Codinto 2 4:16 - El Nuevo Testamento en matsés

¹⁶ Adquid icnuc chieshtoenquio icquin cun dada shënibudec tsësiobudquimbi badiadquidën badiadquidënquien Nuquin Papan namiac Esuquidistu tantiaquid icbuedi Esus tantiaquidquio yanebi.

Codinto 2 4:16 Referans Kwoze

Codosas 3:10

Adoacsho dashcute chuca dasiuinacbimbuen chuca uaido mibitedi nec. Mibi uaquidquio Nuquin Papabimbuec yanquin aid mimbi bëdambuen tantiaquiendac.

Doma 12:2

Esus tantiesabon nacpadombuen naic tabadenda. Adembidi aidon tantiacpadombuen nainquiocquin bëdambuen tantiabenash mibitedi bëdambuec tabadquid yanendac. Adash Nuquin Papa bunacpadec tabadquin bëdambocquid yec abi bunaidquio yec icsambocquidpenquio yante yec quequin mibitedishun tantiendac.

Codinto 2 4:1

Nuquin Papa bëdamboshëcquidën ubitedi bëdambuen isquin: Esuquidistu chuibenneta, caid icquin chieshtoenquio icquin aidi chuibanquido ubitedi nec.

Epeso 3:16

Nuquin Papa nadatiambocquin naquidquio icsho naden mibitedi tantiaquin chiannembi: Min Mayan Esus tantiaquidobëd icmequin chieshtoenquio icquido icme.

Doma 7:22

Nuquin Papan: Naden nata, quequin Moises chuiquin dada uamiampid tantiate bunebi,

Tito 3:5

Aidëmbi matses icsambuen naquid icshobi cuidmenquio icte bunquid icquin bëdambuen isquin nuquitedi mënchicpondash. Adshumbic nuqui icsambuen naidtedi ucmenuen nuqui utsiacbimbuecnuc chuca icmequin aton Mayan Bëda meniac.

Petedo 1 3:4

Adenquio icquin: Bëdambocquid nec, camenuec bëdambuec tabadta. Nacnemëdteuidi bunenquio icquin bëdambuen nabanec bëdambocquid icta. Mimbi aden nasho isash: Mibi bëdambo iquec, quendac Nuquin Papa.

Epeso 4:23

Adec mibitedi Nuquin Papan tantiamiaid yec bëdambuec tabadta.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Codinto 2 12:15

Adembidi mibitedi tantiec: Ma Esuquidistu tantiaquidombo yampanu, quec chonoadbudec tsësiobudquimbi chuibanendambi. ¿Umbi tantiaidonquiobida mibitedishun ubi tantienquio icpe?

Ducas 11:3

Bunmianenquio icquin badiadquidën badiadquidënquien cun pete icmeta, Papa.

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.