Codinto 1 14:20 - El Nuevo Testamento en matsés

²⁰ Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Codinto 1 14:20 Referans Kwoze

Petedo 1 2:2

Adenquio yec tishac chucactsëc bacuëmpi shuma chishte bunquiacbimbuec Nuquin Papan Chiaid iste bunquiota. Bëdiactsëc tantiabuedi canidoacbimbuen aid isban isbanquin aidën chiacpadombuen natiadquio yanec Esus tantiaquidquio yanec aidbëd tabadtequid ictsiabi, queshun Nuquin Papan Chiaid isbanquiota.

Doma 16:19

Mibitedi caic: Esus tantiec aidën chiacpadec bëdambuec tabadosh, quequin mimbi naid chuibededsho dadpenshun tantiac caosh. Adsho tantiash bëdambo yec cuishonquebi. Aden tantiaquidquio yanash icsambuen nainquio yec bëdambuec ma mibitedi tabadpanuna.

Codinto 1 13:11

Bacuë yec bacuëmpi onquiacpadec onquepadennebi. Adembidi bacuëmpin tantiabenabi yacpaden tantiapadennembi. Adembidi bacuëmpin: Nëid bëdambocquid nec. Nëid icsambocquid nec, quequin tantienquio yacbimbuen tantiapadennembi. Aden tantiaquid ictennedëmbi canishun bacuëmpin tantiaidtedi ënondambi.

Mateo 18:3

Tantia. Mibitedi abimbo chuinu. Mimbi tantiacpadenuidi naic tabadbuedi nadquid bacuën amën chiacpadombuen nacbimbuen ubi tantiaquiota. Mimbi adoenquio icshoembi Nuquin Papan namiacno mibi puduedmenquio iquendac.

Codinto 1 2:6

Padnuembi Esus tantiaquidquio icsho: Ma udictsëc tantiabennu, quequin bëdambuen tantiaquioquin chuibanendac. Esus tantiesabon: Umbi tantiaid dadpen tantiamenu, quequin chuibanacpadombuen chienquio iquembi. Adembidi chuiquid tapabon chiacpadombuen chienquio iquembi. Aidon chiaid nibëdanendac.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.

Pidipos 1:9

Naden mibitedi tantiaquin Nuquin Papa chiannembi. Aido bëdiactsëc tantianansho canidoacbimbuec utsibobëd tantiananmequiota. Adembidi mimbi naid bëdiactsëc tantiasho tantiamebenquiota.

Madcos 10:15

Abimbo chiembique. Tantia. Nëid bacuën amë badedquio tantiacpadombuen Nuquin Papan Chiaid tantiesa yec Nuquin Papan namiacno puduedtiapimbo iquendac, quepanëdash Esus.

Pidipos 3:15

Nuquin Papan chiacpadombuen natiadquio iquebi, quequin umbi chuibocpadombuen mimbi tantiatsiac. Utsien aidën chiaid abitedi nainquio icquin: Abentse abentsen naimbi, quesho Nuquin Papan ambi tantiacpadombuen mibitedi bëdambuen tantiametsiash.

Mateo 11:25

Adshumbic Esusën naden Nuquin Papa chuipondash: Papa, mibi bëdamboshë iquec. Mibi yacnocquidon Icbo yec nidaidën icquidtedishun Icbobidi mibi nec, Papa. Adquid icquin mimbi tantiamiabi dadpen tantiaquidobëtambi: Cumapenen tantiaquid nebi, quequidombi tantiabi iquec. Adquid icnuc bacuën daëdpactsëc tantiacbimbuen tantiaquido icshobi mimbi tantiamiac.

Mateo 19:4

Adoaquien Esusën: ¿Nuquin Papan Chiaid isamboda ictio? Nuquin Papan tauaquin dada abentsëc uashumbic chido abentsëcbidi uapampic, quequin dada uampid ma mimbi ispaboc.

Mateo 19:14

Adshobien Esusën: Padi. Ma bacuëbo ubi yacno bënu. Cuenmenda. Nëid bacuëbo amën chuisho tantiash badedi: Abimbo caic, quiacbimbuen ubi tantiaquid Nuquin Papan namiacno puduedtequido nendac. Bacuëbo bëdambo iqueque. Bec cho, cac bëbëpondash.

Ducas 18:17

Adombuembidi: Abimbo chiembique. Tantia. Nuquin Papan namiacno tabadte iquec, quequin chiac nëid bacuën badedquio tantiacbimbuen tantiaquid yec Nuquin Papan namiacno puduedtequid iquendac. Aden tantiesa ambo puduedtiapimbo iquendac, quepanëdash Esus.

Doma 1:13

Tantia. Chuinu, cun utsibo. Mibi yacno caic: Istannu, queuid queuidobi. Ubi nidtsembued mimbi tantiabien icchitec. Aden umbi tantianubi utsi utsimbuec icnuc nidenquio ictenniobi. Adbuedi nidaid utsi utsiec yacnoshon Esusën naid chuibanac dadpenshun tantiabenondacpadombuen ma mimbitsen Esus tantiabennu, quiash mibitedi yacno chuinuec nidte bunebi.

Codinto 1 14:19

Aden chuiquid icquimbi Esus tantiaquido iccuededacno puduedshun aton onqueten onquequin 5tedpactsëc cuembo chuibantsiambi. Ma aidon tantianu, queshun 10mid abi onquiacmaid onquete utsin onquequin chuibante bunenquio iquebi.

Epeso 4:13

Adoaid icquin nashunac abentsëc yacbimbuec Esus tantiaquido yanendac. Adquid iquec Nuquin Papan Mado tantiaquiec Esuquidistupadquid yanec nuquitedi bëdambuec tabadquid yanendac.