Doma 2:21 - El Nuevo Testamento en matsés

²¹ Aden utsibo chuibanec: Nuquin Papan Chiaid niaquenda, quebuedëmbi ¿atotsi quequin aidën chiaid mimbi niacpe? Ampenda, quebuedëmbi ¿atotsi quequin mimbi ampepe?

Doma 2:21 Referans Kwoze

Codinto 1 9:27

Adquid icquin ambembi naquin ubi bunacpaden nabanenquio iquembi. Ënapen nidec: Padishmane, quiash uidënquio icnuec capuquidquio nebi. Adacbimbuen umbi tantiacpaden chuibanenquio icquin: Ma utsibon tantianu, queshun Esuquidistu uidtsëqui chuibanembi. Chuibanenquiocsho Nuquin Papan bëdamboshëcquid menenquio icnushe, queshun icsambuen nainquio iquembi.

Ducas 12:47

Adembidi aton icbon chiaid tantiaquimbi ambi chiacpaden nabanesa icsho issun: Cumapenen cuesta, cac iuen cuesendac.

Ducas 11:46

Adoaquien Esusën: Ëndenquimbo Nuquin Papan: Naden nata, quequin Moises chiampidbëta mimbibi tantiaquin: Naden nata, quequin chiaid dadpen chuibanquin ambi natiapimbo icte matses mimbi namepec. Aden aido namequimbi mimbi chiacpaden nabanesambo icsho Nuquin Papan cuidtequidombo mibitedi nendac.

Ducas 19:22

Adoaquien chuiquid tapan: Umbi chiaid niacquid yec cun iua icsambocquid mibi nec. Umbi naid tantiaquimbi umbi chiaid nainquio icsho mibi cuidmembi. Utsinabëta utsin nitsinaid bedbanquid mibi icsho isombi. Adquid icquin chushcanushe, ¿quequinda tantio?

Ducas 4:23

Adoaquien: Bëdanmequid iquec abibi daicsambo yanash bëdanmiadacsho isash: Bëdanmequidquio nec, quequin chiampid mibitedishun tantiapec. Umbi Capednaun yacnoshon nabambued tantiashun: Nëshunquiotsen adombuembidi nabantsiash, ¿quequinda mibitedishun tantie?

Mateo 21:13

Adshumbic naden chuipondash: Nuquin Papan chuiquin dada uamiampid nad iquec: Ubi tabadte shubu dapa ubi chiannec tabadte nec, quequin chiampid icnubi adoenquio icquin mitsanauidi bedte bunquin ampec tabadte mibitedishun icmiaque. Baded niecun, capondash.

Cadasia 6:13

Aden shui dëbid dëtemequidombi Moisesën chiampidtedi natiapimbo iquec. Adquid yec aido: Umbi chiacpadombuen nëidon naosh, quenuembien mibitedi shui dëbid dëtemetiadquio icchitec. Aden mimbi nabanquin ismiac umbi chiacpadombuen tantiaquin nabanquido nec, quiash: Ubiuidtsëqui bëdambocquid nebi, quenuec neque. Aidën chiacpadombuen nainda.