Doma 12:12 - El Nuevo Testamento en matsés12 Uënësacsho abi yacno Esusën ubi tabadmendac, quequin cainec cuishonqueta. Utsibon chieshënquin natiamiaqui chieshtoenquio icquin tantiata. Ënenquio icquin badedbadedquien Nuquin Papa chianneta. Gade chapit la |
Aden umbi chiacpaden nabanquido yec chieshuidequi tabadenda. Adec tabadenquio icquin Nuquin Papan Chiaid tantiata. Nuquin Papan: Ubëd mibi tabadendac, quequin chiampid tantiash utsibo: Abimbo caic, queshun abi tantiasho Nuquin Papan ambi chiampicpadombuen abëdi tabadmendac. Aidon nabanquin tantiacpadombuen chieshtoenquio icquin Nuquin Papa tantiata.
Aden Nuquin Papa tantiaquidombo yec uënësampidën dacuenadec tabadquin isacbimbuec nuqui tabadec. Aidon nampid tantiaquin Nuquin Papa tantiate bunquioquin: Cun dashcute iuëmbocquid chictanec cumapenec titinquetannu, quiacbimbuen nuqui icsambuen nabanaid ënnuna. Adembidi dayacquiocquin Nuquin Papan chiacpaden nabanec tabadnuna.
Padnuen nuquitedi Esus tantiec bëdambuec tabadquido nec. Adquid icquin nuqui icsambuen nate bunaid nainquio icnuna. Sondado: Shocosh tsasimbo icquid shictonquenu. Sicsenushe, quiacbimbuec icnuna. Mayan Icsa Satanasën Esus tantiamenquio icnushe. Esus tantiaquioquin matsestsen tantiaquionona. Adecbidi sondado: Masenushe. Shocosh tsasimbo icquid mauete mauenu, quiacbimbuecbidi icnuna. Mayan Icsa Satanasën icsambuen tantiamequin chieshtomenushe. Esus tantiasho cuidenquio icquin Nuquin Papan abi yacno ubi tabadmendac, quequin tantiec bëdambuec tabadnuna.
Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.
Esuquidistu matsesash nidaidën tabadec: Ubi uënës uamequin mëyanquiendac, quequin tantiec shubiquioquin naden chuidonepanëdash: Nadatiambocquid icquin ubi uënës uamenda, Papa, quequin chuidoniaqui: Ai, quenquio icsho Aton Madon naden chiec: Papa, mimbi chiacpadombuen naindambi, quequin abi chuisho tantiashun aton Papan adombuen namepanëdash.
Padnuen Esuquidistu Nuquin Papan Madombo nec. Adquid icquin aton Papan shubun icquido namequid nec. Aden aton shubun icquido dayun uacbimbuen nuqui dayun uaindac. Adoac aidën shubun icquidbimbuecquid nebi, queshun chieshtoenquio icquin Nuquin Papan chiacpadombuen nuqui naindac. Aden naquido icsho abi yacno nuqui tabadmendac, quiash cuishonquequin abi cainquido Esusën dayun uaindac.
Nëidtedi ënëdtemaid iquec: Abimbo caic, quequin Nuquin Papa tantiaid ënëdtemaidquio nendac. Adecbidi Nuquin Papa yacnouësh abipadquid bëdambocquidquio iquendabi, quequin cainquin tantiaid ënëdtemaidquio nendac. Adecbidi utsibobëd tantiananaid ënëdtemaidquio neuaindac. Adec aidtedi ënëdtemaid icnubi utsibobëd tantiananec tabadtembuen natequidquio nendac.
Pete ëshë utsi nidaid bëdambo yacno paëdaidbimbuecquid nad iquec. Nuquin Papan Chiaid chuibansho tantiaquioshon ambi tantiabued bëshunenquio icquin tantiadonec bëdambuec tabadquin utsi tantiamequin chuibanquidquio nendac. Adquid natiamiantequid chonoc chieshtoenquio icquin utsibo ënenquio icquin chuibanendac. Adquidën chuibanac ubi tantiaquid dadpenquio yanendac, quepanëdash Esus abëd icquido chiec.
Aidon Esus tantiaquin mimbi chiacpadombuen matses tantiaquin nashumbanondash, Papa, quequin Nuquin Papa chiannembi. Abi yacno abi tantiaquido buannuec Nuquin Icbo Esuquidistu padpidec choec, quesho utsibon chieshënaqui chieshtoenquio icquin Esusën naid abi chuibanondash, quequin ubëd icquidobëtan ënenquio icquin mibitedi tantiembi.
Aden utsibon chieshënaqui chieshtoenquio yec cuishonqueta. Adembidi ënden min tsusedpabo Nuquin Papan oncamiaidon chuibansho issun chieshënquin utsibon cuessunnepampic. Aden nampid icnuc utsibon chieshënac: Ubi bëdambuen isquin uënësacsho abuc abëdi tabadmequin ubi bëdamboshëcquid menendac, quiash cuishonqueta, quequin Esusën chuipanëdash.