Codinto 1 16:10 - El Nuevo Testamento en matsés

¹⁰ Mibi yacno Timoteo nideque. Nidacsho bëdambuen ista. Ubipadquid yec Nuquin Icbon namiaidquiobidi Timoteo nec.

Codinto 1 16:10 Referans Kwoze

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Codinto 1 4:17

Umbi nabanaid ma chuibannu, queshun Timoteo mibi yacno nidmiombi. Aidi umbi chuibanac Nuquin Icbo Esus tantiaquidquio yanash cun madobimbuecquid nec. Aidëmbi umbi chiacpadombuen naquin Esus tantiaquido iccuededacnoshon umbi Esus chuibenniondacpadombuembidi mibitedi chuibanuaquin padpiden tantiamendac.

Doma 16:21

Ubëtan Esusën naid chuibennequid Timoteon mibitedi tantiec. Adembidi Dusio yec Ason yec Sosipatodo yec quequin cun matses isadaidbon mibitedi tantiec.

Tesadonica 1 4:12

Adec tabadec: Cuna nibëdeque. Mitsana bec cho, quenquio mibi ictsiac. Mibitedi adquid icsho isash Esus tantiesabo: Esus tantiaquido bëdambuec tabadec, quetsiash.

Codinto 2 6:1

Nëbi ubitedi Nuquin Papan: Umbi Chiaid chuibenneta, caido nebi. Adquid icquin: Nuquin Papa matses bëdambuen ismenuen Esusded cuidpanëdash, quequin Nuquin Papan Chiaid umbi chiac pamumëdacbimbuec tantiate bunenquio yec tabadenda.

Codinto 2 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, caid nebi. Esus tantiaquidbidi Timoteo nuqui cun utsi caid ubëd iquec. Aidbëtambi mibi tantiembi, quequin shubu dadpen icquid Codinto yacnoshon Esus tantiaquin Nuquin Papa tantiaquido icsho mibitedi chuiquin dada uaimbi. Adembidi Esus tantiaquid utsibo nidaid cuëshë Acaya yacno tabadquidtedi icsho tantiembi, quequin chiec nebi.

Codinto 1 16:11

Adquid icsho: ¿Ubëd icquidta nedic? quequin chieshënenquio icquin iuedta. Adoac aidi: Ambo nidnu, quesho bëdambuen isquin nashunta. Ma ubi isec chono. Esus tantiaquid utsibobëd Timoteo chosho isnuen cainec tabadebique.

Hechos 19:22

Aden tantiec: Nidaid Asia caid yacno iuepactsëc tabadnu, quequin nidaid Masedonia caid yacno abia abi nashunquido Timoteobëta Edasto nidmepanëdash.

Hechos 16:1

Adec shubu dadpen icquid Dedbe caid yacno choash tabadquin adombuembidi chuibanuash nidec shubu dadpen icquid Disteda caid yacno Pabadobëd Sidas niduapanëdash. Ambo Esus tantiaquid Timoteo cuëmëdquid icpanëdash. Aidën tita isadaidbo yec Esus tantiaquid icnubi aidën papa isadaidpembo quidieco matses nepanëdash.