Doma 1:17 - El Nuevo Testamento en matsés

¹⁷ Esusën Chiaid Bëda chuibansho tantiashun Esus tantiaquid icsho Nuquin Papan bëdambuen isec, quequin nuquitedi tantiec. Naden chuiquin Nuquin Papan dada uamiampid iquec: Ambi chiacpadombuen naic tabadquin Abi tantiasho Nuquin Papan abëd tabadtequido icmendac, quequin dada uamepampic.

Doma 1:17 Referans Kwoze

Cadasia 3:11

Ambi: Naden nata, quequin Moises chuiquin dada uamiampid nainquio icsho Nuquin Papan bëdambuen istiapimbo iquec. Aden istiapimbo icquin Nuquin Papan naden chuiquin dada uamiampid iquec: Ambi chiacpadombuen naquidquio Nuquin Papa nec, quequin tantiaquioquid Nuquin Papan icsaisabimbuecnuc bëdambuen isquin abëd tabadtequid icmendac, quequin dada uamepampic.

Ebedeo 10:38

Aid chote tantiec Ambi chiacpadec bëdambuec tabadquin abi tantiasho Nuquin Papan abëd tabadtequido icmendac. Utsin chieshtoshon ubi tantienquio icsho bëdambuen istiapimbo iquendabi, quec Nuquin Papa, quequin chuiquin dada uapampic.

Pidipos 3:9

Esuquidistubëd daëdash aidbëd abentsëc yacbimbuecquid nebi. Adquid yec Moisesën chiampicpadombuen naquin aidën chiacpadombuen nainquio icchitembi, quequin tantiec nadondabi. Nuquin Papambien Esuquidistu umbi tantiasho ubi bëdambuen isquin ambi chiacpadombuen ubi namec, quequin tantiabenondambi.

Doma 9:30

Aden chiaid tantiash ¿atotsi nuqui quendac? Matses utsibon abi tantienquio icbuedombi ambi chiacpadombuen naquin tantiabensho icsaisabimbuecnuc bëdambuen isendac. Ambi chiacpadombuen naic tabadnu, quesabobi Nuquin Papan abi tantiasho icsaisabimbuecnuc isendac.

Doma 3:21

Ambi chiacpadombuenuidi natiapimbo yec matses icsambuec tabadsho issun ëndenquimboshë Nuquin Papan ambi matses bëdambuen iste chuiquin Moisesbëta ambi oncamiaido dada uamepampic.

Doma 3:3

Isadaidbo utsi utsiec Ambi Chiaid niacquido icsho issun ¿ada Nuquin Papan ambi chiacpadombuen nainquio icpatsiash?

Uanën dada uaid 3:36

Adoaid Aton Mado tantiaquido icsho Nuquin Papan abi yacno tabadmendac. Padnuen aton mado tantiesabo icsho Nuquin Papan abi yacno tabadmenquio icquin mëyadtequid yacno nidmequin cuidquiendac, quequin Uanën chuipanëdash.

Doma 3:22

Aden ambi chuiquin dada uamiampicpadombuen nëbi abi tantiamequid Esuquidistu uidtsëqui tantiasho Nuquin Papan matses bëdambuen isec icsambuen naisabimbuecnuc. Isadaidbobëtambi matses utsibontsen Esus tantiasho adoendac.

Doma 10:3

Nuquin Papa matses bëdambuen iste bunquid nec, quequin tantiatiadquidi isadaidbon tantienquio iquec. Aidon: Ambi chiacpadombuen naquin umbimbo bëdambuen ismembi, quequin tantiaquimbi Nuquin Papan: Umbi chiacpadombuen nasho icsaisabimbuecnuc bëdambuen isendambi, quequin chiaid tantienquio iquec.

Codinto 2 3:9

Umbi: Naden nata, quequin chiaid niacquid cuidtequid nendac, quequin dada uaid Nuquin Papan meniac imbudshun Moisesën aton matses ënëdenquiocnoc Nuquin Papabëd tabadmetiapimbo icpampic. Adquid icnubien matsesën icsambuen naid bedshunash icsambuen naisa yequi abided cuidadec uënësaid tantiaquido icsaisabimbuecnuc Nuquin Papan bëdambuen isaido nec, quequin chiaid bëdamboshë iquec.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.