Codinto 2 5:9 - El Nuevo Testamento en matsés

⁹ Aden tantiec nidaidën tabadquimbi Nuquin Papan chiacpaden naic tabadnuna. Adec tabadash abi yacno nidash ambi chiacpadembidi naic tabadendabi, quequin nuqui tantiec.

Codinto 2 5:9 Referans Kwoze

Codosas 1:10

Aden Nuquin Papan abi bunacpaden nate mibi tantiamiac mibitedi utsibobëd nashunnanec bëdambuec tabadendac. Adshun: Nadquio Nuquin Papa iquec, quequin bëdiactsëc tantiabuedi canidoacbimbuen bëdambuen tantiaquidquio yanendac. Adsho isash: Bëdambo iquebi, quendac Nuquin Icbo Esus.

Doma 14:18

Adec Esuquidistun chiacpadec tabadsho issun Nuquin Papan: Bëdambo iquec, canubi matsesëntsen: Aido bëdambo iquec, cauaindac.

Petedo 2 3:14

Tantia, cun utsibo. Umbi tantiaido icsho mibitedi chuinu. Choshon abi yacno buanshun Esusën nuqui abëdi tabadmendac, quiash chieshtoenquio iquec bëdambuec tabadta. Choshon Esusën: Mibi icsambocquid nec, canushe. Nuquin Papan Chiaid niaquenquio yec tabadta.

Timoteo 1 4:10

Adec: Abi yacno abëdi tabadendabi, quequin tantiec ënëdenquio yec chonoadquin Nuquin Papan Chiaidquio chieshtoenquio icquin chuibannuna. Esus tantiaquid uënësacsho cuidenquio icquin Nuquin Papa uënëstiapimbo icquidën abëdi nuqui tabadmendac, quiash chieshtoenquio yec bëdambuec tabadnuna.

Tesadonica 1 4:11

Umbi chiondacpadquiec chieshëmënenquio yec bëdambuec tabadta. Utsin icsambuen naiduidi chienquio yec bëdambuec tabadta. Chieshenquio yec dayacquio yec chonoadec tabadta.

Tesadonica 1 4:1

Tantia, cun utsibo. Bëdambo mibi iquec, Nuquin Papa camenuec bëdambuec tabadta, quequin umbi chiondacpadquiequi tabadta. Nuquin Icbo Esus tantiaquiec adec tabadta. Bëdambuec tabadosh, quesho tantiashun: Adquiequi tabadta, mibitedi caimbi.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Doma 15:20

Esuquidistun naid Chiaid Bëda chuibanacmanombo chuibennetiadquio iquebi. Utsibomba Esusën naid chuibanacno nidte bunenquio iquebi.

Doma 14:8

Uënësabi yec tabadec Nuquin Icbo Esusëna nuqui nendac. Adecbidi uënësash aidënabidi nuquitedi neuaindac. Aden uënësabicquin abi tantiaquido yec aidëna nuqui nendac. Aid tantiec uënësashic aidënabidi nuqui neuaindac.

Hechos 10:35

Nuquin Papan Chiaid tantiashun nidaid utsin utsinquiec tabadquidon chieshenquio icquin bëdambuen nabansho issun: Aidtedi Nuquin Papan bëdambuen isendac, quequin tantiembi.

Ebedeo 12:28

Adoaid Nuquin Papa ambi namiacno abi tantiaquidobëd tabadte ishcunquin nibëdanmetiapimbo ictequid nec, quequin Nuquin Papan nabanaid tantiec aid bunacpaden: Nuquin Papa bëdamboshë iquec, quequin aidquio tantiec tabadnuna.

Ebedeo 4:11

Nuquin Papabëd tabadtequid nebi, quequin tantiaquin Esuquidistu tantiaquionona. Nuquin Papan Chiaid tantiesa yanash tsusedpabo Nuquin Papan chiacno tabadambo yampicpadecbidi tabadtiapimbo icmane, queshun aid tantiaquionona.

Codosas 1:29

Adquid mibitedi icmenuen badiadquidën badiadquidënquien Esuquidistu nadatiambocquidën namiac uidënquio yec chieshtoenquio icquin chuibennec nebi.

Codinto 2 5:8

Aden tantiec bëdambo iquebi. Dada chodquetequid icquimbi: Badedquio chodquesa icmepashuni. Cun Icbobëd tabadec nidnu, quequintsen nuqui tantiec.

Codinto 2 5:6

Aden aton Mayan meniaido icquin nuqui abimbo tantiec. Nuquin dada chodquetequid icnuc Nuquin Icbobëd tabadenquio yec uanombo iquebi, quequin nuqui tantiec.

Uanën dada uaid 6:27

Peteuidtsëqui tantiaquin pete bednuen naquidquio mibi nec. Aidquio chodquetequid neque. Chodquetiapimbo icquid tantiaquin bëdambuen nata. Aden nash Nuquin Papabëd ënëdenquio yec tabadtequid mibi yantsiandac. Nuquin Papan: Umbi chomiaidquio yec Matsesën Tishaid neque. Ismenu, quequin Aidën namiacpadombuen mibi ismequin nadatiambocquin nabanombi, quepondash Esus.

Epeso 1:6

Aden tantianquid icquin: Ma ubi ënenquio icquin: Bëdambocquid nec, canu, queshun Nuquin Papan aton Mado ambi tantiaidquio Esuquidistu nuquitedi tantiamiac. Adoac Esus tantiaquido yec nuqui abëd tabadtequido nec.