Codosas 3:14 - El Nuevo Testamento en matsés

¹⁴ Adec tabadec utsibobëd tantiananec tabadta. Adec tabadec cuëshëdenquio yec abentsëc yacbimbuec bëdamboshëcquido mibitedi yanendac.

Codosas 3:14 Referans Kwoze

Petedo 1 4:8

Nëbi mibëtan Esus tantiaquid utsibobëd tantiananquiota. Adec mibëd tantiananquidën mibi icsambuen nashunsho isash adecbidi tantiananquiec aidën icsambuen naid tantienquio yec bëshunendac.

Epeso 5:2

Nuqui tantiaquidquio Esuquidistu nec. Adquid icnuc utsibobëd tantiananec tabadta. Nuquitedi tantiaquidquio yec abided cuidadec uënëspanëdash. Adec abi uënësaid nuadte bëda shëdtequid pichicacbimbuen nasho isash Nuquin Papa: Bëdambo iquec, quepanëdash.

Codosas 2:2

Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.

Uanën dada uaid 13:34

Aden tantiaquin Nuquin Papan Chiaid chuca utsi mibi chuinu. Ubi nidan umbi chiacpadombuen nata. Umbi mibitedi tantiaquiacpadquiecbidi mibitedi tantiananquiota.

Doma 13:8

Aidted bedshun mibi meneuanun nanu, quequin bedenda. Aden nainquio yec utsibobëd tantiananta. Adec utsibobëd bëdambuec tantiananquin Nuquin Papan: Naden nata, quequin Moises chiampicpadombuen nuqui bëdambuen naindac.

Epeso 4:3

Nuquin Papan Mayan Bëdan utsibëd bëdambuec tabadte tantiamiacpadquiec Esuquidistu tantiaquid utsibobëd abentsëc yacbimbuec bëdambuec tabadta.

Uan 1 4:21

Esuquidistun ubitedi naden chuipondash: Nuquin Papa tantiaquid nebi, quiash abi tantiaquid utsibobëd tantiananta, quequin chuipondash.

Petedo 2 1:7

Aden Nuquin Papabëta Esus tantiaquido yec tantiananec nashunnanquionona. Adec nashunnanec tabadquin nuquin shubun icquido tantiaquiacbimbuen matses abitedi tantianuna.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Tesadonica 1 4:9

Bëdambuec tantiananta, quequin chuiquin padpiden dada uainquio iquembi. Nuquin Papambi tantiamiac Esus tantiaquido yec utsibobëd mibitedi tantiananendac.

Uanën dada uaid 17:23

Aidobëd ubi tantiananquiacpadec mibëd tantiananquiebi. Adec mibëd tantiananquiacpadec aido ubi tantiaquido utsibobëd tantiananquiendac. Adsho issun: Abembi adec tantianantiapimbo iquec. Nuquin Papan chomenëdaid Esusën namiaquien nec. Aton Papan Esus tantiacpadombuembidi Esus tantiaquido tantiec, quequin ubi tantiesabon tantiendac, Papa.

Uanën dada uaid 15:12

Adshumbic abëd icquido padpiden chiec Esus: Mibi tantianante mibi chuinu. Umbi mibitedi tantiaquiacpadquiecbidi mibitedi tantiananquiota.

Uan 1 3:23

Nadembidi Nuquin Papan Chiaid nuqui tantiondac: Cun mado Esuquidistu tantiata. Aden tantiabenash aidën chiacpadec utsibobëd tantiananta, quequin chiaid nuqui tantiec.

Ebedeo 6:1

Aden ënden Esuquidistu chuibanac aid tantiabensho chuibanondaiduidtsëqui tantiec tabadenquio icnuna. Esus bëdambuen tantiaquidquio icnuen ambi chiaid utsi isban isbanec tantiaquidquio yannuna. Mibi chuibanac mimbi tantiondaid nad iquec: Esus tantiabenshun icsambuen naid ënta, quequin chuiquinc icsambuen naid ënenquiocsho Nuquin Papan cuidte chuiquinc Nuquin Papambo tantiate chuiquinc capanëdash.

Epeso 1:4

Ëndenquimbo abitedi uabi yequi Nuquin Papa nadpampic nuquitedi caic: Nëidtedquio Esuquidistu tantiaquido icsho Umbi: Cun matses nec, caido icsho icsambuen naisabimbuecnuc bëdambuen isendambi, quequin Nuquin Papan tantiapampic. Aden nuquitedi tantiaquioquin

Uan 1 3:10

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.