Codinto 2 1:17 - El Nuevo Testamento en matsés

¹⁷ ¿Otacquio tantiaquin: Nidenquio iquebi, quequin Esus tantiesabimbuec muaquindambi chuidionda? ¿Adembidi Esus tantiesabo bunacpaden nanuen muaquindambi chuidionda? Mambi adenquio icquin abimbo chiondac.

Codinto 2 1:17 Referans Kwoze

Mateo 5:37

Aden chienquio icquin: Ai, Aden naimbi, queshun muainquiocquin nata. Adembidi: Padi. Aden natiapimbo iquebi, queshun mimbi chiacpadombuen nainda. Utsi uaquin mimbi icsambuen naindac, quepanëdash Esus.

Santiaco 5:12

Tantia, cun utsibo. Abimbo chuiquidquio icta. Nuquin Papan tantianubi abimbo caimbi, quequin naden chienda. Abu chuiquin: Abimbo chuinu, quequin chienda. Adembidi nidaid chuiquin: Abimbo chuinu, quequin chienda. Adembidi utsibi cuënquin: Abimbo chuinu, quequin chienda. Utsin: ¿Ada natsia? cac: Ai, queshun nabanta. Adembidi utsin: ¿Ada natsia? cac: Padenquio, queshumbi nabanenda. Aden abimbo chienquiocquid icsho Nuquin Papan cuidnushe.

Uanën dada uaid 8:15

Matsesën tantiacpaden mibitedishun: Icsambocquid nec, quequin chuipec. Umbien: Aid icsambocquid nec, quequin chuitiapimbo iquec.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Tesadonica 1 2:18

Adec: Padpiden istannu, quesho Mayan Icsa Satanasën nac padenquio iccondabi. Padpidec: Nidnu, quesho adembidi. Padpidec: Nidnu, quesho Mayan Icsa Satanasën nacbidi padenquio iccondabi. Nëbi adecbidi mibi istantiadquio iquebi.

Cadasia 2:2

Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.

Cadasia 1:16

Esusën naid Chiaid Bëda isadaidpembo chuibenneta, caimbi, quequin ambi tantiampicpadombuen Nuquin Papan tantiamiondashi. Adoac: Esusën naid chuibanquido: ¿Atotsimbi nëbi nape? quequin chuitanambo iccondambi.

Mateo 1:19

Aden usundomiacsho issun: Abi bednu, quequidën Osen dada utsin chudaid danquin: Mibi bedenquio iquembi, quequin dada uashun Madia menenu, queuidpanëdash. Aidi Nuquin Papan chiacpadombuen naquidquio yec bëdambocquid icquin naden aton matses chiambo icpanëdash: Umbi bedabi bacuë usundoaque. Cuidquimbien ictiad, quequin aton matses chienquio iquequi: Bedenquio icnuen dada uaid menenu, queuidpanëdash.

Codinto 2 11:18

Bëdambuen naombi, quequin ambi nabanaid utsibo dadpenshun chuibanec, quequin tantiaquin adombuembidi umbi nabanaid chuibanuaimbi.