Codinto 2 8:9 - El Nuevo Testamento en matsés

⁹ Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Codinto 2 8:9 Referans Kwoze

Doma 8:32

Nuquin Papan nuqui tantiaquin aton Madombo cudasenquio icquin nuqui cuidmenquio icnuen aton Madoded cuidmequin uënës uamepanëdash. Adshumbic aid tantiasho nuqui bëdambuen isquin uënësacsho Aton Madobëd tabadmequin abitedi menendac.

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Doma 5:8

Padnuen matses abitedimbo icsambuenuidi naic tabadnuc nuquitedi cuidmenquio icnuec Esuquidistu abided cuidadec uënëspanëdash. Nuquin Papan nuquitedi tantiaquiec, matses camenuen aden Esus namepanëdash.

Codinto 2 6:10

Uënësquio icmiaqui bëdambo iquebi. Cuna nibëdnubi: Ma Esuquidistu tantiaquido utsibo dadpen icnu, queshun chuibanec bëdambo iquebi. Cuna nibëdec, quiashic: Nuquin Papa yacno abitedi cuna nec, quequin tantiec bëdambo iquebi.

Epeso 2:7

Iuecshun utsibon Nuquin Papan aden naid icsho issun: Nuquin Papa bëdambocquid yec matses tantiaquidquio icquin Esuquidistu tantiasho bëdambuen isec, ma capanuna.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Timoteo 1 6:18

Aidbidi chuiquin: Bëdambuec tabadquin utsibo nashumbanquiota. Adembidi cudasenquio icquin mitsana utsibo menianneta.

Codinto 2 13:14

Adembidi: Nuquin Papan tantiaidquio nebi, quequin tantiaquiota. Adembidi: Aton Mayan Bëda ubëd iquec, quequin tantiec mibitedi tantiananquiota. Amen. Aidted chuiquin dada uaombi.

Ducas 16:11

Adembidi nidaidënshun bedquin mibitedishun icsambuen naquin ampiacsho issun ¿tsuntsin: Bëdambocquid mibitedi neque. Cun piucquid dayunuaquin ista, capec?

Ebedeo 1:2

Nëbien abipadquidquio tsiuec choshon Nuquin Papan chiacpadombuen aton Madonquio chuibampanëdash. Aidëmbi aton Papabëtan abuc icquidtedbëta nidaidën icquidtedi uapampic. Adshumbic Nuquin Papan ambi uaidtedishun Icbombo icmepampic.

Ducas 9:58

Adoaquien Esusën: Tantia. Mibi chuinu. Bëdi chëshë aton shëcuën ushquid. Uicchun aton shubu uash abuc ushquid. Padnueni Matsesën Tishaid yequi cun shubu nibëdnuc quenenenquio yec capucuennequid nec, capanëdash.

Esusën Uan ismiaid 3:18

Adquid icsho mibi chuinu. Tantia: Ubi tantiaquid icnuen bëchish nibëdquiocnoc cute nëdënquequidën dapichicac bëdamboshëcquid icsho cun shocosh piu piupactsëcquid odo caid bedta. Adosho mibi mitsana dadpenquiocquid icmendambi. Ubi tantiaquid icquin dashcute nibëdquio icbuedi bëchish nibëdquiocquid cun dashcute ushumboshë icquid dasiuidnun bedash aid dasiuidash mibi dacuëdenquio iquendac. Ubi tantiaquid icquin cun dauë bëpasquenun bed. Adshun mimbi bëdambuen isquin umbi naid tantiendac.

Epeso 3:19

Adembidi ënenquio icquin matses tantiaquidquio Esus nec, quequin matsesën tantiatiapimbo iquec. Adquid icnuc ubi Esus tantiamequin mimbi nacpadombuen utsibo Esus tantiaquidquio icmeta, quequin Nuquin Papa chiannembi.

Codinto 1 1:4

Mibitedi tantiaquin ënenquio icquin Nuquin Papa naden chiannembi: Mibi bëdambocquid nec. Adquid icquin mimbi tantiamiac Esuquidistu tantiasho bëdambuen isquin bëdambo icmeta, Papa, quequin mibitedi tantiaquin chiannembi.

Ducas 2:7

Ambobidi matses dadpen chochoash ushte shubun puduedash tsucus tsucustsëcquio iquec tabadsho issun nëish iua tabadacno puduedshun Madian dada bacuë tishpanëdash. Tishshun dashcute cuësh cuëshshun dapucshun nëish iuan pete sandote nacnenaidën ambi bëyuc tishaid aton mado Madian nampanëdash.

Uanën dada uaid 16:15

Umbi tantiacpaden chuibanambo iccombi. Mambi Nuquin Papan chiacpadombuenuidi naquin aidën chiaiduidtsëqui chuibandedneboc. Aden umbi naidbëta Umbi Chiaid Cun Mayanën tantiamendac, quequin tantiec: Umbi naidbëta Umbi Chiaidtedi tantiamendac, quequin mibitedi chiombi, quepondash Esus.

Uanën dada uaid 1:17

Ëndenquimboshë Nuquin Papan: Naden nata, quequin Chiaid Moises dada uamepampic. Padnuen Esuquidistunuidtsëqui Nuquin Papan bëdambuen iste tantiamequin: Nadquio Nuquin Papa iquec, quequin matses abimbo tantiamepondash.

Uanën dada uaid 1:10

Adec Nuquin Papa tantiamianquid choash aidobëd tabadsho ambi uaidombi matsesën aid tantienquio icpondash.

Mateo 8:20

Esusën: Tantia. Mibi chuinu. Bëdi chëshë aton shëcuën ushquid. Uicchun aton shubu uash abuc ushquid. Padnueni Matsesën Tishaid yequi cun shubu nibëdnuc ubi ushte nibëdec, capanëdash.

Esusën Uan ismiaid 21:7

Mayan Icsa Satanasën: Icsambuen namenu, caqui chieshtoenquio icquin ubi tantiaquido icsho Aton Icbo icquin: Cun mado nec. Cun champi nec, queshun bëdamboshë yacno ënëdenquio yec ubëdi tabadmendambi.

Codinto 1 15:47

Bëyuc matses uaid dada nidaid putu nacnenaid yec nidaidën tabadtequid nepampic. Aidën tsiuec choquid dada abucuësh choquid Nuquin Icbo nec.

Doma 11:12

Ambi chiaid niacquid isadaidbo dadpen icsho bëdambuen istiapimbo icquimbi matses utsibon abi tantiasho isadaidbobimbuecnuc Nuquin Papan bëdambuen isbenec. Adshumbic ambi tantiacpadën matses utsibobëtan isadaidbo dadpenshun tantiabensho Nuquin Papan bëdamboshë icmendac.

Uanën dada uaid 17:19

Nëido tantiaquiec nëbimbobini mimbi chiacpadec ubided cuidadec uënësendac. Adombuembidi ma nëidon mimbi chiacpadombuen nanu, quiash mibi tantiaquidombo icmenuec adebi, quepondash Esus Nuquin Papa chiec.

Uanën dada uaid 12:30

Adsho tantiashun Esusën: ¿Ubi tantiamenuecta onquediosh? Padenquio. Ma mibitedi tantiamenuec Nuquin Papa onquec nepaboc.

Madcos 6:3

Adnubic utsibo: ¿Madian mado cute chëshshun nacnenquidpenquioda nedic? Ma aton utsibo nëidted nëmbobi icpayoc. Nëidic Santiaco. Utsibic Ose. Utsibic Udas. Utsibic Simon. Adecbidi aton chibi chedo nëmbobidi icquido neuaic, quequin Esus chieshënquin aidën chuibansho tantiate bunenquio iccuededpanëdash.

Mateo 17:27

Aden tantiaquimbi: Nëishnushe, queshun menenun chianën ansemetan. Bëyucquio mimbi nuëcquid ansemiaid ancanshun anisquin shocosh nacnenaid piucquid abentsëc mimbi istuidendac. Aid bedshun piucquid bedshumënquido menetanta. Në cun icbonabëdi cuna nec, quequin menetanta, capondash Esusën. Adoac Petedon Esusën chiacpadombuen bedtanquin piucquid menetampanëdash.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Ducas 8:3

Abëd nidquid utsi Uana icpanëdash. Aidën bënë Cusa cuëmëdquid chuiquid tapa Edodes Antipas aton chuiquid icsho aid dadpen nashunquid icpanëdash. Abëd nidquid utsibic Susana icpanëdash. Adecbidi chido utsibo dadpen atona dadpen icnuc Esus nashunquin menedednepanëdash.

Doma 15:3

Adembidi Esuquidistun abi bunacpadenuidi nainquio icpanëdash. Aden nainquio icte chuiquin Nuquin Papan naden dada uamepampic: Mibi chieshënquin icsambuen chuishunsho tantiash ubitsen chieshënquin chiacbimbuen chiec, quiash uënësquio iquebi, quequin chuipampic.

Esusën Uan ismiaid 2:9

Ubi tantiaquido icsho utsibon chieshënaido yec mitsana nibëdquid mibi nec. Nëbi mitsana nibëdquid iquequi ubi tantiaquid yec dadpenquio dayun uaquidbimbuec mibi bëdambo iquendac. Chieshëmënquidon mibi icsambuen chuishumbuedtsen tantiembi. Mibi yacnoshon Mayan Icsa Satanasën tantiamiac: Isadaidbo nebi, quequin mibi icsambuen chuishunquido yec Mayan Icsa Satanasën iuabo nendac.