimbo yactedi min tsiuecquido dadpenquioshë iquendac, quequin chuipampic. Aden Nuquin Papan chuiboc cainequi: Cun bacuëbo nibëdec, quenquio icquin cainec Abadauan nadpampic: Ai, abimbo mimbi caic, quequin tantiapampic. Adnëdaidi Abadauan nidaid utsi utsiec yacno tabadquidon papabimbuecquid yampanëdash.

Doma 9:11

Bacuë daëd tishabi icshobi aid bëdambuen nainquio yec, icsambuec tabadtiapimbo icnubi Nuquin Papan Debeca naden chuipampic: Min mado tsiuecquid icshobi bëyucquidën nashunendac, quepampic. Adembidi Isaquën mado chuiquin Nuquin Papan Ambi Chiaid naden dada uamepampic: Acobouidtsëqui tantiaquioquimbi Esau bëdiactsëc tantiatsembi, quepampic. Nuquin Papan ambi tantiacpadombuen adombuembidi tantiamec, quequin nuquitedi tantiec. Ambi tantiaid matses icsho bëdambuen nainquio yec icsambuec tabadquid nec, quenquio icquin Nuquin Papan ambi tantiacpaden tantiamendac.

Ebedeo 11:3

Adembidi: Nuquin Papan: Adquid icta, quequin chuiquinuidtsëqui abubëta nidaid uashun aidën icquidtedi uapampic, quequin nuqui tantiaidquio nec. Aden isadenquiocbuedi nuqui isaidtedi uapampic.