Codinto 2 7:7 - El Nuevo Testamento en matsés

⁷ Choshon mibitedishun abi tantiaquin nabanaid Titon cuishoncamequin chioshi. Adembidi ubitedi iste mibitedi bunaid chioshi. Mimbi dada uaid isash uënësquio icquimbi mimbi chiacpaden nabanosh. Adecbidi: ¿Ada bëdambo iccosh? quequin mibi tantiosh, quequin Titon chuiuaposhi. Aden chiac bëdamboshë yanec udictsëc cuishonquequiobi.

Codinto 2 7:7 Referans Kwoze

Udas 1:3

Tantia, cun utsibo, umbi tantiaido icsho mibitedi chuinu. Abëd tabadmenuen nuqui cuidmenquio icnuec Esus abided cuidadec uënësaid tantiateuidi bunsho mibitedi dadpen chuiquin dadauate bunobi. Adbuedi utsi chuiquin dada uanu. Nëbi mibi yacnoshon ambenquiobi muaquin chuisho tantiashun: Mua. Esusën chiaidpenquio mimbi chiec. Aid tantiatiapimbo iquebi, quequin aidon chiaid tantienda. Nuquin Papan Chiaidquio chuibanac aid tantiondaido mibi neque. Utsi tantienda.

Codinto 2 5:2

Nuquin Papa yacno abuc nidabi yec uëshquequid nuqui nec. Adbuedi abi yacno nidacsho dada chuca uaid yec ënëdenquio yec nuqui tabadendac, quequin nuqui tantiec.

Uan 2 1:4

Mibitedi caic: Utsi utsiec Nuquin Papan chiacpadombuen nabanec tabadosh, quesho tantiash cuishonquec bëdambo iquebi.

Santiaco 5:17

Nuquin Papan oncamiaidquio Edias nuquipadquidquiobidi matses nepampic. Aidëmbi Nuquin Papa chuiquin: Ue secamenda, quequin cumapenen chuipampic. Adoac seta 3ted matanmetanec seta utsi choaid poctsembo yec ue sequenquio icpampic.

Ebedeo 2:1

Adec abitedishun Icbombo Nuquin Papan Mado Esus icnuc: Ambi Chiaid niaquec cuëshëdchitomane, queshun aid tantiaquin aidën chiacpadombuen nabanec bëdambuec tabadnuna.

Tesadonica 1 3:8

Mimbi aden nabanaid tantiash uidënquio yec dayacquio yanobi.

Tesadonica 1 3:6

Adoac mibi tabadacno istanec choshon nëbi Timoteon mimbi nabanaid naden chuituidoshi: Esus tantiaquido yec utsibobëd tantiananquiec tabadosh, quequin chuiposhi Timoteon. Adashic: Pabado chedo bëdambo iccondash. Aido padpiden iste bunebi, quiosh Tesadonica yacnocquido, queposh Timoteo. Adecbidi mibitedi istante bunquiebi.

Codosas 2:5

Mibitedi uanno icnubi mibëd tabadacbimbuen mibi ënenquio icquin tantiembi. Mibitedi caic: Tantiananquiec bëdambuec tabadosh. Adecbidi chieshtoenquio icquin Esuquidistu uidtsëqui tantiec tabadosh, quequin chuisho tantiash bëdambo iquec cuishonquebi.

Pidipos 1:20

Aid tantiec dacuëdenquio yanshun abi tantiasho Nuquin Papan icsambuen namenquio icquin bëdambuen isec. Umbi naondacpadombuen dacuëdenquio icquin Esusën naid chuibante bunec chieshtotiapimbo iquebi. Ma utsibon: Esuquidistu bëdambo iquec, canu, quiash uënësabi yec chieshtotiapimbo iquebi.

Codinto 2 8:16

Nëbi Tito mibi yacno nidec, quequin chuinu. Tantia. Umbi mibitedi tantiacpadombuembidi Nuquin Papan tantiamiac Titontsen mibi tantiec, quiash: Nuquin Papa bëdamboshë iquec, quec tsadebi.

Codinto 2 2:9

¿Umbi chiacpadombuen nabanquidombobida neque? Isnu, quequin: Icsambuen naquid puduedmenda, quequin mibitedi chuiquin dada uaondambi.

Codinto 2 1:14

Aden umbi dada uaid isquin bëdambuen abitedi tantiabi icbuedëmbi Nuquin Icbo Esuquidistu padpidec chouanuc mibitedishun bëdambuen tantiendac. Pabado bëdambuec tabadquidquio nec, quequin mibitedishun chiendac. Umbitsen adembidi: Codinto yacnocquid Esus tantiaquido bëdambuec tabadquido nec, quequin chiendambi.

Doma 1:12

Chieshtoenquio icquin Esus tantianuna, quec utsibobëd chuinanec bëdambuec tabadec aidobëd bëdambo ictsiabi, quiash mibitedi iste bunebi.

Hechos 11:23

Adoac Antioquia yacno choshon ambocquido Esus tantiaquido Nuquin Papan bëdambo icmiaid icsho isash: Bëdambo iquebi, quec cuishonquequin: Adembi chieshtoenquio icquin Nuquin Icbo Esus tantiata, capanëdash Bednaben.

Ducas 22:44

Aden chieshtomenquio icaqui natiaquiec uëshquec Nuquin Papa chuiquiequi ichacbëd intac daëdash nidaidën pasquebudnepanëdash.

Mateo 26:75

Adsho tantiashumbien Petedon Esusën chuibuedquio tantiactampanëdash. Cachina cuëdabi icnuc ubi caic: Umbi isacmaid nec, quequin 3teden mimbi chiendac, quequin Esusën chuibuedquio tantiatanec umanuc puduenanec nidec uënësquioshë yec natiaquiec shubiquiopanëdash.

Mateo 5:4

Matsesën natiamiac mëyadquidombi abi tantiasho Nuquin Papan bëdambuen isquin bëdambo icmendac.

Codinto 1 5:2

Adquid icnuc mibitedi: Ubiuidtsëqui bëdambocquid nebi, quenquio yec uënësquio yec tabadta. Aden icsambuen naquid icsho issun aid dada mibitedi iccuededacno tabadmenquio icquin uënësquio icquimbi ëndembi cuenmepatecnëdan, caimbi.

Codinto 2 1:4

Nuquitedi natiamiaid icsho issun Nuquin Papan uënësquio icquin bëdambo icmendac. Umbi icmiacpadombuembidi utsibo natiamiaid icsho issun umbi bëdambo icmiaidontsen: Ma aido bëdambo icmenu, queshun Nuquin Papan nuquitedi bëdambo icmendac.

Codinto 2 7:6

Adnubi matses natiamesho bëdambo icmequidën Nuquin Papan ubi bëdambo icmenuen Tito chomiosh.

Codinto 2 7:8

Umbi dada uaid buanmiac isash Codinto yacnocquido uënësquio iccosh, quesho tantiash ubitsen uënësquio iccobi. Iuec mibi uënëspenquio icac caoc. Nëbi uënësquio icbuedi bëdambo yanac, quesho tantiash ubitsen bëdambo yanobi.