Codinto 1 15:54 - El Nuevo Testamento en matsés

⁵⁴ Adtequid chuiquin Nuquin Papan dada uamiampid nad iquec: Chieshëmënquid dëniacquin cuessunniacbimbuen Uënëstequid nibëdanmendac.

Codinto 1 15:54 Referans Kwoze

Esusën Uan ismiaid 20:14

Adshumbic uënësmiantequid caid chian annëdënquequid yacno nëneposh. Aid chian padpidec uënëstequid caid neposh.

Esusën Uan ismiaid 21:4

Nëmbo tabadec bëun bëucacbimbuec matses shubitiapimbo iquendac. Nidaid shënin tabadec abitedi uënëstequiduidquio icbuedi nëuëshquio matses uënëste nibëdendac. Adecbidi sedenquec shubite nibëdendac. Adecbidi uënësquio icmiantequidbëd paëmbo icte nibëdendac. Adec ënden nidaidën iccondaidtedi nibëdquio iquendac, queposh.

Ducas 20:36

Adecbidi Nuquin Papabëd icquido uënësesa yacpadecbidi Nuquin Papan uincuenmiaido yec uënësenquio iquendac. Aden uincuenmiaido yec Nuquin Papan bacuëbo nendac.

Codinto 2 4:11

Adembi Esuquidistu chuibansho chieshënquin uënës uatsiashi, quequin tantiaquimbi abi chuibennec nebi. Esusën ubëd icquin chieshtomenquio icquin dayacquio icmiac chuibansho utsibon adembidi tantiabededec.

Doma 2:7

Abi tantiec bëdambuec tabadsho issun mabi Nuquin Papan: Mibi bëdambo iquec, canu, quiash abëd tabadte bunec ambi chiacpadec bëdambuec tabadquid uënësacsho Nuquin Papan ënëdenquiocnoc abëdi tabadmendac.

Tesadonica 2 1:10

Aden ambi icsambuen naquido cuidte uëshëmbi Esus chosho isash abi tantiaquido: Ubi cuidmenquio icnuec abided cuidadaid Nuquin Icbo bëdamboshë iquec, quequin aton Icbo isec tabadendac. Umbi Esus chuibanac aid tantiabenondaido icquin mimbitsen Esus chosho isendac.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Doma 6:12

Adquid icnuc icsambuen tantiaquin nabanec tabadenda. Min dada uënëstequid neque. Min dadan bunacpadombuen nabanec tabadenda.

Doma 1:23

Aden nadatiambocquin naquid yec uënëstiapimbo icquid Nuquin Papambo tantiatiapimbo icquimbi uënësquiduidquio tantiaquin matsesbimbuecnuc nacnenshun: Papa, quequin chiannec. Adembidi nëishbimbuecnuc nacnenquinc uicchumbimbuecnuc nacnenquinc tacbidën siuidquid nisibimbuecnuc nacnenquinc caquin ambibi nacnenshun: Ubi nashunta papa, quequin chiannec.

Codinto 2 5:4

Nuquin dada chodquequid icnuc uinmabudash uëshquec nuqui tabadec. Cun dada chuca uaquin chodquesa icmepashuni. Uënësesa icnu, quec nuqui tabadec.