Doma 3:10 - El Nuevo Testamento en matsés

¹⁰ Naden chuiquin Nuquin Papan dada uamepampic: Nuquin Papan chiacpadombuenuidi naquidquio matses abentsëc nibëdec.

Doma 3:10 Referans Kwoze

Doma 3:23

Matses abitedi icsambuen naquido yec Nuquin Papa bëdamboshëcquidbëd ictiapimbo yec uannombo iquec.

Mateo 15:19

Nëidic icsambuen tantiaquido. Nëidic cuessunnianquido. Nëidic aton chidopenquio chudquido. Nëidic aton bënëpenquio chudmequido. Nëidic ambi natemaidi naic chudnanquido. Nëidic ampequido. Nëidic mua uanquido. Nëidic icsambuec chuishumënquido.

Tito 3:3

Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Madcos 10:18

Adoaquien Esusën: ¿Atotsi quequin mimbi ubi: Bëdambocquid nec, cape? Nuquin Papa abentsëcquiobien bëdambocquid nec.

Petedo 1 1:16

Nuquin Papan naden chuiquin dada uamiampid iquec: Icsaisambo nebique. Mibitedi icsainquio yec bëdambuecshë tabadta.

Doma 3:4

Natsiash, caimbi. Aden ambi chiacpadombuen naquidquio Nuquin Papa nec. Matses abitedimbo muaquido icnuc Nuquin Papan naden chuiquin dada uamiampid iquec: Abimbo chuiquidquio icquin ambi chiacpadombuen naquidquio nec. Adquid icquin: Icsambocquid cuidquid nebi, quequin mibi icsambuen chuishunquido dëniacquin cuidquidquio nec, quequin dada uamepampic.

Esusën Uan ismiaid 22:15

Adec aido tabadnubi nadquidtedi ambo puduedtiapimbo yec umanucquio tabadendac. Nëidic icsambocquid yec chieshëmënquido. Nëidic nënëchoquido. Nëidic aton dada utsibëdi chichudnanquido. Nëidic aton chidopenquio chudquido. Nëidic aton bënëpenquio chudmequido. Nëidic aton chido utsibëd dachudnanquido. Nëidic chieshëmënec cuessunnianquido. Nëidic ambi nacnenaid papa caquin tantiaquido. Nëidic abi bunaiduidquio naic mua uanquido. Adquidotedi Nuquin Papa yacno puduedtiapimbo iquendac.

Esusën Uan ismiaid 21:8

Adoshombic nadquidtedi cuidendambi. Nëidic dacuëdquin ubi tantiauidbuedo. Nëidic Esus tantiesabo abitedi. Nëidic chieshëmënquido. Nëidic chieshëmënec cuessunnianquido. Nëidic aton dada utsibëdi chichudnanquido. Nëidic chido daëd dachudnanquido. Nëidic aton chidopenquio chudquido. Nëidic aton bënëpenquio chudmequido. Nëidic nënëchoquido. Nëidic ambibi nacnenaidi papa caquin tantiaquido. Nëidic mua uanquido. Aidotedi chian dapa ënëdenquio yec annëdënquequid icsamboshë nuadquid asupede caid padpidec uënëste caid yacno nësecaindambi, queposh.

Doma 11:8

Naden chuiquin Nuquin Papan dada uamepampic: Nuquin Papan pacuënnëdacbimbuecnuc icmiac Ambi Chiaid mimbi nëbi tantienquio iquec. Nëbi adombuembidi ëshë icmeshunaqui bëdambuen isenquio iquec. Adembidi pabiate icmeshunaqui bëdambuen tantienquio iquec, quequin dada uamepampic.

Doma 3:11

Nuquin Papa tantiaquin naquidquio nibëdec. Nuquin Papa tantiate bunquidquio nibëdec.