Codosas 2:2 - El Nuevo Testamento en matsés

² Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.

Codosas 2:2 Referans Kwoze

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Codosas 4:8

Adquid icsho: Ma mibitedi bëdambuen tantiamenu, queshun aidi mibi yacno nidmembi. Adoac nidshun umbi naidtedi chuibanac mibitedi ubi tantiec cuishonquendac.

Codosas 3:14

Adec tabadec utsibobëd tantiananec tabadta. Adec tabadec cuëshëdenquio yec abentsëc yacbimbuec bëdamboshëcquido mibitedi yanendac.

Doma 16:25

Nuquin Papa Bëdamboshë iquec, canuna. Umbi Esuquidistu chuibanac tantiabensho Nuquin Papan mibitedi chieshtoenquio icmiac umbi chuibambued Esus tantiec tabadta. Nuquin Papa ëndenquimboshë abitedi uabi yec: Iuecshun naindambi, quequin ambi matses tantiamenquio icpampidi mibi Esus tantiamiac.

Pidipos 3:8

Nëbi Cun Icbombo Esuquidistu tantiec bëdambo iquebi, quequin tantiembi. Aiduidtsëqui tantiate bunquin icsa sandoshon secacbimbuen umbi tantiacpadombuen nabanaidtedi ënondambi.

Pidipos 2:1

Abi tantiasho Esuquidistun: Utsibo chieshtomenquio icquin bëdambuen nabanmeta, caid icquin utsibobëd tantiananquin nabanquin dayacquio icmendac. Adecbidi mibitedi tantiananquin dayacquio icmiaid icquin natiamiaid utsibo icsho bëdambo icmendac. Adembidi Nuquin Papan aton Mayan abëd icmequin bëdambuec tabadquid icmiaidobidi nendac. Adecbidi utsibo natiasho issun nashunte bunquid icta.

Petedo 2 1:3

Nadatiambocquin nabanquid icquin Nuquin Papan Esus tantiamiaido nuqui nec. Aden tantiamiac aidën chiaid niac niacte bunenquio yec Esus tantiec nuqui bëdambuec tabadendac. Abipadquid utsi nibëdnuc bëdamboshëcquid icquin Nuquin Papan Esus tantiamequin ambi namiaido nuqui icmiac.

Doma 15:13

Nuquin Papa tantiaquido icsho mibitedi tantiaquin naden chiannembi: Aido bëdambuec tabadmequin cuishoncameta. Adembidi min Mayan Bëda nadatiambocquidën tantiamiacpadombuen cainec tabadmeta, quequin Nuquin Papa chiannembi.

Uanën dada uaid 10:30

Cun Pabëd abentsëc yacbimbuecquid yec aid padquidquiobidi nebi, quepondash Esus.

Uanën dada uaid 6:69

Ubitedishun: Abimbuen caic, quequin mibi tantiembi. Nuquin Papan Chomiaidquio yec bëdamboshëcquidquio nec, quequin mibi tantiembi, quepondash Petedo Esus caic.

Ebedeo 10:22

Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Ebedeo 6:11

Adecbidi utsibobëd tantiananec tabadquin chieshtoenquio icquin Esus tantiec mibitedi bëdambuec tabadac bëdambo ictsiash. Adec tabadash: Esus tantiaquid yec Nuquin Papa yacno tabadtequid nebi, quequin mimbi cainquin tantiacpadec aid yacno mibi tabadendac.

Codosas 1:9

Aden Epapadasën chuiboc mibitedi tantiaquin ubitedishun ënenquio icquin naden Nuquin Papa chiannembi: Mimbi tantiacpadombuen min Mayanën bëdambuen tantiamiac: Nuquin Papan chiacpadombuen nate bunebi, quequin ma bëdambuen tantianu. Tantiamequiota, Papa, quequin chiannembi.

Cadasia 3:28

Isadaidbo yec isadaidpembo yec matses iuaido yec matses iuapenquio yec dada yec chido yec quequin Esus tantiaquid icsho bëdambuen isec. Nëbi mibëtan Esuquidistu tantiaquid utsibobëd abentsëc yacbimbuecquido nec.

Codinto 1 2:12

Nuquitedi Nuquin Papan abipadquid Aton Mayan meniaido icquin Esus tantiesabon tantiacpaden tantiatiapimbo nuqui iquec. Adquid icnuc: Matses tantiaquidquio icquin Nuquin Papan tantiamiaid nebi, quequin nuqui tantiec.

Uanën dada uaid 17:3

Matsesën: Abipadquid utsi nibëdnuc Nuquin Papa abentsëcquiobi iquec. Adembidi Ambi Chomiondaidquio Esuquidistu nec, quequin tantiasho nuquibëd ënëdenquio yec tabadtequido icmendambi, Papa.

Uanën dada uaid 16:15

Umbi tantiacpaden chuibanambo iccombi. Mambi Nuquin Papan chiacpadombuenuidi naquin aidën chiaiduidtsëqui chuibandedneboc. Aden umbi naidbëta Umbi Chiaid Cun Mayanën tantiamendac, quequin tantiec: Umbi naidbëta Umbi Chiaidtedi tantiamendac, quequin mibitedi chiombi, quepondash Esus.

Uanën dada uaid 10:38

Umbi chiaiduidtsëqui tantiatiapimbo icquin Cun Pan namiacpadombuen nasho issun: Ai ambi chuibocpadquidquio nec, quequin ubi tantiata. Adshun: Aton Pabëd abentsëc yacbimbuecquid yec aid padquidquiobidi nebi, quequin abimbo chiec, quequin tantiata, quepondash Esus.

Uanën dada uaid 5:23

Adquid icnuc: Matsesën: Nuquin Papa bëdambo iquec, quequin ubi tantiaquin ma cun Madotsen bëdambuen tantianu, queshun aden matses cuidte chuiquid icmiondashi. Ubi adquid icmiondaid icsho ubi tantienquio icquidon ubi chomiondaid Cun Patsen tantienquio iquec.

Uanën dada uaid 5:17

Adoac: Mibi adosh, quesho tantiashun abi chieshënquido istuidshun Esusën naden chuipondash: Ënenquio icquin matses tantiaquin nashunquidquio Cun Pa nec. Adembidi matses tantiaquin nashunquidquiobidi nebi, quepondash Esus.

Mateo 11:27

Adshumbic abi datsidadquido naden chuiuapondash: Cun Pan ambi tantiaidtedi ubi tantiamec. Umbi nabambuedbëta umbi nate abitedi cun Pa abentsëcshunquiobi tantiec utsibon tantienquio icnuc. Adembidi cun Pan nabanaidbëta ambi nate umbentsëqui abitedi tantiembi. Aden tantiaquin: Nëidtedi matses bëdambuen tantiamembi, queshun: Nuquin Papa nadquio iquec, quequin tantiamembi, quepondash Esus.

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Uan 1 5:7

Aid abimbo tantiamete 3ted iquec.

Uan 1 3:19

Adec utsibo nashunquid icquin: Nuquin Papan abimbo chuiquidën namiaid nebique. Ubi cuidenquio iquendac, quequin tantiaquin dacuëdenquio icquin Nuquin Papa nuqui chiannendac.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.

Petedo 2 1:10

Tantia. Cun utsibo, mibitedi chuinu. Nuquin Papan: Cun matses canu, quequin Esus tantiamiaido mibitedi nec. Aden tantiamiaido icquin cute tapun nidaid ëquëducquio nidacbimbuen aid ënenquio icquin tantiaquid yec Esus tantiesa mibi yanuainquio iquendac.

Tesadonica 1 5:14

Cun utsibo, mibitedishun nabante chuinu. Chieshquid icsho: Mibitsen chonoadta, cata. Utsibo chieshtotiadquio icsho: Esus tantiec bëdambo icnuna, cata. Esus bëdiactsëc tantiactsëcsho bëdambuen chuiquin Esus tantiamequiota. Dada padishquio icquid icsho nashunta. Badedquio chieshtoenquiocquin abitedi bëdambuen ista.

Tesadonica 1 1:5

Chiaid Bëda Esusën naidquio mibitedi chuibanondambi. Chuiquinuidtsëqui chuibanenquio icquin Nuquin Papan Mayan Bëdan nadatiambocquin namiac umbi nabansho issun: Abimbo caic, queshun mimbi Esus tantiabenondac. Aden Esus tantiamenuec mibitedibëd ubitedi bëdambuec tabadsho issun: Aido abimbo chuibanquido nec, queshun umbi chuisho mimbi tantiondac.

Hechos 4:32

Aden chuibanequi shubu abentsëquën tabadacbimbuec tabadec Esus tantiaquido dadpenquio: Cunauidtsëqui nec, quenquio yec menenampanëdash. Adecbidi: Abitedishuna nec, quec tabadcuededuapanëdash.

Mateo 13:11

Esus nadpondash: Utsibo tantiamenquio icnëdaidi: Nëbi Nuquin Papan namiacno tabadte iquec, quequin mibitedictsëqui tantiamembi utsibo padenquio icquin.

Ducas 1:1

Matses dadpenshun: Nëmbo nasho ubitedishun isondaid dada uaquin tannu, quequin dada uapanëdash.

Doma 2:4

Ambi uaido matses abitedishun icsambuen nasho isash uënësquio icquin aido bëdambuen iste bunquin icsambuen naquidobi Nuquin Papan baded cuidenquio iquec. Icsambuen nabuedi nëbi Nuquin Papa tantiate bunec: Ambi chiacpadec bëdambuec tabadte bunebi, quequin ma ambi icsambuen naid ënshun ubi tantiabennu, queshun Nuquin Papan matses baded cuidenquio iquec. Adquid icshobi Nuquin Papa tantiate bunenquio mibi iquec.

Codinto 1 14:31

Aden abitedishun Nuquin Papan: Umbi iuecshun natequid chuibanquid icta, caid icquin abentsëcshun abentsëcshunquien Nuquin Papan iuecshun natequid chuibanec. Chuibansho tantiash: Ma abitedi bëdambuen tantiabenash dayacquio yec tabadnu, queshun chuibanec.

Epeso 1:7

Matses bëdambuen iste bunquidquio icquin Nuquin Papan namiac Esuquidistu aton intac chididiquec uënësaidën nuquitedi icsambuen naid bedshunquin nuqui icsambuen naid tantienquiocnoc Nuquin Papa bëshunmendac.

Epeso 3:3

Nuquin Papan ënden ambi matses tantiamenquio icpampidi tantiamiac daëdpactsëc dada uaquin mibitedi chiondambi.

Epeso 3:16

Nuquin Papa nadatiambocquin naquidquio icsho naden mibitedi tantiaquin chiannembi: Min Mayan Esus tantiaquidobëd icmequin chieshtoenquio icquido icme.

Codosas 1:26

Nuquin Papan ambi tantiampicpaden matses tantiamenquio icpampidi nëbi aid tantiamiac Esuquidistu tantiaquido yanac.

Codosas 2:19

Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.

Codosas 4:3

Adembidi ubitedi tantiaquin Nuquin Papa chianneta. Ënden mimbi matses tantiamenquiocnëdaidi Esuquidistu chuibanquin ma utsibo tantiamequin bëdambuen chuibennenu, quequin Nuquin Papa chianneta. Aden chuibennesho bedshun quënën tsadunaid nebi.