Codosas 4:5 - El Nuevo Testamento en matsés

⁵ Esus tantiesabon ubi tabadsho isec, quiash Esus tantiec bëdambuec tabadta. Adec tabadquin Esus tantiesatsen chieshtomenquio icquin tantiamenu, quequin Esuquidistun chiaidquio chuibanta.

Codosas 4:5 Referans Kwoze

Tesadonica 1 4:12

Adec tabadec: Cuna nibëdeque. Mitsana bec cho, quenquio mibi ictsiac. Mibitedi adquid icsho isash Esus tantiesabo: Esus tantiaquido bëdambuec tabadec, quetsiash.

Santiaco 3:13

Mibitedi utsi utsiec: Bëdambuen tantiaquidquio nebi, quequid icquin: Ubiuidtsëqui bëdambuen tantiaquidquio nebi, quenquio icquin ma bëdambuen naic tabadquin utsibo ismepanuna.

Doma 16:19

Mibitedi caic: Esus tantiec aidën chiacpadec bëdambuec tabadosh, quequin mimbi naid chuibededsho dadpenshun tantiac caosh. Adsho tantiash bëdambo yec cuishonquebi. Aden tantiaquidquio yanash icsambuen nainquio yec bëdambuec ma mibitedi tabadpanuna.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.

Mateo 10:16

Adshumbic padpiden chuiuaic: Nëbi mibitedi nidmembique. Umbi naid chuibenneta. Aden chuibennequido icsho utsin utsinquien mibitedi chieshënendac. Bëdi obeca iuaid pete bunacbimbuec chieshëmënquido dadpen iqueque. Aidobëd chieshënnanenda. Nisi isisquiec tsadacbimbuecquid icta. Adecbidi dëbimbimbuec bëdambocquid icta.

Timoteo 1 3:7

Adembidi chuibanquid icmenuen Esus tantiesabon: Bëdambocquid nec, casho tantiata. Icsambocquid nec, caid chuibanquid icmenda. Adquid icmiac icsambuen nasho Esus tantiesabon mamënshuntsiash. Adquid Mayan Icsa Satanasën badedi icsametsiashe. Icsambo icquid nec, caid: Esus chuibanquid icta, cainda.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Madcos 4:11

Adoaquien Esusën: Utsibo tantiamenquio icnëdaidi nëbi: Nuquin Papan namiacno tabadte iquec, quequin mibitedictsëqui tantiamembi. Utsiboembi aden chienquio icquin utsi chiacbimbuen chuibanendac.

Santiaco 1:5

Bëdambuen tantienquio iquembique. Ubi dadpen bëdambuen tantiaquid icmeta, quequin Nuquin Papa chuita. Aden abi chuisho: Ma bëdambuen tantianu, queshun chushcainquio icquin mibi dadpenquio bëdambuen tantiamendac.

Petedo 1 3:1

Tantia, chidobo. Bënëchoquid icsho mibitedi chuinu. Esus tantiaquid icquin min bënën chiacpadombuen nabanta. Esus tantiec ubi bëdambuec tabadsho issun Nuquin Papan Chiaid tantienquio icbuedëmbi cun bënën Esus tantiabentsiash. Mimbitsen Esus tantiabenta, quequin umbi chiambobi Esus tantiabentsiash, queshun min bënën chiacpadombuen nabanta.