Codinto 1 16:11 - El Nuevo Testamento en matsés

¹¹ Adquid icsho: ¿Ubëd icquidta nedic? quequin chieshënenquio icquin iuedta. Adoac aidi: Ambo nidnu, quesho bëdambuen isquin nashunta. Ma ubi isec chono. Esus tantiaquid utsibobëd Timoteo chosho isnuen cainec tabadebique.

Codinto 1 16:11 Referans Kwoze

Timoteo 1 4:12

Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Hechos 15:33

Aden dadpen ushquin chuibanshun Edusaden yacnouësh choquido: Padpidec niduaibi, caquien: Uënësquio icquimbi mibi chomequido yacno bëdambuec nidta, quequin chuipanëdash Antioquia yacnocquid Esus tantiaquidon.

Tito 2:15

Umbi chuibuedtedi chuibanquin tantiameta. Mimbia tantiaquid icquin: Umbi chiacpadombuen nabanec tabadtedneta, quequin Quedetabo chuibanuata. Mimbi chiacpadombuen nainquiocsho issun: Aden naic tabadenda, quequin chuibanuata. Adec bëdambuec tabadquin bëdambuen chuibansho issun utsibon mibi icsambuen chuishuntiapimbo iquendac.

Codinto 1 16:10

Mibi yacno Timoteo nideque. Nidacsho bëdambuen ista. Ubipadquid yec Nuquin Icbon namiaidquiobidi Timoteo nec.

Codinto 1 16:6

Adash: Isbidannu, quebuedi iuec mibëd tabadash iquenuanquid ënëdan: Utsi yacno nidnu, quesho mibi bunacpaden ubi nashunquin mimbi piucquid menendac.

Uan 3 1:6

Iuedshun mimbi bëdambuen nashunaidon mimbi naid Esus tantiaquido iccuededacnoshon chuibanosh. Cayon bëdambuen nashunoshi, quequin chuibanosh. Adembidi nabanquin mimbi iuedaido: Shubu dadpen icquid utsi yacno nidnu, quesho nashunquin meneta. Nuquin Papa: Aden mimbi bëdambuen naic, camenuen aido bëdambuen nashunta.

Tesadonica 1 4:8

Aden chuisho tantiashun umbi chuibambued niacquin matsesën chiaidpenquio mibitedishun niaquendac. Aton Mayan nuqui menequidën Nuquin Papan Chiaidquio mimbi niaquendac.

Ducas 10:16

Aden chuishumbic ambi: Chuibennec nid, caido chiec: Mibitedishun chuibansho tantiaquido yec ubi tantiaquido nendac. Utsiboen mimbi chiaid tantiesabo yec ubi tantiesabo nendac. Aden ubi tantiesabo icquin ubi chomequid Nuquin Papa tantiesabotsen nendac, quequin Esusën chuipanëdash.

Hechos 15:3

Adoac Antioquia yacnouësh puduanec nidec nidaid cuëshë Penisia caid yacno choash tabadquin: Ambi icsambuen tantiaquin naid ënash Isadaidpembotsen Esus tantiaquid yamposh, quequin chuipanëdash. Adsho tantiash cuishonquepanëdash Esus tantiaquido. Adtanec auëshquio nidequi nidaid Samadia caid yacno nidash tabadquin adombuembidi chiac adquiecbidi cuishonqueuapanëdash Esus tantiaquido.

Codinto 2 1:16

Mibi yacno isbidanec nidaid Masedonia caid yacno nidashic padpiden mibitedi isbëtsenec chouaindabi. Aden isbëtsenquin mibitedi chiec: Nidaid cuëshë Udea caid yacno nidnu, quesho tantiashun ambo nidmequin ubi nashuntsiash, quequin tantiauidombi.