Codinto 2 8:2 - El Nuevo Testamento en matsés

² Chieshënquin natiamiaqui: Bëdambo iquebi, quec aido tabadec. Adec tabadquin aton piucquid daëdpactsëcquid icquimbi atona dadpen yacbimbuecnuc Esuquidistu tantiaquid utsibo tantiaquin menenu, quequin atona sambededshun dayun uaosh.

Codinto 2 8:2 Referans Kwoze

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Esusën Uan ismiaid 2:9

Ubi tantiaquido icsho utsibon chieshënaido yec mitsana nibëdquid mibi nec. Nëbi mitsana nibëdquid iquequi ubi tantiaquid yec dadpenquio dayun uaquidbimbuec mibi bëdambo iquendac. Chieshëmënquidon mibi icsambuen chuishumbuedtsen tantiembi. Mibi yacnoshon Mayan Icsa Satanasën tantiamiac: Isadaidbo nebi, quequin mibi icsambuen chuishunquido yec Mayan Icsa Satanasën iuabo nendac.

Codinto 2 6:10

Uënësquio icmiaqui bëdambo iquebi. Cuna nibëdnubi: Ma Esuquidistu tantiaquido utsibo dadpen icnu, queshun chuibanec bëdambo iquebi. Cuna nibëdec, quiashic: Nuquin Papa yacno abitedi cuna nec, quequin tantiec bëdambo iquebi.

Codinto 2 9:13

Aden nashunaid issun mibitedi tantiec: Chiaid Bëda Esusën naid chiac: Esuquidistu tantiaquid nebi, quequin abimbo chuiquidquio aido nec, quequin mimbi dadpen meniaid bedshun: Nuquin Papa bëdamboshë iquec, quequin aidon chiendac.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Tesadonica 1 2:14

Cun utsibo, nidaid Udea caid yacnocquido yacpadquiec chieshtoenquio icquin mimbi Esus tantiec. Udea yacnoshon Esus tantiaquido icsho aton matses isadaidbon cuestiadquio icquin chieshënac chieshtoenquio iccondash. Adombuembidi min matsesën chieshënac mibitedi chieshtoenquio iccondac.

Codinto 2 9:11

Ma utsibo atona menequid icnu, queshun Nuquin Papan mibi dadpen icmeshunendac. Adoac mimbi: Ma utsibo menenu, caid ubitedi meniac buanshun menebanac: Bëdambo iquebi, quec tabadec. Adec tabadquin mimbi meniaid tantiaquin: Nuquin Papa bëdambo iquec, quequin mimbi meniaid bedquidon chiendac.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Mateo 20:15

Icbon ambi tantiacpadombuen atona dadpen meniac ¿ada aid icsambo icpec? ¿Utsibotsen menesho issunda mimbi ubi nëishëmpe? Aden nëishënac ¿ada bëdambo iquec? quequin tied icbon chuiposh, quequin utsi chiacbimbuen Esusën chuipondash.

Doma 2:4

Ambi uaido matses abitedishun icsambuen nasho isash uënësquio icquin aido bëdambuen iste bunquin icsambuen naquidobi Nuquin Papan baded cuidenquio iquec. Icsambuen nabuedi nëbi Nuquin Papa tantiate bunec: Ambi chiacpadec bëdambuec tabadte bunebi, quequin ma ambi icsambuen naid ënshun ubi tantiabennu, queshun Nuquin Papan matses baded cuidenquio iquec. Adquid icshobi Nuquin Papa tantiate bunenquio mibi iquec.

Codinto 2 2:9

¿Umbi chiacpadombuen nabanquidombobida neque? Isnu, quequin: Icsambuen naquid puduedmenda, quequin mibitedi chuiquin dada uaondambi.