Doma 14:20 - El Nuevo Testamento en matsés

²⁰ Nuquin Papan bëdambuen isaidon tantienquio yannushe, queshun ambi petemaid pemequin aido chieshtomenda. Nuquin Papan: Matsesën petemaid nec, caid nëbi nibëdnubi Esus tantiabentsëcquid ambi petemaid pemequin aid chieshtomiac icsambo ictsiash.

Doma 14:20 Referans Kwoze

Mateo 18:6

Adshumbic padpiden chiec: Nëid bacuën ubi tantiasho icsambuen namequin cuëshëdmesho issun cuënote iuëmbocquid tëdectanquin tëtanetanquin acte dapa ëquëducquioshë yacno nënepatecnëdan.

Tito 1:15

Bëdambuen tantiaquid yec bëdambuec tabadquin nabanquid nendac. Icsambuen tantiaquidien bëdambuen nate tantienquio icquin Nuquin Papa tantiesabo nendac. Icsambo iquec, quenquio icquin icsambuenuidi nate bunquin aiduidi tantiaquid nendac.

Hechos 10:15

Adoaquien padpidec abucuësh onquec: Nuquin Papan bëdambo icmiaidi icsambocquid nec, cainda, quepanëdash.

Doma 14:21

Ubëtan Esus tantiaquido chieshtonoshe, queshun ambi petemaid pambid penquio icquinc ambi actemaid acte paë uaid aquenquio icquinc ambi natemaid utsi nainquio icquinc cac bëdambo ictsiash.

Mateo 15:11

Tsusedpabon chiampicpadombuen mëpamëdambobi pete ambi pequin chebudaidën matses icsatiapimbo iquendac. Padnuen ambibi ëquëducshun icsambuen tantiaquin chiec onquiaidëmbien matses icsaindac, quequin Esusën chuipondash.

Epeso 2:10

Nuquin Papan uaido nuqui nec. Adoshon Aidënquiobi nuquitedi Esus tantiaquido icmiac. Aden chucauaido yec bëdambuec tabadquin utsibo tantiaquin nashunquid nuquitedi nec. Nuquin Papa ëndenquimbo: Ma utsibo nashunnu. Esuquidistu tantiaquido icmendambi, quepampic.

Pidipos 1:6

Nuquin Papan tantiamiac mimbi Esus tantiabenondac. Aden abi tantiasho mibitedi bëdambuec tabadmec. Adoac Esuquidistu nidaidën padpidec choacnobi cuësquec bëdambuec tabadquidquio yanendac.

Doma 14:2

Adquid chuinu. Tantia. Esus tantiaquidquio: Pete abitedi pambidbëta pequid Nuquin Papan: Icsambo iquec, cainquio iquec, quenubien utsi Esus tantiabentsëcquid: Padenquio. Pambid pesho issun Nuquin Papan: Icsambo iquec, canushe, quequin pete utsi pequin pambid isuidquid iquec, quepec.