Codinto 2 9:10 - El Nuevo Testamento en matsés

¹⁰ Nuquin Papan namiac tiedën caniquid ëshë abentsëc siaid dadpen yanec. Matsesën petequid adquiecbidi dadpen yanuaic. Adecbidi utsi menequid mibi icsho issun Nuquin Papan mibi dadpen icmeshunec: Ma utsibo tantiaquin dadpen menebannu, queshun. Aden mimbi menebanac aidontsen ambi bedaid musucshun utsibotsen tantiaquin meneuaindac.

Codinto 2 9:10 Referans Kwoze

Codinto 2 9:6

Nuquin Papan Chiaid chuinu. Tantiata. Pete ëshë daëdpactsëc sequidën daëdpactsëc bedquid. Dadpen sequidën dadpen bedquid, quequin chuipampic.

Pidipos 4:17

Piucquid utsi ubi mene, ¿quequin chiectabi nedi? Padenquio. Ma aden bëdambuen nabansho issun Nuquin Papan: Mibi bëdambo iquec, canu, quequin chiec nebi.

Tesadonica 1 3:12

Adec mibëd tabadtiadquio icquin Nuquin Papa mibitedi tantiaquin naden chiannembi: Esus tantiaquidombo icmequin aton matsesbëd tantiananmequiota. Umbi aido tantiaquiacpadombuembidi abëtan Esus tantiaquid utsibobëd tantiananmequiota, Papa.

Mateo 6:1

Adshumbic abi macuësh tapa poctse tsadquin Esusën naden chuibampanëdash: Aton matses ismenuenuidi utsibo nashunquid Nuquin Papan bëdambuen istiapimbo icquin bëdamboshëcquid menetiapimbo iqueque. Utsibo nashunnu, queshun utsibo ismenquio icquin nata.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.

Epeso 5:9

Aidën tantiamiacpadombuen bëdambuen nabanec utsibo bëdambuen isec bëdambuec tabadendac. Adembidi muainquio icquin abimbo chuiquid icta.

Tesadonica 1 4:10

Cun utsibo, min nidaid cuëshë Masedonia caidën tabadquin Esus tantiaquido utsibotedi mimbi tantiec. Adec mibi yacpadquiequi tantiananquiec tabadtenneta.

Codinto 2 9:12

Atona nibëdquid Esuquidistu tantiaquido nashunquin ma menenu, quequin meniaid buanshun menebanquin mimbi bëdambo icmiaido dadpen iquendac. Aden mimbi meniaidon: Nuquin Papa bëdamboshë iquec, quequin chiendac.

Cadasia 3:5

Nuquin Papan aton Mayan meniaid icquin nadatiambocquin naquin mibitedi ismiondash. ¿Atotsi queshun Nuquin Papan aden namiondash? ¿Moisesën chiampicpadombuenuidi nashoda Nuquin Papan aton Mayan mibitedi meniondash? Padenquio. Umbi chuibanac: Abimbo caic, queshun Esusquio tantiabensho issumbien Nuquin Papan aton Mayan mibitedi meniondash.