Codosas 1:18 - El Nuevo Testamento en matsés

¹⁸ Adquid iquec abi tantiaquidtedishun Icbombo Esuquidistu nec. Adnubi abi tantiec iccuededquido aton dadabimbuecquid nec. Adquid yec Nuquin Papan Madombo ëndenquimboshë icpampidi matsesash uënëspanëdash. Adsho Nuquin Papan abia uincuenmeshun ambi uaidtedishun Icbo abentsëcquiobi icmepanëdash.

Codosas 1:18 Referans Kwoze

Esusën Uan ismiaid 1:5

Adembidi Esuquidistun mibi bëdambuen isquin bëdambo icmendac. Nuquin Papan bëdambuen iste tantiamequidquio aidi nec. Abia aton dada uënëstiapimbo icquid icmequin uincuenmiaidquio nec. Adquid yec abitedishun Icbombo nec. Aidënuidtsëqui nidaidën tabadquidën chuiquid tapa abitedimbo namendac. Aidi nuqui tantiaquidquio yec nuqui cuidmenquio icnuec nuqui icsambuen naid bedshunash abided cuidadec intac chididiquec uënëspondash.

Hechos 26:23

Nuquin Papan Chomiaid Quidistu Mesias caid mëyanquin uënës uaqui daëdec ushash abia uincuenshun: Ubi tantiaquid ubëdi tabadendac, quequin aton matses isadaidbobëta isadaidpembo tantiamequin Quidistun chiendac, quequin chiampicpadembi chuipanëdash, quepanëdash Pabado iccuededquido chiec.

Mateo 28:18

Adsho issun Esusën anoentsëqui choquin naden ubitedi chuipondash: Ubipadquid utsi nibëdec. Nuquin Papan abitedishun Icbombo icmequin abuc icquidobëta nidaidën icquidotedi namequidquio icmioshibique.

Codinto 1 11:3

Tantia. Nëidtsen chuinu: Dadan icbo Esuquidistu nec. Adecbidi aton chidon icbo aton bënë nec. Adecbidi Esuquidistun Icbo Nuquin Papa nec.

Esusën Uan ismiaid 22:13

Nuquin Papapadquidquiobidi nebi. Umbi tantiacmaid nibëdnuc abitedi cumapenen tantiaquidquio nebi. Ëndenquimboshë icpampid iquequi nibëdantiapimbocquid nebi. Nidaid uabi yec ictednedi nëbi adquidquio yec nibëdantiapimbocquid nebi. Adquid icquin abitedimbo nainendambi.

Epeso 5:23

Aton chidon chuiquid aton bënë nec. Adquiecbidi Esuquidistu abi tantiaquidtedishun chuiquidquio nec. Adembidi aido Nuquin Papa bëdambuen ismequidquio nec. Esuquidistu mapibimbuecquid icnuc abi tantiaquidtedi aton dadabimbuecquid nec.

Esusën Uan ismiaid 21:6

Adashic padpidec onquec: Umbi chuiboctedimbo nainquin naindambi. Ëndenquimboshë icpampid iquequi nibëdantiapimbo icquid nebi. Adquid icquin umbi uaidtedi nainendambi. Adquid yec ubi chiec acte bundoash: Ubi acte acme, quesho: Piucquid bec cho, quenquio icquin nidaidënuësh acte ushumbo pududquequid cushtoshon amiacbimbuen ënëdenquio yec ubëd tabadtequid icmendambi.

Codinto 1 15:25

Esuquidistun abi chieshënquido abitedimbo ambi dëniacacnobi cuëscaquin matses namendac.

Esusën Uan ismiaid 11:15

Nuquin Papabëd icquidën shoncate sanambuedën nainquin shoncaposh. Shoncanubien abucuësh cumapenec cuëdëncuededposh naden chiec: Nuquin Papa Ambi Chomiaid Nuquin Icbo Esuquidistubëd abitedishun Icbombo yec nidaidën icquidtedishun Chuiquid Tapambo nendac. Adquidquio icquin ënenquio icquin abitedimbo namendac.

Esusën Uan ismiaid 1:18

Nëbi adquid iquec abi iquebi. Adquid iquequi uënëspobi. Adbuedi nëbi uincuenash uënëstiapimbo icquid nebi. Adquid yec uënëstequidën Icbombo nebi, queposh.

Esusën Uan ismiaid 1:8

Adshumbic Nuquin Papa nadatiambocquidën naden chuiposhi: Ëndenquimboshë icpampid iquequi nibëdantiapimbocquid nebi. Nidaid uabi yec icpampid yequi nëbi abi icquid iquequi choendabi, queposh Nuquin Papa nadatiambocquidquio.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Epeso 1:10

Aden ambi tantiampicpaden Nuquin Papan abuc icquidobëta nidaidën icquido abitedi tsidadmeshun aidon Icbo Chuiquid Tapa abentsëcquiobi Esuquidistu icmendac.

Uanën dada uaid 1:27

cun tsiuec choquid ubi udictsëcquid iquec. Aidëmbi umbia chuibambon nadatiambocquin nabanquin chuibanendac. Adquid icsho isash icsaquid yec dacuëdquin abi tapucudaid chictiapimbo iquebi, quepondash Uan acten mentoanquid.

Uanën dada uaid 1:16

Uanën chiacpadquid icquin abi tantiaquido Nuquin Papan bëdambuen isaido icmeshun adenuidi Nuquin Papa nuqui bëdambuen ismec.

Uanën dada uaid 1:1

Ëndenquimboshë abitedimbo uabi yequi Nuquin Papabëd Esus icpampic. Aidi Nuquin Papapadquidquiobidi yec aid tantiamianquidquio nec.

Esusën Uan ismiaid 3:14

Naden padpiden chuiuaposhi: Daudisea yacnoshon ubi chuibanquidën iste chuinu. Dada uata. Tantia, Daudisea yacnocquido. Ubien Esusquio yec icsaisambo yec abitedishun naid tantiaquidquio nec. Adquid icquin Nuquin Papan bëdambuen iste tantiamequidquio yec abimbo chuiquidquio nebi. Nidaidbëta abitedi uaquid yec abitedishun Icbombo icquin mibitedi chuinu.

Uan 1 1:1

Nidaid uabi yec icpampidi matsessun Esuquidistun chuibansho abëd icquidobëtan tantiapondambi. Aidi abëd icquidobëtan ispondambi. Adembidi mishpondambi. Aidi Nuquin Papabëd ënëdenquio yec tabadte chiannequidquio nepondash. Aidi Nuquin Papa tantiamianquidquio icsho mibitedi chuiquin dada uaic nebi.

Doma 8:29

Ëndenquimboshë Nuquin Papa aido tantiec nadpampic: Nëido Cun Madobimbuecquid icmeshun aidon buchi bëyucquidbimbuecquid Cun Madombo icmendambi. Adshumbic aidën utsibobimbuecquid tsiuec dadpenquio icmendambi.

Mateo 23:8

Mibitedi adenda. Utsibo: Mibiuidtsëqui bëdambo iquec, icbo, camenuec adenda. Min Icbo abentsëcquiobi nebique. Ubi abentsëqui cun Icbo cata. Cun iuabo yec cun utsibimbuecquido mibitedi neque. Bëdambuec isnanta.

Codinto 1 12:27

Mibitedi Esus tantiaquin utsi utsien nabanquido yec Esuquidistun dadabimbuecquido nec.

Codosas 2:19

Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.