Doma 14:13 - El Nuevo Testamento en matsés

¹³ Aden chuitequid icnuc utsibobëd icsambuec chuishunnanenquio icnuna. Adoenquio icquin ambi natemaid umbi nasho isash chieshtoshon Esus tantienquio yannushe, queshun ambi natemaid naquin ismenquio iquembi, queshun Esus tantiaquidtedi bëdambuen isnuna.

Doma 14:13 Referans Kwoze

Codinto 2 6:3

Icsambuec tabadquin umbi chuibanac: Muasho tantiatiapibi, quenushe, quiash ubëtan chuibanquid utsibobëd bëdambuec tabadquin ismembi.

Santiaco 4:11

Cun utsibo, mibëtan Esus tantiaquid utsibobëd icsambuec chuishunnanenda. Aden icsambuen chuishunquin mimbi: Nuquin Papan: Naden nata, quequin Chiampid icsambocquid nec, cacbimbuen naindac. Adec utsibobëd icsambuec chuishunnanenquio icquin Nuquin Papan chiacpadombuen naquid icta.

Ducas 12:57

Aden chiashic: ¿Atotsi quiash utsibobëd bëdambuec tabadenquio ique?

Mateo 7:1

Naden Esusën chuibampanëdash: Aidën icsambuen naic, quequin utsibo chienda. Mimbi adosho Nuquin Papan: Icsambo icquid mibi nec, queshun mibi cuidnushe.

Doma 16:17

Tantia. Chuinu, cun utsibo. Mibëtan Esus tantiaquido chieshënmequin cuëshëdmequido iquec. Aidon Nuquin Papan Chiaid mimbi tantiaidquio chienquio icquin mibitedi icsambuen namenuen muaquin chuibampec. Adquidobëd onquec tabadenda.

Doma 14:10

Adquid icnuc ¿Atotsi queshun mibëtan Esus tantiaquid: Icsambocquid nec, quequin mimbi chuishumpe? ¿Atotsi queshun mibëtan Esus tantiaquid mimbi icsambuen chuishunquin mamënshumpe? Nuquin Papanuidtsëqui matsesën naidtedi tantiaquid icquin: Nëid bëdambocquid nec. Nëid icsambocquid nec, quequin matses abitedishun tantianuc nuqui chuimendac.

Ducas 17:2

Adquid icnuc ubi tantiabentsëcquid icsambuen namequin cuëshëdmesho issun cuënote iuëmbocquid tëdectanquin tëtanetanquin acte ëquëducquioshë yacno nënepatecnëdan.

Esusën Uan ismiaid 2:14

Adondaid tantiaquin mimbi icsambuen naidtsen chuinu: Mibi cuëdëncuededacno ubi tantiaquido icsambuen namequid utsi utsiec puduedposh. Aido nënëchoquid Badan campidbimbuecquido nec. Ëndenquimboshë matses utsibo chuiquid tapa Badac caidën: Isadaidbo icsamec cho, cac cumapenen tantiaquid Badan caidën: Isadaidbo Nuquin Papan Chiaid niacmenu, quequin chuitampampic. Adoac Badac caidën chiacpadombuen ambi papa caid nacnenaid ismequin dasambued nëish iua pichicaid isadaidbo pemepampic. Aton matsesën chidobombic isadaidbo dadpen chudmequin icsambuen namepampic. Aden Nuquin Papan Chiaid niac niacmec icsamianquido mibëd iquec.

Santiaco 2:4

Aden mimbi tantiaiduidi bëdambuen isec tabadenda. Nëid bëdambocquid nec. Nëid icsambocquid nec, quec chieshëmënec icsambuen tantiec tabadenda.

Codinto 1 11:13

Nuquin Papa chuinu, queshun ¿ada chidon mapucudambobi chiac bëdambo icpec? quequin mibitedishumbi tantiata.

Codinto 1 10:32

Nëidtedi ismequin: Icsambo iquec, camenda. Nëidic isadaidbo. Nëidic matses utsibo. Nëidic Nuquin Papan tantiamiac Esus tantiaquido. Aidotedi: Icsambo iquec, camenda.

Doma 14:4

¿Icbompenquioda utsin iua chushcaquin: Icsambo iquec, capadic? Padenquio. Aton Icbonuidtsëquien: Mibi bëdambo iquec. Mibi icsambo iquec, caquid. Adembidi abi nashunquid icsho Nuquin Papa nadatiambocquidën bëdambo icmendac.

Mateo 18:7

Aden ubi tantiactsëcquido utsibon icsambuen namiac icsamboshë iquendac. Ai, adquid iquendac. Adec icsambuen namianquid icsho Nuquin Papan cuidquiendac.

Mateo 16:23

Aden chiac bidiadquin Esusën: Mayan Icsa Satanasën oncamiac Petedo nec, queshun Petedo isquin naden chushcapondash: Cuenta, Satanas. Nuquin Papan tantiacpadpenquiocnoc Ambi Chiaid ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden tantiaquid mibi nec, capondash Esusën Petedo chuiquin.

Uan 1 2:10

Esuquidistu tantiaquid utsimbien: Cun utsibimbuecquido nec, queshun aid tantiaquin bëdambuen nashunquid nec. Adquidën Esus tantiaquido icsambuen namenquio icquin cuëshëdmenquio iquendac.

Timoteo 1 5:14

Adquid niante machobudambo icquid dadan bedac bëdambo ictsiash, caimbi. Adoac bacuë tishuatsiash. Adshun aton shubun icquido nashuntsiash. Adec bëdambuec tabadsho issun: Icsambuen chuishunquin: Icsambocquid nec, Esus tantiesabon catiapimbo ictsiash.

Pidipos 1:10

Aden tantiamiac: Nadec tabadec bëdambo ictsiabi. Adec tabadenquio yec icsambo ictsiabi, quequin bëdambuen tantiendac. Aden tantiaquid yec chieshtoenquio icquin Esus tantiec bëdambuec tabadendac. Adec tabadnubi abi chote uëshën choshon Esuquidistun: Bëdambuec mibi tabadoc, mibi caindac.

Codinto 2 5:14

Esuquidistun tantiaid icquin ënenquio icquin naden chuibanquid nebi. Matses abitedi tantiec abided cuidadec Esuquidistu abentsëqui uënëspanëdash. Adquid icnuc uënësacbimbuen aid tantiaquid icquin nuqui bunaid nainquio iquendac, quequin nuqui tantiec.

Doma 11:9

Adembidi naden chuiquin Dabidën dada uapampic: Ubi bunaiduidi naic bëdambo iquebi, queshun iccuededquin peshun aquec icsambuen naic tabadec. Adquido icsho Nuquin Papan: Aido icsamboshë icquido nec, queshun cuidendac.

Doma 14:3

Pambid pequidobëtan pambid isuidquidombi Esus tantiasho Nuquin Papan aid daëdi bëdambuen isec. Padnuen pambidbëta pete utsi abitedi pequidën pambid isuidquid chieshënac icsambo iquec. Adembidi pambid isuidquidën: Pambid pequid icsambo iquec, quequin chieshënac icsambo iquec.