Codinto 1 16:22 - El Nuevo Testamento en matsés

²² Matses Nuquin Icbo tantiesa icsho ma Nuquin Papan aidi cuidquiopanuna, quequin chiondambi. Cun Icbo, cho, capombi.

Codinto 1 16:22 Referans Kwoze

Epeso 6:24

Ënenquio icquin Nuquin Icbo Esuquidistu tantiaquid abitedi Nuquin Papan bëdambuen isquin ma chieshtoenquiocquid icmepanuna, quequin tantiembi. Aidted chuiquin dada uaombi.

Uanën dada uaid 14:21

Umbi chuibued tantiaquin nabanquid yec ubi tantiaquidquio nendac. Adquid icsho Cun Pabëtan mibi tantiaquioquin: Adquio aton Papabëd Esus iquec, camequin mibi bëdambuen tantiamendambi, quepondash Esus.

Uan 1 5:1

Nuquin Papan nidaidën chomiaid Mesias caid Esuquidistu nec, quequin tantiaquid Nuquin Papan: Cun bacuëbo nec, caido nendac. Matses caic: Amë tantiaquin aton bacuëbotsen tantiaquid nec.

Uan 1 4:19

Nuqui tantiaquidquio icquin Nuquin Papan tantiamiac aid tantiaquid yec utsibobëd tantiananquidombo nuquitedi nendac.

Uanën dada uaid 8:42

Adsho tantiashumbien Esusën: Nuquin Papambo tantiaquimbien mimbi ubitsen tantiatsiac. Umbi tantiacpadec choenquio iccondabi. Nuquin Papan: Matsesbëd tabadec nid, caquini chondac. Adoaid icsho Cun Pa tantiaquin ubitsen mimbi tantiatsiac.

Mateo 10:37

Padnubic aton papa tantiaquinc aton tita tantiaquinc cain aidën chiacpadombuenuidtsëqui naquidën umbi chiacpadombuen natiapimbo ictsiash. Adembidi aton mado tantiaquinc aton champi tantiaquinc caquin aid bëdambo icmeteuidtsëqui bunquin umbi chiacpadombuen natiapimbo ictsiash. Adquido ubi tantiaquidpenquio nendac.

Esusën Uan ismiaid 22:20

Ma aidtedi tantianu, quequin ubi chuibanquid yec: Ai, nëbimbobini nidaid yacno budendac, queposh. Adsho tantiashun: Amen. Ai, abimbo mimbi caique. Chota, Cun Icbo Esus. Capombi.

Petedo 1 2:7

Aden Chiampid tantiaquin Esus tantiec: Aid bëdamboshëcquid nec, mibitedi quendac. Utsibombien aid tantienquio icquin chieshënendac. Ëndenquimbo adquid chuiquin Nuquin Papan naden dada uamiampid iquec: Buintad bëdambocquid istuidash: Nëidquio shubu uaquin nitsinnun tenu, quetiadquidi isuidposh. Aden isuidaidi utsin teshun shubu uaquin aidba nitsinaid iquendac, quequin Nuquin Papan dada uamepampic.

Petedo 1 1:8

Aden mimbi isacmaidi Esuquidistu tantiaquido mibitedi nec. Nëbi aid isambo icquimbi mimbi tantiaquiec. Adash utsibon tantiatiapimbo icnuc mibi cumapenquiec cuishonquendac.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Doma 9:3

Cun matses isadaidbo tantiec uënësquio yec tsadebi. Nuquin Papan: Min matses abitedi cuidmenquio icnuen mibiuidtsëqui Esuquidistubëd tabadmenquio icquin mëyadtequid yacno nidmequin cuidnu, capatecnëdani. Adoac: Ai, cun matses isadaidbo cuidenquio icnuen ubided cuid, quetsenondabi.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Codinto 1 12:3

Adquid iccondaidi nëbi Esus tantiaquido mibitedi icsho chuinu. Nuquin Papan Mayanën tantiamiacmaido yec: Esus icsamboshëcquid nec, quendac. Padnuen Nuquin Papan Mayan Bëdan nadatiambocquin tantiamiaido yec: Esus Cun Icbombo nec, quendac.

Hechos 23:14

Aden nanuna, quecuededash isadaidbo tsësiobobëd nëish iua cuessunneshun pichicaquidon chuiquido yacno nidash: Pabado cuessunniambo icquin penquio icquin buna mëmunembi, quequin muenquio icquin chuibanombi. Adec muasho mabi Nuquin Papan cuidpanu, caombi, quequin chuipanëdash.

Uanën dada uaid 16:14

Adembidi umbi naidbëta umbi chiaidtedi tantiashun mibitedi tantiamequin: Esus bëdamboshë iquec, mibi camendac.

Uanën dada uaid 15:24

Adembidi Nuquin Papa yacnouësh choambo icquin umbi nadatiambocquin nabanquin aido ismiabi icnuc Nuquin Papan: Cun Mado chieshënec mibi icsambo iquec, cainquio ictsenosh. Mambi utsibon nabanacmaidquio nabamboc. Aden nabansho issumbi ubi chieshënquin Cun Patsen chieshënec.

Uanën dada uaid 14:23

Adoaquien Esusën: Ubi tantiaquid umbi chiacpadombuen naquid nec. Aden nasho aid tantiaquioquin Cun Pabëtan aidbëd icquin bëdambo icmendambi. Adoac ubëd iquec Cun Pabëd yacbimbuec tabadendac.

Uanën dada uaid 14:15

Adshumbic abëd icquido padpiden chiec Esus: Ubi tantiaquido icquin umbi chiacpadombuen naquid iquendac.

Pidipos 4:5

Ma mibitedi isec utsibo: Esus tantiaquido yec tantiananec nashunnanquido nec, ma quenu, quiash bëdambuec tabadta. Nëbi Nuquin Icbo Esus choeque.