Codinto 1 13:7 - El Nuevo Testamento en matsés

⁷ Utsibobëd tantiananquid icsho natiamiaid iquequi nëishenquio yec mëmunec tabadquid nec. Adecbidi: Aid bëdambuec tabadantsiash, quequin tantiaquid nec. Adecbidi: Ma bëdambo yannu, quiash cainec tabadquid nec. Adecbidi chieshënaqui chieshtoenquio icquin mëmunec tabadquid nec.

Codinto 1 13:7 Referans Kwoze

Petedo 1 4:8

Nëbi mibëtan Esus tantiaquid utsibobëd tantiananquiota. Adec mibëd tantiananquidën mibi icsambuen nashunsho isash adecbidi tantiananquiec aidën icsambuen naid tantienquio yec bëshunendac.

Codinto 1 13:4

Padnuen utsibobëd tantiananquidquio utsibon chieshënaqui chieshtoenquio yec bëdambuec tabadquid nec. Adecbidi utsi tantiaquin bëdambuen nabanec tabadquid nec. Adecbidi utsina isash chieshëmënec tabadesa nec. Adecbidi: Ubentsëqui cumapenen tantiaquin naquidquio nebi, quesa nec. Adecbidi: Ubiuidtsëqui bëdambocquid nebi, quesa nec.

Timoteo 2 2:24

Nuquin Papan Chiaid chuibanquid utsibëd chushcananenquio icquid nendac. Chieshëmënenquio icquin aton matses bëdambuen isquid nendac. Adembidi nëishenquio icquin Nuquin Papan Chiaidquio bëdambuen tantiamequidquio nendac. Badedi chieshtoenquiocquid nendac.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.

Codinto 1 9:12

Chuibanquid utsibo petebëta actequid menebanquimbi ubia mibi chuibanondaidquio icsho menetiadquidi menianenquio mibitedi icpondac. Aden petebëta actequid menenquio yaqui: Bec cho quetiadquidi: Umbi: Esuquidistu abided cuidadec uënëspanëdash, quequin Chiaid Bëda chuibansho tantiatiapimbo icnushe, quiash: Bec cho, quequin chienquio iccondambi.

Cadasia 6:2

Adec mibëd iccuededquid natiec tabadsho issun bëdambuen nashumbanta. Aden naquin Esuquidistun chiacpadombuen mimbi naindac.

Timoteo 2 4:5

Aidën nacpadombuen nainda. Nuquin Papan Chiaidquio bëdambuen tantiaquid yec bëdambuec tabadta. Adsho utsibon natiamequin chieshënaqui chieshtoenquio icquin Esusquio tantiata, mado. Adembidi Nuquin Papan Chiaid Bëda Esusën naid Esus tantiesabo chuibanta. Esus chuibanquidën nadoquid, caidtedi nabanta, mado.

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Tesadonica 2 1:4

Mibi adec bëdambuec tabadaid tantiaquin Esus tantiaquido utsibo chuibenniombi. Dadpenshun chieshënaqui chieshtoenquio icquin aidon abi Esus tantiec, quequin utsi utsiec yacno mibi Esus tantiec tabadaid chuibenniombi.

Timoteo 2 3:11

Aden chuibennesho issun chieshënondashi. Nëidted shubu dadpen icquid yacnoshon ubi chieshënondaid mimbi tantiec. Antioquia yacnoshon. Adembidi Iconio yacnoshon. Adshobini shubu dadpen icquid utsi Disteda yacnoshonquio cuessunneuidquiopondash. Adshobi Nuquin Icbon nac uënësenquio icpondabi.

Doma 15:1

Tantia. Chuinu. Esus tantiaquidquio icquin Esus tantiabentsëcquid chieshënenquio icquin bëdambuen isnuna. Aid tantiaquin nashunquin nuqui bunaiduidi nainquio icnuna.

Mateo 10:22

Esus tantiaquid nec, queshun matses dadpenshun mibitedi chieshënendac. Adoaqui chieshtoenquio icquin ubi tantiasho Nuquin Papan abi yacno mibi tabadmendac.

Ebedeo 13:13

Adoaid yec Esusbëd icquid nebi, quiash umanuc buansho isash aidbëd nidacbimbuecquid icnuna. Adquid icsho issun Esuquidistu tantiesabon: Mibi icsamboshë iquec, quequin Esus chieshënnëdacpadombuembidi nuquitsen chieshënendac.

Doma 8:24

Aden chieshtoenquio icquin cainquido icsho Nuquin Papan nuquitedi abi yacno tabadmendac. Aden cainec tabadquin nuqui isaidtedi caintiapimbo iquec. Adquid icsho ¿tsuntsin ambi isquin tantiaid cainuapec?

Madcos 9:23

Adoaquien Esusën: ¿Ada podobitsi icsa dapuduedaid dapuduenmeshuntsia? ¿quecta ique? Nuquin Papa nadatiambocquin naquidquio nec, quequin tantiaquidën tantiacpadombuen Nuquin Papan nashunendac, capanëdash.