Codinto 2 2:7 - El Nuevo Testamento en matsés

⁷ Adoacsho ambi icsambuen naid tantienquio yec bëshunshun aidi iueduaquin bëdambo icmequin nashunta. Iuedenquio icac natiaquiec uënësquioshë icnushe.

Codinto 2 2:7 Referans Kwoze

Epeso 4:32

Adecbidi bëdambuec tabadquin utsibo uënësquio icquin tantiaquin nashunnanta. Esuquidistunuidtsëqui nac mimbi icsambuen naid tantienquio yec Nuquin Papa bëshunacpadquiec utsin mibi icsambuen naid tantienquio yec bëshunuata.

Codosas 3:13

Mimbi nacpadombuen utsibon nainquiocsho issun: Tantienquiocquid nec, quenquio icquin adembi chuiban. Adecbidi utsin mibi icsambuen chieshënquin nasho isash aidën naid tantienquio yec bëshunta. Nuquin Papa umbi icsambuen naidtedi tantienquio yec bëshunosh, quec adta.

Tesadonica 2 3:6

Tantia, cun utsibo. Nuquin Icbo Esuquidistun: Ubi chuibenneta, caidquio icquin mibitedi chuinu. Esus tantiaquido utsi utsiec umbi mibi chiondaid niacniaquec chieshuidequi icsho isash aidbëd tabadenda.

Tesadonica 1 4:13

Tantia, cun utsibo. Mibëd icquido Esus tantiaquido uënësacsho isash: Padpiden isenquio iquembi, quequin Esus tantiesabon tantiacpaden tantiec uënësquio icnuc baded ënëdenquio yec shubinushe, queshun mibi abimbo chuinu.

Pidipos 2:27

Abimbo caic. Adec nënec uënëstsenquiosh. Adshobien Nuquin Papan bëdambuen isquin bëdanmeposh. Ubitsen bëdambo icmenuen Nuquin Papan adoposh. Epapadodito uënësquio icnuc ubi shubiec tsadsho issun: Aid uënësan uënësquio yec Pabado natianushe, queshun Nuquin Papan Epapadodito bëdanmeposh.

Codinto 2 7:10

Uënësquio icmiac: Nuquin Papan Chiaid niaccombi, queshun Esus tantiasho bëdambuen isquin Nuquin Papan ënëdtiapimbocnoc abëdi mibi tabadmendac. Padnuen abi tantiesabo uënësquio icmiac uënësquio icbudequi uënësendac.

Codinto 2 5:4

Nuquin dada chodquequid icnuc uinmabudash uëshquec nuqui tabadec. Cun dada chuca uaquin chodquesa icmepashuni. Uënësesa icnu, quec nuqui tabadec.

Codinto 1 15:54

Adtequid chuiquin Nuquin Papan dada uamiampid nad iquec: Chieshëmënquid dëniacquin cuessunniacbimbuen Uënëstequid nibëdanmendac.

Codinto 2 2:8

Nuquibi bëdambo iccuedednuna, quequin aid tantiaquin iued, caimbi.