Codinto 1 9:15 - El Nuevo Testamento en matsés

¹⁵ Ubi nashuntiadquidi nec, quequin tantiequi ¿adabi pete pemenun iuedpec? quesa nebi. Adembidi umbi dada uaid buanmiaid issun pete menetsiashi, quequin tantiaquin dada uainquio iccombi. Bunec uënësbudequi mibitedi caic: Bec cho, quenquio ictsiabi. Meniabi yac Esus chuibennec bëdambo iquebi.

Codinto 1 9:15 Referans Kwoze

Tesadonica 1 2:9

Cun utsibo. Aden Esusën naid chuibanquimbi nëish iua bitsi tuscaquimbi shubumpi nacnendedniondambi. Badiadën naquimbi inchëshëntsen adembidi nadedniondambi. Mibitedi caic: Ubi menianniac aton piucquid naimëdnushe, quiash cun piucquid bednuec chonoadtedniondabi. Mimbi isnubi adondabi.

Tesadonica 2 3:8

Mimbi pete meniac ¿cun piucquid mibi menenquiodambi ictionda? Bedquin mambi mibi meniannepondac. Aden: Ubi menequin atona uesnushe, quiash cunabi piucquid bednuec badiadën chonoadtedniashic inchëshëntsen adecbidi chonoadtedniondabi.

Codinto 1 9:12

Chuibanquid utsibo petebëta actequid menebanquimbi ubia mibi chuibanondaidquio icsho menetiadquidi menianenquio mibitedi icpondac. Aden petebëta actequid menenquio yaqui: Bec cho quetiadquidi: Umbi: Esuquidistu abided cuidadec uënëspanëdash, quequin Chiaid Bëda chuibansho tantiatiapimbo icnushe, quiash: Bec cho, quequin chienquio iccondambi.

Hechos 20:34

Adenquio icquin umbibi shubumpi nacnenshun menequin piucquid bedshun cuna bedondambi. Adshumbic umbi bedbuedi ubëd capuquido musuc menebanondambi. Adec ubi chonoadondaid mibitedishun tantiec.

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Hechos 18:3

Nëish iua bitsi shubumpi nacnenquid abipadquid Aquida aton chidobëd icsho issun aidobëd tabadquin Pabadon shubumpi nacnempanëdash.

Codinto 1 4:12

Cuna bednuec cun mëdanten nabanec uinmabudec chonoadquido nebi. Chieshëmënquidon: Icsambocquido nec, quequin icsambuen chuishunaqui aido cuidenquio icquin bëdambo icmequin chuibanquido nebi. Utsibon natiamequin mëyanaqui chieshtoenquio icquido nebi.

Hechos 8:3

Adnubien Esus tantiaquidtedi chieshënquin Saudon shubun shubunquiec puduedcuennequin dadabëtabi chido bedmeshun quënën tsadunmebampanëdash.

Mateo 18:6

Adshumbic padpiden chiec: Nëid bacuën ubi tantiasho icsambuen namequin cuëshëdmesho issun cuënote iuëmbocquid tëdectanquin tëtanetanquin acte dapa ëquëducquioshë yacno nënepatecnëdan.

Hechos 20:33

Mibëd tabadec: Piucquid bec cho, quenquio iccondabi. Adecbidi: Dashcute bec cho, quenquio iccondabi.

Codinto 1 9:18

Cuishonquequin Esuquidistu chuibennec nebi. Esus chuibennequid Esus tantiaquidon nashunquid, quequin chiaid icnubi: Mitsana bec cho, quenquio icquin chuibennec nebi. Aden: Umbi tantiacpaden ubi mitsana mene, quenquio icquin Esuquidistu chuibennequidquio nebi.