Codinto 1 14:11 - El Nuevo Testamento en matsés

¹¹ Adec umbi tantiacmaid onquete utsin onquesho umbi tantienquiocsho isash: Cun matsespenquio nec, quequin tantiec. Adembidi aton onquetempenquio umbi chuibansho tantiash: Cun matsespenquio nec, quequin tantiatsiash.

Codinto 1 14:11 Referans Kwoze

Hechos 28:2

Ambo icquidon ubitedi bëdambuen ispondash. Iquenuampambuec ue sequenubi Madta caid yacnocquido cute cuëtsiadoash: Cuëec cho, quequin ubitedi chuipondash.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Codinto 1 14:21

Nuquin Papan naden chuiquin dada uamiampid iquec: Abi onquiacmaid onquete utsin onquequin: Ma isadaidbon tantianu, queshun chuibanmendambi. Aden aton matsesëmpenquio onquequin chuibanaqui tantiate bunenquio icquin umbi chiacpaden nate bunenquio iquendac, quec Nuquin Icbo, quequin chuipampic.

Doma 1:14

Esuquidistun chiacpadombuen Ambi naid matses abitedi chuibante bunquiebi. Isadaidbobëta matses utsibo chuibanshumbic cumapenen tantiaquidobëtabi tantienquio icquidotsen chuibannuec nebi.

Hechos 28:4

Aden mëpiash ëcchiquidenquio yec mëdiadsho isashien ambocquido utsi utsiec nadpondash: Nëid dada cuessunnianquid icsho nisin piac uënëstequid nepanui. Mentoadenquio yec actenuësh pudundoacsho nuqui tita quequin tantiaidën icsambuen naquid icsho cuidquimbien nachitec, quecuededpondash.

Codinto 1 14:10

Nëid nidaidën onquete utsin utsinquiec onquequid dadpenquio iquec. Aton onquetembi onquequin chuibansho aton matsesën tantiec.