Doma 2:8 - El Nuevo Testamento en matsés

⁸ Icsambuen naquidoen Nuquin Papan Chiaid chiaqui tantiate bunenquio icquin abi bunaiduidi naic icsambuec tabadsho Nuquin Papan nëishënshun cumapenen cuidendac.

Doma 2:8 Referans Kwoze

Esusën Uan ismiaid 16:19

Adnubien matses dadpen icquid shubu dadpen icquid Babidonia caid yacno nidaid abichobi icbuedi cuëshë dapa 3ted yanec tiadbudcuemposh. Aden Nuquin Papan: Ambocquido icsamboshë icquido nec, quequin Babidonia yacnocquido uesquin cuidquioposh. Adec nidaid uëdëquec ishcudnubi nidaid utsi utsiec yacno shubu dadpen icquid yacno yacnombuec shubu abitedi uesadec chimeshadbudneposh.

Petedo 1 4:17

Nuquin Papan matsesën naidtedi tantiaquin cuidte uëshë nëbi yannuc Esus tantiaquid icquimbi icsambuen naquid icsho mibi natiamendac. Adsho issun chieshëmënquidën natiamiac umbi tantiacpadombuen ambi icsambuen naid ëntsiash, queshun mibitedi Nuquin Papan: Natiamenda, cainquio iquec. Aden abi tantiaquidoba natiametequid icquin ¿abi tantiesabo icquin Esusën naid Chiaid Bëda niacniacquid icsho bëdiactsëcta cuidpec? Cumapenquien Nuquin Papan cuidendac.

Tesadonica 2 1:8

Icsambuen naisambo yec matses cuidquidquio nebi, quec choshon Nuquin Papa tantiesabo cuidendac. Nuquin Icbo Esus tantiasho Nuquin Papan mibi bëdambuen istsiash, quequin chuibanac aid tantiesabotsen Esusën cuidendac.

Esusën Uan ismiaid 14:10

Adquido yec icsamboshë icquidën iuabo icsho aton icbobëtabi Nuquin Papan nëishënquioshon chian annëdënquequid asupede icsambo nuadacno nësecaquin cuidquiendac. Obecabimbuecquidbëtan abëd icquid bëdamboshëcquidon isnubi Nuquin Papan aden cuidquiendac.

Ebedeo 11:8

Adembidi abi tantiaquidquio icsho Abadauan chiec: Nidaid utsi mibi menembique. Nidtan, Nuquin Papan cac ambi isacmanombo Abadauan nidpampic.

Ebedeo 10:27

Aden Ambi Chiaid niactednequid icsho abitedi cuidte uëshë chonoc nëishshun dacuëdampambocquid icquin cumapenen chushcashun Nuquin Papan abi chieshënquido nibëdanmequin chian annëdënquiacno nësecaindac.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Tito 3:9

Adec tabadec min tsusedpabon ambembi chiampid chuinanec utsibëd nëishnanash icsambuec tabadenda, quequin chuibanta, Tito. Adembidi isadaidbo Moisesën: Naden nata, quequin chiampid chiec chushcanansho issun: Adec tabadenda, cata. Aden chiaidtedi Nuquin Papa yacno mibi puduedmetemaid nec, quequin chuibanta.

Codinto 1 11:16

Umbi chuibued tantiash: Icsambuen chiosh, quiash chushcante bunquido icsho ubëtan chuibennequidobëtan: Nuquin Papan tantiamiac Esus tantiaquidon: Aden Pabadon chiacpadquid utsi nibëdec, quequin tantiata.

Doma 15:18

Esuquidistun ubi chuibanmequin namiaiduidtsëqui icquin mibitedi chiec nebi. Aidën namiac matses utsibon ma Nuquin Papabëta Esus tantiabenshun aidën chiacpadec ma tabadnu, queshun chuibenniombi.

Doma 10:16

Adquidën Esusën naid chuibanac abitedishun tantienquio icnubi daëdpactsëcshun tantiec. Naden Isayasën chuipampic: Icbo ¿tsuntsin nuqui chuibansho tantiapec? quequin chuipampic.

Doma 9:22

Adombuembidi Nuquin Papan ambi tantiacpadombuen cuidendac. Nadatiambocquid icquin icsambuen naquido cuidquid nebique. Ismenu, quebuedi ambi cuidtequidobi baded cuidenquio iquec. Adoshombic ambi tantiacpadëmbi aido adec icsambuec tabadsho issun cuidquin chian annëdënquiacno nësecaindac.

Doma 6:17

Ënden mimbi icsambuen naid ëntiapimbo yec mibitedi tabadpondac. Adec tabadsho Esus abided cuidadaid chuibanac: Abimbo caic, queshun tantiabenash aidën chiacpadec mibitedi bëdambuec tabadcuenondac. Aden namec mibi bëdambo iquec, quequin Nuquin Papa chiombi.

Doma 1:18

Abi tantiesabo yec chieshëmënec tabadquid abucshun isquin cuidquid Nuquin Papa nec, quequin nuqui tantiec. Adec abi tantiesa yec icsambuen naic tabadquin Ambi Chiaid tantiatiapimbocquin utsibotsen tantiametiapimbo icsho nëishshun Nuquin Papan cuidendac.

Petedo 1 3:1

Tantia, chidobo. Bënëchoquid icsho mibitedi chuinu. Esus tantiaquid icquin min bënën chiacpadombuen nabanta. Esus tantiec ubi bëdambuec tabadsho issun Nuquin Papan Chiaid tantienquio icbuedëmbi cun bënën Esus tantiabentsiash. Mimbitsen Esus tantiabenta, quequin umbi chiambobi Esus tantiabentsiash, queshun min bënën chiacpadombuen nabanta.

Codinto 2 12:20

Mibi yacno nidshun isac mibitedi bëdambuec tabadenquio icchitotsiash, quequin dacuëdquin umbi tantianubi mimbi: Pabadon ubi chushcanushe, quequin tantiabededtsiash. Mibitedi nadec tabadsho chushcatsiambi. Nëidic chushcananquido. Utsibic utsin na dadpen icsho isash bedte bunec chieshëmënquido. Utsibic nëishëmënquido. Utsibic: Ubiuidtsëqui bëdambo iquebi, quequido. Utsibic utsi icsambuec tabadaid chuinanquido. Utsibic: Utsibo icsaiduidi chuiquido. Utsibic: Ubi bëdambocquid icnubi aid icsambocquid nec, quequido. Utsibic ambi tantiacpadpenquiocquid icsho isash cumapenec cuëdcuededquido. Adoquido icsho chushcatsiambi, quequin chuiquin dada uaic nebi.

Cadasia 5:20

Nëidic ambibi nacnenshun papa caquido. Nëidic nënëchoquido. Nëidic chieshëmënquido. Nëidic chieshëmënec chushcananquido. Nëidic utsina isash cumapenec bunquido. Nëidic badedquio chieshtoquido. Nëidic ambi naiduidi naquido. Nëidic cuësh cuëshëdmianquido. Nëidic: Utsin chiaid tantiatiapimbo iquebi. Umbentsëqui bëdambuen chiembi, quequido.

Pidipos 1:17

Aden chuibanec: Umbentsëqui chuibanac tantiashun: Mibi bëdambo iquec, ma ubi canu, quequin Esus tantienquio icquimbi aidën naid chuibanec. Adembidi umbi naid utsibon chuituidac: Ma Pabado uënësquio yampanu, queshun chuibanec ubi quënën tsadnubi.

Pidipos 2:3

Utsibon mibi chieshënquin nacpaden nainda. Ubiuidtsëqui bëdamboshë iquebique. Cunauidtsëqui nanu, quec mibiuidtsëqui tantiadec tabadenda. Adec tabadenquio yec: Ubi bëdapabi icnuc utsibo bëdamboshëcquido neque. Nashunnu, quec bëdambuec tabadta.

Santiaco 3:14

Padnuen nadquid bëdambuen tantiaquidpenquio nendac. Nëidic: Ubi bunacpaden: Umbi nanu, cabuedi aidën naic, quiash chieshëmënquid. Nëidic chushcanante bunquid. Nëidic: Ma utsibon ubi bëdambuen isquin aton chuiquid icmenu, quequin tantiaquid. Adec tabadquid yec abimbo chiaidquio tantiesabo nendac.

Santiaco 3:16

Adec nëishnanash tabadec: Umbiuidtsëqui namenu, quec tabadquid icnuc utsi utsiec: Ubi bunacpadombuenuidi ma nabannu, quec tabadquid iec chieshënnanec icsambuecshë tabadanendac.