Doma 3:11 - El Nuevo Testamento en matsés

¹¹ Nuquin Papa tantiaquin naquidquio nibëdec. Nuquin Papa tantiate bunquidquio nibëdec.

Doma 3:11 Referans Kwoze

Tito 3:3

Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Doma 8:7

Icsambuen nate bunquidëmbien Nuquin Papan: Naden nata, quequin chiaid nate bunenquio icquin ambi icsambuen naiduidi tantiaquin Nuquin Papa chieshënquid nec.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.

Doma 1:28

Adec abi tantiate bunenquio icsho isash Nuquin Papa: Ma ambi icsambuen nate bunacpadequi icsambuec ma adequi tabadpanu, quiampampic. Adnëdambi ambi natemaidi naic tabadec.

Doma 1:22

Dadpen tantiaquid nebi, quequidobi tantienquiocquid nec.

Mateo 13:19

Nuquin Papan namiacno tabadte iquec, quequin chiaqui tantienquio icsho Mayan Icsa Satanasën nac badedi bëshunendac. Adquid podquied nantan pete ëshë secac paëdacsho uicchunën badedi chiacbimbuecquid nendac.

Doma 3:10

Naden chuiquin Nuquin Papan dada uamepampic: Nuquin Papan chiacpadombuenuidi naquidquio matses abentsëc nibëdec.

Doma 3:12

Abitedi Nuquin Papa tantienquio yec podquied icsambocquidën nidacbimbuec iquec. Abitedimbo icsambocquido nec. Ambi Chiaid bëdambuen naquidquio nibëdec. Abentsëc adquidquio nibëdec.