Codosas 4:16 - El Nuevo Testamento en matsés

¹⁶ Adembidi nëid umbi dada uaid isec onquequin mibëd iccuededquido tantiameshun: Daudisea yacno iccuededquid chuibanquidën ma isnu, queshun buanshun menequin: Nëid Pabadon dada uaid isec onquequin mibëd iccuededquido tantiameua, quequin chuita. Adoshombic umbi Daudisea yacnocquido chuiquin dada uaidtsen bëuashun isec onquequin mibëd iccuededquido tantiameuata.

Codosas 4:16 Referans Kwoze

Tesadonica 1 5:27

Nuquin Icbon tantiamiacpaden chuiquin dada uaombique. Umbi dada uabued isec onquequin ambocquido Esus tantiaquidotedi chuibanta.

Tesadonica 2 3:14

Nëid dada uaquin umbi chuibambued niac niacsho ista. Aden chiaid niacquin icsambuen nasho isash: Icsambuen nachitombi, quequin dacuëdtanquin ma tantiabennu, quiash aidbëd onquec tabadenda.

Codosas 2:1

Aden chuibanshun nadentsen chuinu. Tantia. Mibitedi tantiaquin Mayan Icsa Satanasën icsambuen namenushe, queshun cumapenec chonoadquin Nuquin Papa chiannembi. Adembidi Daudisea yacnocquido tantiaquin Nuquin Papa chiannembi. Adembidi utsi utsiec yacno iccuededquido umbi isacmaidobi tantiaquin Nuquin Papa chiannembi.

Codosas 4:13

Aidëmbi mibitedi tantiabudquiosho isembi. Adembidi Daudisea yacnocquidobëta Iedapodis yacnocquido tantiaquiec.

Codosas 4:15

Nëid umbi dada uaid mibitedishun issun: Pabadon mibitedi tantiec, quequin Daudisea yacnocquid Esus tantiaquido chuita. Aden chuishumbic Nimpas cuëmëdquidbëta aton shubun Esuquidistu tantiec iccuededquidotsen chuiuata.