Codinto 1 8:6 - El Nuevo Testamento en matsés

⁶ Adquid icnubi nuquitedi: Papa, quequin tantiaid Nuquin Papa abentsëcquiobi iquec. Aidi abitedimbo uaquidquio nec. Aidën tantiacpadequi nuquitedi abi tabadec. Adecbidi nuqui Cun Icbo caid Esuquidistu abentsëcquiobi iquec. Aidënuidtsëqui abitedimbo uashun adembidi nuquitedi uapampic.

Codinto 1 8:6 Referans Kwoze

Doma 11:36

Nuquin Papan abitedi uapampic. Aidtedi atona nec. Ambi uaid abitedi iquec. Ambi uaidtedi ambi dayun uaidquio nec. Adquid icsho: Nuquin Papa bëdamboshë iquec, canuna ënenquio icquin. Amen.

Uanën dada uaid 1:3

Aidëmbi Nuquin Papan namiacpadombuen abitedimbo uapampic. Ambi uacmaid utsi nibëdec.

Codinto 1 8:4

Umbi chuibocpadembidi ambi papa canun nacnenaid ismequin nëish iua pichicaquin dasambued pambidtambi pepe, quequin chuiquin mimbi dada uacbued issun chuinu. Ambi papa canun nacnenshun tabëcaid tiboquenquio yec tabadnubi: Nuquin Papa abentsëcquiobi iquec, quequin nuquitedi tantiec.

Hechos 17:28

Aidën nac tiboquec abi nuqui iquec. Aidën nac capuec shëquëquequid nuqui nec. Adembidi min matsesën dada uaquin chiampid nad iqueque. Tantia. Chuinu: Nuquin Papa caidën bacuëbo nuqui nec. Abia matses uampidën tsiuecquido nuquitedi nec, quequin chuipanëdash.

Uanën dada uaid 14:20

Ubi uincuenaid uëshëmbi mimbi naden tantiendac: Aton Papabëd abentsëc yacbimbuec tabadec, quequin ubi mimbi tantiendac. Adembidi: Esusbëd abentsëc yacbimbuec tabadebi, quequin mibitedishun tantiendac.

Codinto 1 12:3

Adquid iccondaidi nëbi Esus tantiaquido mibitedi icsho chuinu. Nuquin Papan Mayanën tantiamiacmaido yec: Esus icsamboshëcquid nec, quendac. Padnuen Nuquin Papan Mayan Bëdan nadatiambocquin tantiamiaido yec: Esus Cun Icbombo nec, quendac.

Hechos 2:36

Tantia. Cun matses isadaidbo. Dabidën chiampid Esus mibitedishun cueste napotiaidën dectanquin uënës uaid Nuquin Papan Chomiaid Mesias caid yec Nuquin Papan icmiacpadec abitedishun Icbombo nec, quequin abimbo chiec nebique. Esus tantiata, quepanëdash Petedo.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Uanën dada uaid 13:13

Cun chuiquidquio nec, mimbi ubi capec. Adembidi: Cun Icbo mibi nec, mibitedishun ubi capec. Bëdambuen mimbi chiec. Adquid nebique.

Mateo 28:18

Adsho issun Esusën anoentsëqui choquin naden ubitedi chuipondash: Ubipadquid utsi nibëdec. Nuquin Papan abitedishun Icbombo icmequin abuc icquidobëta nidaidën icquidotedi namequidquio icmioshibique.

Mateo 11:27

Adshumbic abi datsidadquido naden chuiuapondash: Cun Pan ambi tantiaidtedi ubi tantiamec. Umbi nabambuedbëta umbi nate abitedi cun Pa abentsëcshunquiobi tantiec utsibon tantienquio icnuc. Adembidi cun Pan nabanaidbëta ambi nate umbentsëqui abitedi tantiembi. Aden tantiaquin: Nëidtedi matses bëdambuen tantiamembi, queshun: Nuquin Papa nadquio iquec, quequin tantiamembi, quepondash Esus.

Uanën dada uaid 17:3

Matsesën: Abipadquid utsi nibëdnuc Nuquin Papa abentsëcquiobi iquec. Adembidi Ambi Chomiondaidquio Esuquidistu nec, quequin tantiasho nuquibëd ënëdenquio yec tabadtequido icmendambi, Papa.

Uanën dada uaid 10:30

Cun Pabëd abentsëc yacbimbuecquid yec aid padquidquiobidi nebi, quepondash Esus.

Esusën Uan ismiaid 1:18

Nëbi adquid iquec abi iquebi. Adquid iquequi uënëspobi. Adbuedi nëbi uincuenash uënëstiapimbo icquid nebi. Adquid yec uënëstequidën Icbombo nebi, queposh.

Epeso 3:14

Nuquin Papa abuc icquidobëta nidaidën icquidotedi uaquidquio nec, quequin aid tantiaquin danëshën sebudshun

Codinto 1 1:2

Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Codosas 1:6

Aden Chiaid Bëda chuibanquid mibi yacno nidshun chuibanac mibitedishun: Abimbo caic, queshun tantiabempanëdac. Mibitedi chuibanacpadombuembidi matses utsi utsiec yacno chuibenniac adembidi dadpenshun: Abimbo caic, queshun Esuquidistu Nuquin Papa bëdambuen ismequid tantiabempanëdash.

Epeso 1:3

Nuquin Icbo Esuquidistun Papa Nuquin Papa bëdamboshëcquid nec. Adquid icquin Esus tantiaquid icsho abëd abuc bëdambuec tabadacpadquidquio nuquitedi icmiac, quequin: Nuquin Papa bëdambocquid nec, canuna.

Codinto 1 6:13

Adembidi naden chiaid iquec: Pete piaid pucu yacno budtequid nec. Pucu yacno budtequid pete piaid nec, queuapec. Ai, abimbo mimbi caic. Adquid daëd icshobi Nuquin Papan nibëdquio icmendac. Adotequid icnuc mibi bunacpadombuen tantiaquin nabanquin mimbi natemaidi naic chudnanquin natepenquio min dada nec. Padnuen nuquin dada Nuquin Icbona nec. Adquid icnuc Nuquin Icbo nashunec tabadtequid nuquin dada nec.

Petedo 1 1:21

Aden abi tantiasho Esuquidistunuidtsëqui Nuquin Papa mibitedi tantiamec. Adoac mimbi naden tantiec: Esus uënësacsho uincuenmeshun abëdi tabadmequin abitedishun Icbombo Nuquin Papan icmepanëdash. Ambi tantiacpadombuen naquidquio Nuquin Papa nec, quequin mimbi tantiec.

Uanën dada uaid 1:10

Adec Nuquin Papa tantiamianquid choash aidobëd tabadsho ambi uaidombi matsesën aid tantienquio icpondash.