Codinto 1 3:8 - El Nuevo Testamento en matsés

⁸ Tied icbon abi tied nitsinshunquidbëta abi neshcashunquid bëdambo icmequin menendac. Adoacbimbuen ambi bëdambuen nabanaidtedi tantiaquin ambi tantiacpaden bëdambo icmequin Nuquin Papan bëdambocquid menendac.

Codinto 1 3:8 Referans Kwoze

Doma 2:6

Aden matsesën naidtedi tantiaquid icquin bëdambuen naquido abëdi tabadmequimbi icsambuen nabanquido cuidendac.

Uan 2 1:8

Ista. Adquidën chuibansho tantienda. Bëdambuen nasho Nuquin Papan nuqui bëdambuen nashunendac, quequin umbi mibitedi chuibambued tantienquio yannushe, queshun aden aidon chuibansho tantienquio icquin: Nuquin Papan abëd tabadmequin ubi bëdamboshëcquid menetequid iquendac, quequin tantiata.

Mateo 16:27

Matsesën Tishaid yec Nuquin Papa yacnouësh cun Pabëd icquidobëd bëchamauanquiec choshon Nuquin Papan abitedishun Icbo icmiaid icquin matses cuidte chiendambi. Nuquin Papa tantiec bëdambuec tabadquid icsho aidbëd tabadmequimbi Nuquin Papa tantienquio yec icsambuen naic tabadquido icsho natiamequin cuidendambi.

Esusën Uan ismiaid 22:12

Adsho Esusënquio chuiuaposhi: Ai, nëbimbobini nidaid yacno budendac. Adec budshun matsesën naidtedi tantiaquin icsambuen naquido cuidquimbi ubi tantiaquido bëdamboshëcquid menequin ubëdi tabadmendambi.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Petedo 1 5:4

Aden Esus tantiaquido chuibanquidën bëdambuen nabannubien aton Chuiquid Tapambo yec Nuquin Icbon nidaidën padpidec chouashun utsibo ismequin: Mimbi bëdambuen nabanoc, queshun chunidtiapimbo ictequid shocosh mauete bëdamboshëcquid mibitedi menendac.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Cadasia 6:4

Adenquio yec mibibi datantiadta. Adashic: Nuquin Papan chiacpadec tabadquid nebi, quiash adecbidi bëdambo icta. Utsibo icsambo icnubi ubiuidtsëqui bëdambocquid nebi, quenda.

Codinto 1 3:14

Ambi chiaidquio tantiaquin chuibanac tantiaquidombo yansho issun ambi bëdambuen chuibanaido tantiaquin Nuquin Papan bëdambo icmequin bëdamboshëcquid menendac.

Codinto 1 3:9

Nuquin Papa nashunquid icquin Esuquidistu chuibennequid Apodobëd nebi. Adquid icnubi umbi tied dëdshun nitsinaidbimbuecquido mibitedi nec. Adecbidi Nuquin Papana umbi shubu uaidbimbuecquidbidi mibitedi neuaic.

Esusën Uan ismiaid 2:23

Aid chidon namiaidotsen cumapenec mëyadnuc uënësmendambi. Umbi adosho issun ubi tantiaquidtedishun naden tantiendac: Matsesën tantiaidbëta aidën nabanaidtedi tantiaquidquio icquin Esusën abi tantiesa cuidquimbi abi tantiaquin bëdambuen nabansho issun abi yacnombo tabadmendac.

Codinto 1 3:7

Tiedën ambi nitsinaid taneshcaquin canimesa matses nec. Adquiobidi Nuquin Papan Chiaid chuibanquid matses tantiamesa icnubi Nuquin Papambien Esus tantiamec.

Codinto 1 4:15

Mibitedi Esus tantiamenuen chuibanquido dadpenquio 10 midted icnubi min papabimbuecquid daëdpactsëc iquec. Ubien mibitedishun papabimbuecquid nec. Umbia: Esuquidistu abided cuidadec uënëspanëdash, quequin Chiaid Bëda chuibanac aid tantiaquido yanash Esuquidistubëd abentsëc yacbimbuec tabadquid mibitedi yanondac.

Codinto 1 9:7

¿Tsuntsinquio sondado icquin actequidbëta pete bednuen atonabi menepec? ¿Tsuntsinquio tied icbo neshcashunquimbi tiedën caniquid uba cheshunenquio icpec? ¿Tsuntsinquio nëish iua obecabëta cabada isquin dayun uaquidën shuma chinshun shuma ënë aquenquio icpec?

Cadasia 6:5

Ambi chiacpadombuen bëdambuen naic tabadquid icsho Nuquin Papan bëdambuen isendac.

Ducas 19:19

Adoaquien: Mimbi daëd uaidtedquiobi shubu dadpen icquid 5ted uanno uannoecquidon chuiquid icta, caposh aton icbon.