Codosas 1:10 - El Nuevo Testamento en matsés10 Aden Nuquin Papan abi bunacpaden nate mibi tantiamiac mibitedi utsibobëd nashunnanec bëdambuec tabadendac. Adshun: Nadquio Nuquin Papa iquec, quequin bëdiactsëc tantiabuedi canidoacbimbuen bëdambuen tantiaquidquio yanendac. Adsho isash: Bëdambo iquebi, quendac Nuquin Icbo Esus. Gade chapit la |
Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.
Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.
Bëdamboshëcquid mibi nec, Papa. Adquid icquin mimbi ënenquio icquin ubitedi tantiaquin Mimbi Chiaidquio chuimiac Esuquidistu tantiaquido yansho isash cuishonquebi. Esuquidistu chuibenneta, caid ubitedi nebi. Esuquidistubëd icsamboshëcquid dëniacquido nebi. Umbi chuibanaid nuadte bëdabimbuecquid nec. Nuadte bëda pushudec bëdambo nuadsho uanno uannoec tabadquidon shëdec. Adoacbimbuen ubipadquidon chuibennesho uanno uannoec tabadquidon tantiec.
Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.
Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.
Aido Esusbëd abentsëc yacbimbuec tabadquidpenquio nec. Adquid icquin: Esuquidistu abi tantiaquidon Icbombo nec, quequin tantienquio iquec. Adecbidi Nuquin Papan tantiacpadquiec Esuquidistu tantiaquid dadpen yanash aton utsibobëd tantiananec nashunnanec aton Icbo padquid yanec, quequin tantiesa adquido nendac.
Tantia. Chuinu, cun utsibo. Mibi yacno caic: Istannu, queuid queuidobi. Ubi nidtsembued mimbi tantiabien icchitec. Aden umbi tantianubi utsi utsimbuec icnuc nidenquio ictenniobi. Adbuedi nidaid utsi utsiec yacnoshon Esusën naid chuibanac dadpenshun tantiabenondacpadombuen ma mimbitsen Esus tantiabennu, quiash mibitedi yacno chuinuec nidte bunebi.
Iuedshun mimbi bëdambuen nashunaidon mimbi naid Esus tantiaquido iccuededacnoshon chuibanosh. Cayon bëdambuen nashunoshi, quequin chuibanosh. Adembidi nabanquin mimbi iuedaido: Shubu dadpen icquid utsi yacno nidnu, quesho nashunquin meneta. Nuquin Papa: Aden mimbi bëdambuen naic, camenuen aido bëdambuen nashunta.