Doma 3:20 - El Nuevo Testamento en matsés

²⁰ Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Doma 3:20 Referans Kwoze

Cadasia 2:16

Adquid icnuc Nuquin Papan: Naden nata, quequin chuiquin Moises dada uamiampid tantiaquin nabansho Nuquin Papan icsaisabimbuecnuc nuqui bëdambuen isec, quetiapimbo nuquitedi iquec. Esuquidistu tantiashouidtsëqui Nuquin Papan nuqui bëdambuen isec, queshun nuqui Esuquidistu tantiabenondac. Adshun ambi: Naden nata, quequin chiampiduidi nainquio icsho icsaisabimbuecnuc Nuquin Papan bëdambuen istiapimbo iquec, quequin nuqui tantiec.

Cadasia 2:19

Adshun Nuquin Papan: Naden nata, quequin chuiquin Moises dada uamiampidtedi nanu, quebuedi umbimbo natiapimbo icquin Aidën Chiampidtedi Esusbëd uënësacbimbuen ënondambi. Adshun Nuquin Papa tantiec Esuquidistun chiacpadec tabadebi.

Doma 4:15

Nuquin Papan: Naden nata, quequin chiampid niacacsho Nuquin Papan matses cuidendac. Ambi: Naden nata, quequin chiampid nibëdnuc aid niactiapimbo icnuc nuqui cuidenquio ictsiash.

Doma 9:32

¿Atotsi queshun Nuquin Papan isadaidbo bëdambuen istiapimbo icpec? Ambi chiacpadombuenuidi naquin bëdambuen ismembi, quebuedombi abi bunacpadec tabadquin Nuquin Papa bëdambuen ismequidquio tantienquio iquec. Adquid yec cuënoten tocoshquetanec uebudacbimbuecquido nec.

Doma 5:20

Matses ambi icsambuen naid tantiamenuen ambi: Naden nata, quequin chiaid Moises dada uamepampic. Aidën chiaid chuisho tantiashi icsambuen naquido dadpenquio yampampic. Aden icsambuen naquido dadpenquioshë yansho issumbi Nuquin Papan matses tantiaquidquio icquin bëdambuen iste bumpampic.

Doma 4:13

Ëndenquimbo Nuquin Papan Abadauan chuiquin: Min tsiuecquido nidaid abitedi menendambi, quequin chuipampic. Nuquin Papan Moises: Naden nata, ¿quequin chiampicpadombuenuidi nashoda Nuquin Papan aden Abadauan chuipampic? Padenquio. Aden aidën chiacpadombuen nainquiocquin abi tantiasho Nuquin Papan bëdambuen isquin Abadauan chiec: Aden menendambi, quepampic.

Cadasia 5:4

Mibitedi Nuquin Papan: Naden nata, quequin Moises chiampid tantiaquin nasho Nuquin Papan ubitedi bëdambuen isec, quebuedi Esuquidistubëd cuëshëdsho Nuquin Papan mibi bëdambuen istiapimbo iquendac.

Doma 5:13

Nuquin Papan: Naden nata, quequin ambi chiampid Moises dada uamiabi icnubi matses abitedi icsambuec tabadpampic. Umbi Moises chuimiaid mimbi niac niaquec, Nuquin Papa quetiapimbo icnubi matses icsambuen naic tabadpampic.

Doma 2:13

Ambi: Naden nata, quequin Moises chiampid tantiashumbi adombuen naisa bëdambuen istiapimbo icquimbic ambi chiacpadec tabadquid Nuquin Papan bëdambuen istsiash.

Doma 7:11

Nuquin Papan: Naden nata, quequin chiampid tantiaquin icsambuen namequidën icsambuen namequin muaondashi. Adoac aidën chiaidquiobidi icsambuen naic uënësacbimbuecquid icsho cuidtequid icmetsenondashi.

Codinto 1 15:56

Icsambuen nabanaid uënësmiantequidën chishpibimbuecquid nec. Nuquin Papan: Naden nata, quequin chiaid niacquid yanash icsambuen natequid yampampic.