Doma 3:1 - El Nuevo Testamento en matsés

¹ Adshumbic naden chuinu. Tantia. ¿Udiubo icacta bëdambo icpatsiash? ¿Ada shui dëbid detemiac bëdambo icpatsiash?

Doma 3:1 Referans Kwoze

Ebedeo 13:9

Esusën naidquio chuinu, quequidën utsi chiec muaquin chuibansho tantienda. Padnuen mibi bëdambuen isquin nashunquid: Nuquin Papa tantiaquidquio ma yannu, quequin mibi chuibanquidën chuibanacpadombuen nabanta. Utsibic: Nëid petemaid nec. Nëid petequid nec, quequin tantiaquin naquid yec Nuquin Papa tantiaquidquio yanenquio mibi ictsiac.

Codinto 1 15:32

Epeso yacnoshon chuibansho chieshënquin ubitedi bëdi tëbuchoquidën icsa uatsenondashi. ¿Ambembi chuibanquidtabi nedi? Adquid icquin chuiquin ëntsenondambi. Adecbidi uincuente nibëdnuc matsesën chiacpaden: Badiadash uënësash nibëdquiec iquebi, quequin tantiaquin nua peshun nua acte paë uaid aquembi, quequin chuitsenombi.

Uanën dada uaid 4:22

Min matsesën: Nuquin Papa iquec, quequin tantienquio iquec. Cun matses isadaidbombien: Nuquin Papa iquec, quequin tantiashun: Nuquin Papan Chomiaid icquin Nuquin Papa matses bëdambuen ismequid nuquin matsesën tishendac, quequin chiampid tantiaquin bëdambuen tantiec.

Doma 3:2

Ai, bëdambo iquec, caimbi. Nuquin Papan: Naden nata, quequin Umbi Chiaid ma isadaidbomba tantianu, quequin Ambi Chiaid dada uamepampic.

Doma 3:9

Tantia. Chuinu. ¿Atotsibi quio? Nuquitedi isadaidbo yec bëdambuec tabadnubi matses utsibo icsambuen naquido nec ¿quectabi icpe? Padenquio. Isadaidbo yec Isadaidpembo yec matses utsibo yec quec abitedimbo icsambuen naquido nec, quequin mibitedi chiombi.