Codinto 1 4:20 - El Nuevo Testamento en matsés

²⁰ Nuquin Papan namiaido yec ambibi tantiacpadec onqueuidequi onquesa nec. Padnuen Nuquin Papan Mayanën tantiamiacpadec onquequidëmbien aidën tantiamiacpadombuen nabanec tabadquido nec.

Codinto 1 4:20 Referans Kwoze

Codinto 1 2:4

Adshunquio: Dadpen tantiaquidquio yec bëdambuec onquequidquio nebique. Umbimbo tantiamebennu, quenquio icquin Esus chuibanondambi. Adenquio icquin: Ma Nuquin Papan Mayanëmbi nadatiambocquin tantiamenu, queshun umbi chuibannubi Aidëmbi mibitedi tantiamiondash.

Tesadonica 1 1:5

Chiaid Bëda Esusën naidquio mibitedi chuibanondambi. Chuiquinuidtsëqui chuibanenquio icquin Nuquin Papan Mayan Bëdan nadatiambocquin namiac umbi nabansho issun: Abimbo caic, queshun mimbi Esus tantiabenondac. Aden Esus tantiamenuec mibitedibëd ubitedi bëdambuec tabadsho issun: Aido abimbo chuibanquido nec, queshun umbi chuisho mimbi tantiondac.

Doma 14:17

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac.

Doma 1:16

Esusën naid Chiaid Bëda nadatiambocquin Nuquin Papan tantiametequid nec, quequin chuibanac: Abimbo caic, quequin tantiaquido Nuquin Papa yacno tabadendac. Adquid icnuc Esusën naid dacuëdenquio icquin chuibennec nebi. Aden abia chuibanac: Abimbo caic, quequin tantiaquido isadaidbo icnuc adembidi tantiaquido matses utsibo icsho Nuquin Papan abëd tabadmendac.

Doma 15:19

Nuquin Papan Mayan Bëdan tantiamiacpadombuen nadatiambocquin nabanquin ismiondambi. Adosho issun dadpenshun Esus tantiabenshun Nuquin Papan chiacpadombuen natiadquio yanondash. Shubu dadpen icquid Edusaden yacnouësh nidquin shubu dadpen icquid yacno yacnombuen chuibennequin nidaid cuëshë utsi Ididia caid yacno cuëscaquin Esuquidistun naid Chiaid Bëda chuibanondambi.

Codinto 1 1:24

Padnuen isadaidbobëtabi matses utsibo icshobi Nuquin Papan tantiamiaido iquendac. Adquido icquin Ambi Chomiaid Esuquidistu abided cuidadaid chuisho tantiaquidën: Nuquin Papan abitedimbo tantiaquid icquin nadatiambocquin naid nec, quequin tantiec.

Codinto 2 10:8

Abi tantiaquid yansho Esuquidistun: Ubi chuibenneta, cashumbic ubi tantiaquido chieshtomenquio icquin ma ubi tantiaquidombo icmenu, quequin chuibanquidbidi icmiondashi. Adoaid icquin cuëshëdmenquiocquin mibitedi chiec nebi.