Codinto 2 10:10 - El Nuevo Testamento en matsés

¹⁰ Mibitedi dacuëdmenu, quenquio icnubi umbi dada uaondaid issun naden utsin utsinquien chiec: Cumapenec chushquequin chuiquidën chiacbimbuen Pabadon dada uac. Nëmbo choshon aden chuitiapimbo iquec. Tantiadtiapimbo icnuc chuibanondash, quequin aidon ubi icsambuen chuishunec.

Codinto 2 10:10 Referans Kwoze

Codinto 1 1:17

Ubi tantiaquido acten mentobanta, quequin Esuquidistun chiambo iccondashi. Adoenquio icquin: Matsesën icsambuen naid bedshunec abided cuidadec Esuquidistu uënëspanëdash, quequin Chiaid Bëda chuibenneta, caid icquin aden chuibennec nebi. Bëdambuen tantiaquidquio nebi, quequin chienquio icquin: Nuquin Papa matses bëdambuen ismenuec Esuquidistu abided uënëspanëdash, quequin ma utsibontsen tantianu, queshun aidquio chuibennec nebi.

Codinto 2 11:6

Aido bëdambuec onquequin chuibanquid icnubi aid padquidpenquieni nechitec, quebuedi naden bëdambuen tantiembi. Esuquidistun: Ubi chuibenneta, quequin dadpenquio tantiamiacpadombuen mibitedi bëdambuen tantiamiondambi.

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 2 10:9

Adquid nebi, quequin umbi dada uaid isash: Dacuëdampambocquid Pabado nec, camenuempenquio dada uaic nebi.

Codinto 2 10:11

Aden ubi chiec onquecuededquidon bëdambuen tantiata. Chuinu. Uannoshon umbi dada uaquin chiacpadombuembidi mibi yacno nidshun adombuembidi mibitedi chuibanendambi.

Codinto 2 11:21

Umbien dacuëdquin aden mibi icsa uaquin natiametiapimbo ictsiac. Mibi iuanuequidon dacuëdenquio icquin ambembi ambi nabanaid chuibanac, quesho tantiashun adombuembidi dacuëdenquio icquin tantiesan chiacbimbuen umbi nabanaid chuibanuaimbi.

Codinto 2 13:3

Esuquidistun tantiamiacpaden Pabadon chuibanquin dada uaid nec, quequin ¿Mitsipadentsimbi abimbo tantiape? quequid icsho chuibanembique. Tantiaquiota. ¿Esuquidistun natiapimbocquidta icpadic? Aidëmbi nadatiambocquin mibitedi tantiamec.