Codinto 2 11:6 - El Nuevo Testamento en matsés

⁶ Aido bëdambuec onquequin chuibanquid icnubi aid padquidpenquieni nechitec, quebuedi naden bëdambuen tantiembi. Esuquidistun: Ubi chuibenneta, quequin dadpenquio tantiamiacpadombuen mibitedi bëdambuen tantiamiondambi.

Codinto 2 11:6 Referans Kwoze

Epeso 3:4

Aden umbi dada uaondaid isec onquequin: Esuquidistu chuiquin Nuquin Papan matses tantiamenquio icpampidi tantiamiac nëbi Pabadon tantiec, quequin mimbi tantiec.

Codinto 2 4:2

Icsambuen nash dacuëdec ompodquidën nacbimbuen nainquio iquembi. Bëdambocquid danmianenquio icquin Nuquin Papan Chiaid utsi uaquin chuibanquin matses mua uainquiocquin abimbo chuibanembi. Aden umbi abimbo chiac tantiaquido yec: Pabado icsambuen naquid nec, quetiapimbo icnubi adembi bëdambuen chuibanembi. Nuquin Papan nuquitedi isec, quequin adembi abimbo chuibanembi.

Codinto 1 1:17

Ubi tantiaquido acten mentobanta, quequin Esuquidistun chiambo iccondashi. Adoenquio icquin: Matsesën icsambuen naid bedshunec abided cuidadec Esuquidistu uënëspanëdash, quequin Chiaid Bëda chuibenneta, caid icquin aden chuibennec nebi. Bëdambuen tantiaquidquio nebi, quequin chienquio icquin: Nuquin Papa matses bëdambuen ismenuec Esuquidistu abided uënëspanëdash, quequin ma utsibontsen tantianu, queshun aidquio chuibennec nebi.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 2 12:12

Natiamiaqui chieshtoenquio icquin Esuquidistu umbi chuibansho mibitedishun tantiapondac. Adembidi Nuquin Papan namiac nadatiambocquin umbi nabansho mibitedishun isbededpondac. Adosho issun Esuquidistun: Ubi chuibenneta, caidquio Pabado nec, quequin chuitiadquidëmbi padenquio mimbi icpondac.

Codinto 2 10:10

Mibitedi dacuëdmenu, quenquio icnubi umbi dada uaondaid issun naden utsin utsinquien chiec: Cumapenec chushquequin chuiquidën chiacbimbuen Pabadon dada uac. Nëmbo choshon aden chuitiapimbo iquec. Tantiadtiapimbo icnuc chuibanondash, quequin aidon ubi icsambuen chuishunec.

Codinto 2 5:11

Adec Nuquin Icbo dacuëdampambocquid icsho ma aidën chiacpadec tabadquin ma tantianu, queshun matses tantiamequin chuibante bunebi. Adosho umbi naidtedi Nuquin Papan tantiec. Adembidi ma mimbitsen umbi naid tantiapanu, quec tsadebi.

Codinto 1 2:13

Aden Nuquin Papan tantiamiaid icquin aton Mayanën tantiamiacpadombuen chuibanec nebi. Umbibi tantiabenshun cumapenen tantiaquid nebi, quenquio icquin chuibanec nebi. Aden chuibanenquio icquin Nuquin Papan Mayanën tantiamiaidquio icquin chuibanec nebi.

Codinto 2 7:2

Adembidi ubëtabi ubipadquid tantiaquiota. Icsambuen nashunesa nebi. Adecbidi icsa uanesa nebi. Adecbidi muaquin utsin na bedesa nebi.

Codinto 1 12:8

Nuquin Papan Mayanën namiac bëdambuen tantiaquin chuibanquid utsi utsiec iquendac. Utsibobic Nuquin Papan Mayanën namiac ambi dadpenquio bëdambuen tantiaid chuibanquido iquendac.

Codinto 2 6:6

Adquid icnubi icsambuen nainquio iquembi. Nuquin Papan Chiaid tantiaquidquio nebi. Tantiatiapimbo yec utsibo tabadshobi aido bëdambuen isquin adembidi Nuquin Papan Chiaid chuibennec nebi. Adembidi: Nashunquin chiac tantiabentsiash, queshun adquid nashunembi. Nuquin Papan Mayan Bëdan tantiamiaid yec bëdambuec tabadquin ismembi. Muainquio yec utsibobëd tantiananquiec bëdambuec tabadebi.