Codinto 1 9:1 - El Nuevo Testamento en matsés

¹ Nuquin Icbo Esus isondambi. Aidën: Ubi chuibenneta, caidquio nebi. Adquid iquec utsibon namiaidpenquio nebi. Umbi Esuquidistu chuibansho tantiash aid tantiaquid mibitedi yampondac.

Codinto 1 9:1 Referans Kwoze

Hechos 9:17

Adsho tantianec nidec Ananias Udasën shubun puduedquin Saudo istuidshun mamishec: Cun utsi, mibi podquiedën chosho chuibuedën Nuquin Icbo Esusënquio mibi cain: Ma padpiden ismebennu, quequin chomiaid nebi. Adembidi aton Mayan Bëda mibi menemenuen chomiaidbidi nebi, quepanëdash Ananias Saudo chiec.

Timoteo 1 2:7

Aden Esus chuibanmenuen Nuquin Papan Ambi Chiaid chuibanquidquio icmepondashi. Adembidi Esusën: Isadaidpembo tantiamequin ubi chuibenneta, caondaidbidi nebi. Adoaid icquin: Ma Esus tantianu, queshun Nuquin Papan Chiaidquio muainquio icquin abimbo chuibennec nebi.

Codinto 1 3:6

Tiedën pete ëshë siacbimbuen mibitedi Nuquin Papan Chiaid: Ma Esuquidistu tantiaquiono, queshun chuibanondambi. Iuecash Apodotsen mibi yacno nidshun tiedën nidtsinaid: Ma bëdambuec caninu, queshun acte machiuindoniacbimbuen: Esuquidistu ma udictsëc tantiaquiono, quequin chuibanuapanëdash. Aden ubi daëdshun chuibannubi pete ëshë canimiacbimbuecnuc Nuquin Papan mibitedi tantiamebampanëdash.

Hechos 23:11

Aden buanshun shubu nuntan sondadon iuedaquien Pabado ushash badiadash padpidec inchëshquidën Pabado yacno choec isadcuenshun Nuquin Icbon: Chieshtoenda, Pabado. Mimbi Edusaden yacnoshon ubi chuibambocpadembidi shubu dadpen icquid Doma yacnoshontsen mibi chuibanmembique. Dacuëdenquio yec dayacquio yec nidta, quequin chuipanëdash.

Hechos 9:3

Aden chiac dada uashun meniac bedash Edusaden yacnouësh puduanec ënapen nidec shubu dadpen icquid Damasco anoentsëqui yanshobi abucuësh uëshëmboshë yec bedquec chënquequidën Saudo dachëncaquin dëcatepanëdash.

Codinto 1 9:19

Utsin iuacmaid yequi abitedishun iua namiacbimbuen umbi chuibanac ma matses dadpenquio Esuquidistu tantiaquido yannu, quequin chuibanec nebi.

Timoteo 2 1:11

Aden tantiaquid icsho Nuquin Papan: Esus chuibennequid icta, capondashi. Adoac nidaid utsi utsiec yacno nidshun Nuquin Papabëta Esus chuibennequin tantiamebennequidquio nebi.

Cadasia 5:1

Esuquidistun nuquitedi bëdambuen isquin iuapenquio icmiac. Adquid icmiac chieshtoenquio icquin aid tantiec mibitedi bëdambuec tabadendac. Adoaido yequi: Moisesën chiampicpadenuidi nasho Nuquin Papan nuqui bëdambuen istsiash, quec padpidembuec adquidën iuaid yanuainda.

Codinto 2 6:1

Nëbi ubitedi Nuquin Papan: Umbi Chiaid chuibenneta, caido nebi. Adquid icquin: Nuquin Papa matses bëdambuen ismenuen Esusded cuidpanëdash, quequin Nuquin Papan Chiaid umbi chiac pamumëdacbimbuec tantiate bunenquio yec tabadenda.

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Cadasia 1:1

Pabado nebi. Esuquidistun: Ubi chuibenneta, caid nebi. Matsesën: ¿Adquid icta, caidtabi nedi? Padenquio. Esuquidistun: Ubi chuibennequidquio icta, caid nebi. Adembidi Aid uincuenmenëdaid icquin Nuquin Papantsen: Esus chuibenneta, caid nebi.

Tesadonica 1 2:6

Pabado bëdambuen chuiquidquio nec, ¿matses camenuendambi chuibanonda? Mibitedi adometiapimbo icquimbi utsibotsen adometiapimbo iccondabi.

Codinto 2 11:5

Esuquidistun: Ubi chuibenneta, cac Nuquin Papan tantiamiacpaden chuibennec nebi. Aden chuibennenubi utsibo tsiuec choshon chuibansho tantiash: Bëdambuen chuibanquidquio nec. Aden Pabadon chuibanenquio iccosh, quesho tantiash: Icsambuen chuibanombi, quetiapimbo iquebi.

Codinto 1 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, quequin tantiamiaidquio nebi. Esus tantiaquid icsho nuqui cun utsi caid Sostenes ubëd iquec.

Doma 11:13

Tantia, matses utsibo. Mibitedi chuinu. Nuquin Papan mibi yacno nidmiac Esusën naid chuibennec bëdambo iquebi. Nëid umbi chuibanaid bëdamboshëcquid nec.

Doma 1:5

Aidëmbi ubi tantiaquioquin: Ma nëidën nidaid utsi utsiec yacno nidshun chuibenniac matses utsibontsen ma ubi tantiaquin umbi chiacpadombuen nanu, quequin ambi naidbëta ambi chiaid chuibennequid Esuquidistun icmepondashi.

Hechos 14:14

Aden ambi papa canun nacnenaid ismequin pichicanuen baca cuessunnemenuen bësho issun Pabado: Icsambo iquec, quequin ismenuen abi dasiuidaid aton dashcute bëntsecquid shoyonquin cancheuidtanec iccuededquidon nënantanquio nidash Bednabebëd Pabado cumapenec cuëdquin chiec nadpanëdash:

Hechos 14:4

Adoac aid daëdshun nadatiambocquin nabansho isash isadaidbon chuiquidon chuibocpadec: Bednabebëd Pabado icsambocquid nec, utsi utsiec quenubien utsibo: Ambi chiaid abimbo iquec, quepanëdash.

Hechos 13:2

Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Hechos 9:5

Adoaquien Saudon: ¿Tsutsi ne? caquien: Mimbi chieshënquin mëyanaid Esus nebi.

Codinto 1 10:29

Utsibon: ¿Bëdambuen nabanaidida nepeba? quequin icsambuen naid tantiaquid icquin aidon nabanaid chiec nebi. Mimbi naid tantiaquin chuibanecpenquio nebi. Pambid petequidquio nec, quequin mimbi tantianubi utsibon: Aid pequin icsambuen natsiambi, caidi pequin ismenda.

Codinto 1 10:30

Mimbi uaid pete bëdambo iquec, quequin Nuquin Papa chuishun peshobi ¿atotsi queshun: Icsambo iquec, ubi capec?

Codinto 1 11:16

Umbi chuibued tantiash: Icsambuen chiosh, quiash chushcante bunquido icsho ubëtan chuibennequidobëtan: Nuquin Papan tantiamiac Esus tantiaquidon: Aden Pabadon chiacpadquid utsi nibëdec, quequin tantiata.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.