Codosas 3:1 - El Nuevo Testamento en matsés

¹ Esus tantiaquid icquin naden tantiata. Nuquin Papan Esuquidistubëta uincuenmiacbimbuen chuca uaid nebi. Adquid yanshun abuc Esuquidistu Nuquin Papan dayunquio abiuc tsadquin ambi namiacno ubitsen tabadtequid nebi, quequin aidquio tantiec bëdambuec tabadta.

Codosas 3:1 Referans Kwoze

Doma 8:6

Aden abi bunaiduidi tantiaquin naic icsambuec tabadquid uënësacsho ënenquio icquin cuidacno nësecaindac. Nuquin Papan Mayan Bëdan tantiamiacpadec tabadquidien dacuëdenquio icnuc abëdi tabadmendac padpidec uënëstiapimbo icnuc.

Mateo 6:33

Adembidi: Nuquin Papan namiacno tabadtequid nebi, quequin tantiaquin aidën chiacpaden naic tabadta. Aden abi tantiaquid icquin abi chuisho mibi bedmendac.

Codinto 2 4:18

Aden tantiec: Ubi natiamiaid iquec, queshumbic: Nuquin Papabëd tabadendabi, quequin dacuëdenquio icquin tantiec tsadebi. Umbi isaidtedi ënëdendac. Padnuen umbi isacmaid ¿mitsipadquien icpec? quequin tantiaquiembi. Nuquin Papa yacno tabadec uënësesa iquendabi, quequin nuqui tantiendac.

Codosas 3:2

Aden abuc tabadte tantiaquid icquin nëid nidaidën icquiduidi tantiec tabadenda.

Mateo 6:20

Aden tantienquio icquin icsaisambo tantiata. Nuquin Papambo tantiec aidbëd tabadte bunquin aidën chiacpadombuen nata. Chodquetiapimbo icquid yec macun pequin icsa uatiapimbocquid yec shënibudtiapimbo icquid yec ampeshuntiapimbo icquid yec quec abuc Nuquin Papa yacno iqueque. Aidquio tantiata.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ducas 12:33

Ambo nidabi icquin mitsana menebanquin min piucquid bedshun atona nibëdquido menebanta. Aden utsi tantiaquin mimbi nabannuc Nuquin Papan abi yacnoshon menetequid mitsana chodquetiapimbocquid yec ampen bedshuntiapimbocquid yec macumpin udquin icsa uatiapimbocquid yec quec iquendac.

Ebedeo 1:3

Aidi aton Papapadquiobidi bëdamboshëcquidquio yec bëchamauanquiecquid nadatiambocquid neuaic. Aidëmbi nadatiambocquin Nuquin Papabëtan ambi tantiacpadombuen ambi uaid abitedimbo abi icmec nibëdantiapimbocnoc. Aidi matsesën icsambuen naid bedshunquin Nuquin Papa matses bëdambuen ismenuec abided cuidadec uënësashic abuc nidash Nuquin Papan dayun abiucquio tsadtuidpanëdash.

Ducas 22:69

Tantia. Chuinu. Matsesën Tishaid yec nidaidën tabadbuedi nëbimbobi Nuquin Papa nadatiambocquidën dayun abiucquio tsadendabi, quepanëdash Esus.

Codosas 2:20

Tantia. Mibi chuinu. Esus tantiaquid yanshun: Esuquidistubëd uënësacbimbuen Mayan Icsa Satanasën namiacpadombuen umbi icsambuen naid nainquio iquembi, quebuedëmbi ¿atotsi queshun umbi chuibued tantienquio icquin Esus tantiesan chiacpadombuen nate bune?

Ebedeo 8:1

Tantia. Mibi naden chiombique. Adec Esuquidistu abi tantiaquido abi bëdambuen ismequid tapa yanash Nuquin Papa aton tsadte dapan tsadacnombo pudueduash abitedishun Icbombo yec Aidën dayun abiucquio tsadec.

Doma 8:34

Adquid icshoda ¿Utsibon: Aido natiamequin cuidquin Nuquin Papa nibëdacno nidmenu, queshunda naic? Padenquio. Esuquidistu abided cuidadec uënësacsho uincuenmepanëdash. Aidëmbi nëbi Nuquin Papan dayun abiucquio tsadquin nuquitedi tantiaquin: Aid bëdambuen ista, quequin Nuquin Papa chiannec.

Ebedeo 10:12

Esuquidistuen Nuquin Papa matses bëdambuen ismenuec abided cuidadec abentsequi uënësash padpidec cuidadec uënëstiapimbo iquec. Adec uënësash uincuenash aton Papa yacnombo nidash aidën dayun abiucquio tsadtuidpanëdash.

Mateo 26:64

Esusën: Ai, mimbi chiaidquiobi nebi. Tantia. Mibitedi chuinu. Matsesën Tishaid yec abuc niduash Nadatiambocquidën dayun abiucquio tsadsho mimbi isendac. Adembidi abucuësh abu ushu yacno ubi chouasho mibitedishun isendac, quepanëdash Esus.

Epeso 4:10

Adec abucuësh budash nidaidën tabadpanëdash. Adbuedi padpidec abuc niduash abitedishun Icbombo iquec.

Madcos 14:62

Adoaquien Esus: Ai, aidi nebi. Matsesën Tishaid yec abuc niduashic Nadatiambocquidën dayun abiucquio tsadsho mibitedishun isendac. Adashic abucuësh abu ushun ubi chouasho mibitedishun isendac, quepanëdash Esus.

Ebedeo 1:13

Naden Nuquin Papan abëd icquido chiambo iquec: Cun abiuc Abitedishun Icbombo icnuec nëmbo tsadec cho. Mibi chieshënquidobi dëniacmeshun: Cun Icbo mibi camenu, quequin abëd icquido chiambo icpampic.

Hechos 2:34

Dabid abuc nidambo icpampic. Nidambobi Nuquin Papan tantiamiac naden chuipampic: Icbo Dapan Cun Icbo naden chiendac: Cun abiuc abitedishun Icbombo icnuec nëmbo tsadec cho.

Ducas 20:42

Dabidën ambibi Cuëdënte dada uaquin naden Nuquin Papan Chiaid chuipampic: Icbo Dapan cun Icbo naden chiendac: Cun abiuc abitedishun Icbombo icnuec nëmbo tsadec cho.

Madcos 16:19

Aden chuibanquin ënshobi abuc indoac Nuquin Papan dayun abiucquio Esus tsadtuidpanëdash.

Madcos 12:36

Tantia. Chuinu. Nuquin Papan Mayan Bëdan tantiamiac Dabidëmbi naden chuipampic: Icbo Dapan cun Icbo naden chiec: Cun abiuc tsadec abitedishun Icbombo icnush nëmbo cho. Mibi chieshënquidobi dëniacmeshun: Cun Icbo nec, abitedimbo mibi camenu, quequin Dabidën chuiquin dada uapampic.

Petedo 1 3:22

Aidi uincuenash abuc nidash Nuquin Papan dayun abiucquio tsadtuidpanëdash. Adash abitedishun Icbombo yampanëdash. Nuquin Papabëd icquidon chuiquid tapabëtan Mayan Icsa Satanasbëtan aton iua podobitsi icsabon chuiquid tapa icquin ambi chiacpadombuen abitedi namendac. Adquido icbuedombi abitedishun Icbombo icsho aidën chiacpadombuen naindac.

Hechos 7:55

Adoaquien Nuquin Papan aton Mayan Bëda meniaidquio icquin Estebanën abuc isquin Nuquin Papa uëshëmbo yec matsesën istiapimbo bëchamauanquiec chënquenubi Nuquin Papan dayun abiucquio Esus nidtosho ispanëdash.

Mateo 22:44

Icbo Dapan cun Icbo Mesias caid naden chuiposh: Cun abiuc tsadec abitedishun Icbombo iquec nëmbo cho. Mibi chieshënquido dëniacmeshun cun Icbo mibi camenu, quequin Cun Icbo chiendac, quequin Dabidën chuipampic.

Epeso 5:22

Cun Icbo Esuquidistun chiacpadombuen naquid nebi, queshun aton chido icquin min bënën chiacpadombuen nabanta.