Codinto 1 7:33 - El Nuevo Testamento en matsés

³³ Padnuen chido bedquido icquin nidaidën icquiduidi tantiaquin nabannu, queshun aton chido: Bëdambo iquec, camenuenuidtsëqui nabanec tabadendac.

Codinto 1 7:33 Referans Kwoze

Petedo 1 3:7

Tantia. Bënëtsen chuinu. Abia uinmabudquid icsho min chido bëdambuen ista. Mibëtan Esus tantiaquid yec Nuquin Papa bëdamboshëcquid yacno mibëdi tabadtequid neque. Min chido bëdambuen ista. Ubi bëdambuen ista, Papa, quequin mimbi chianniaid Nuquin Papan tantienquio icnushe. Min chidobëd bëdambuec tabadta.

Codosas 3:19

Aton bënë icquin min chido bëdambuen tantiaquin nëishquioshon icsambuen chuiquin chushcainquiocquin bëdambuen chuita.

Timoteo 1 5:8

Aton shubun icquidotsen Esus tantiaquidon nashunquid. Abëd icquido nashunenquio icquin Nuquin Papan chiacpadombuen nainquio icquid nec. Esus tantiesabon icsambuen nanubi Esus tantiaquid icquimbi aton matses nashunenquio icquid yec icsambuenshë naquid nec.

Codinto 1 7:3

Min chido bedshun aiduidtsëqui chudec aidbëd bëdambuec tabadta. Adecbidi chido min bënë bedmeshun aiduidtsëqui chudmec aidbëd bëdambuec tabadta.

Ducas 12:22

Aden iccuededquido chuishumbic Esusën abëd icquido nadopanëdash: ¿Atotsimbi pepeba? ¿Mitsicquidibi dasiuidpeba? quequin min dada bëdambo icmeteuidi tantiec tabadenda.

Ducas 14:20

Utsibic: Nëbimbobi cun chido bedombique. Nidenquio iquebi, quiosh, cata, queposh.

Uanën dada uaid 10:13

Piucquid bedteuidi tantiaquin isquidien obeca tantienquio icquin nianec cuenquid nendac.

Codinto 1 7:32

Mibitedi natiec tabadbuedi ma adec tabadenquio icpanu, quequin chiec nebi. Chido bedabicquid icquin ma Nuquin Icbo tantiaquin nabannu, queshun: Aid bëdambo iquec, camequin nabanec tabadquid nendac.

Codinto 1 7:34

Adec tabadquido icquin aton chidobëta ambi nabanaid tantiaquin: Nuquin Icbon chiacpadenuidtsëqui nabanec tabadnu, quetiapimbo iquendac. Padnuen dadan chido bedabicquidbëd niante bëdambuen tantiaquido icquin: Cun dada icsa uatsiash, quenquio icquin: Nuquin Icbouidi tantiaquin aidën chiaidquio nabannu, queshun Nuquin Icbo: Bëdambo iquec, camenuen nabanec tabadendac. Padnuen dada bedmequido icquin: Nidaidën icquiduidi tantiaquin nabannu, queshun aton bënë: Bëdambo iquec, camenuenuidtsëqui nabanec tabadendac.