Doma 15:31 - El Nuevo Testamento en matsés

³¹ Udea yacno nidsho Esus tantiesabon cuesnushe. Dayun uata, quequin Nuquin Papa chianneta. Adembidi umbi piucquid buanaid Edusaden yacnocquid Esus tantiaquidon bedenquio icnushe. Bëdambuen bedmeta, quequin Nuquin Papa chuita.

Doma 15:31 Referans Kwoze

Tesadonica 2 3:2

Adembidi Esus chuibansho issun abi chieshënquidon: Pabado mëyannu, casho mëyanmenda, Papa, quequin ubitedi tantiaquin Nuquin Papa chianneta.

Codinto 2 8:4

Esuquidistu tantiaquid utsibo nidaid cuëshë Udea caid yacnocquido atona nibëdnuc natiec, quequin chiac Masedonia yacnocquid Esus tantiaquidon: Umbitsen sambedednu. Aido menenun buanta, quequin chuibededposhi.

Codinto 2 9:1

Ënden nidaid Udea yacnocquid Esuquidistu tantiaquido tantiaquin nashunta, quequin umbi chiondaid padpiden chuiquin dada uainquio iquembi.

Doma 15:25

Nëbini Edusaden yacnoba nidendac. Ambocquid Esus tantiaquido atona nibëdquido utsibon meniaid menec nidendabi.

Timoteo 2 4:17

Nuquin Icbombini nianenquio icpondash. Isadaidpembo matses utsibo yacno nidshun ma Esus abided cuidadec uënës uaid tantiate chuibannu, quequin cuesambo icmepondashi. Adondaid icshobini chieshëmënquidon: Cuessunnenu, cauidpondash. Adshobini bëdi tëbuchoquid tapan bedacsho mënchicacbimbuen Nuquin Icbon nac aid matsesën cuessunnenquio icpondashi.

Timoteo 2 3:11

Aden chuibennesho issun chieshënondashi. Nëidted shubu dadpen icquid yacnoshon ubi chieshënondaid mimbi tantiec. Antioquia yacnoshon. Adembidi Iconio yacnoshon. Adshobini shubu dadpen icquid utsi Disteda yacnoshonquio cuessunneuidquiopondash. Adshobi Nuquin Icbon nac uënësenquio icpondabi.

Tesadonica 1 2:15

Isadaidbombidi Nuquin Papan oncamiaido cuessun secapampic. Adembidi Nuquin Icbo Esus uënës uamepondash. Adombuembidi chieshënquin aton nidaidënshun cuenmepondashi. Adembidi chieshënquin mibi yacnoshontsen ubitedi cuenmeuapondash. Adsho Nuquin Papan bëdambuen istiapimbo yaido icquin matses chieshënquido nec.

Hechos 25:24

Bëmiac Pabado nënantanquio nidtonobi Uesto nadpanëdash: Chuiquid tapa Aquidipa, mibëd iccuededquidobëtan umbi bëmebued mibitedishun isec. Aidi isadaidbon: Nëid dada icsambocquid neque. Cuessunneme, quequin cumapenec cuëdquin chuiposhi. Edusaden yacno ubi nidacsho issun adoposhi. Adombuembidi nëshuntsen Sesadea yacnoshon chuiuaposhi.

Hechos 25:2

Adec ambo nidash tabadsho Nuquin Papa ismequin nëish iua cuessunneshun pichicaquidon chuiquidobëtan isadaidbon chuiquidon Pabado chieshënquin naden chuipanëdash:

Hechos 22:24

Adsho issumbien: Cuessunnenushe. Sondado ushte shubu nuntan buanta, quequin sondadon chuiquidën chiac Pabado nuntan sondadon buanacsho issun: ¿Atotsi nasho isash isadaidbo nëid cuessunnete buneque? Ma ambi icsambuen naid chuinu. Cumapenen cueshcanten cacuesta, quequin sondadon chuiquidën chuipanëdash.

Hechos 9:13

Adoaquien: Cun matses dadpenshun Saudon icsambuen nabanaid chuibansho tantiombi, Icbo. Aidëmbi Edusaden yacnoshon mibi tantiaquido mëyanmiac caosh.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Codinto 1 16:15

Cun utsibo, nidaid Acaya caid yacnocquid Estepanas aton shubun icquidobëd abia Esus tantiaquido yanaccondash, quequin mibitedishun tantiec. Adquid yanshun Esus tantiaquid utsibo tantiaquin nashumbanquido nebi, queshun aidon nashumbanec.

Codinto 2 1:10

Aden: Cuessunnenuna, cac natiapobi. Adshobi Nuquin Papan mënchicposhi. Adenuidi aidëmbi ambi mënchicbocpadembi ënenquio icquin ubi nashunendac, quequin tantiec tsadebi.

Codinto 2 9:13

Aden nashunaid issun mibitedi tantiec: Chiaid Bëda Esusën naid chiac: Esuquidistu tantiaquid nebi, quequin abimbo chuiquidquio aido nec, quequin mimbi dadpen meniaid bedshun: Nuquin Papa bëdamboshë iquec, quequin aidon chiendac.