Codinto 1 13:5 - El Nuevo Testamento en matsés

⁵ Adecbidi utsi icsambuen tantiec icsambuec onquesa nec. Adecbidi: Umbiuidtsëqui tantiacpadombuen mibitedishun nabanta, quesa nec. Adecbidi badedquio nëishesa nec. Adecbidi: Ubi chieshënquid cuidte bunebi, quequin tantiabudesa nec.

Codinto 1 13:5 Referans Kwoze

Codinto 1 10:24

Umbi tantiacpaden nabanec bëdambo iquebi, quenquio yec: Utsibo bëdambo icmequin nashunnu, quec bëdambuec tabadta.

Santiaco 1:19

Tantia, cun utsibo. Umbi tantiaido icsho mibitedi chuinu. Utsin chuibansho bëdambuen tantiaquid icta. Adquid icquin utsibon chuibannubi badedquio onquequin chienda. Adecbidi badedquio nëishenda.

Pidipos 2:21

Utsibombien atonauidtsëqui tantiaquin Esuquidistun chiacpadombuen natiapimbo iquec.

Pidipos 4:8

Tantia, cun utsibo. Nëidtsen mibitedi chuinu. Abimbo chiaid tantiata. Matses abitedi bëdambuen isnuna, quequin chiaid tantiata. Icsaisambo icquid yec bëdambo icmianquid tantiata. Icsambuen chuishunenquio yaid tantiata. Aden bëdambuen nateuidquio tantiec tabadta. Aidtedi tantiec cuishonquec tabadta, quequin chiaidtedi tantiata.

Cadasia 5:13

Cun utsibo, mibitedi Nuquin Papan Esus tantiamiaido nec. Adquido yanash: Ubi icsate bunaid nanu, quenda. Adec tabadenquio yec utsibobëd tantiananec nashunnanta.

Codinto 1 12:25

Dadan icquid dëccuëscaid icsambo icmianeque tësnu, quetiapimbo dada iquec. Adenquio yec dadan icquidtedi nashunnanquid nec.

Codinto 2 5:19

Naden chiec nebi. Matsesën icsambuen naid bedshunash abided cuidadec Esuquidistu uënëspanëdash, quequin tantiaquin: Ma aidquio utsibon tantiapanu, queshun ambi Nuquin Papa bëdambuen ismete chiaid chuibanquido nebi.

Codinto 1 10:33

Umbi nabanaidtedi isash ma utsibo abitedi bëdambuen tantiec cuishonquenu, queshun nabanembi. Umbibi tantiacpaden nabanec bëdambo iquebi, quenquio icquin utsibo tantiaquin bëdambuen nashunembi: Ma aido Nuquin Papa yacno puduedtequid icpanu, queshun.

Codinto 1 11:18

Mibitedi caic: Esus tantiaquidobëd iccuedednu, quiashi cuësh cuëshëdosh, quequin chiaid tantiashun: Abimbuen cachitec, quequin tantiombi.

Mateo 5:22

Nadquidotsen cuidtequido nec, quequin chuinu. Tantia. Aton matsesbëd nëishnanash baded bëdanenquio icquid icsho Nuquin Papan cuidtequid nendac. Utsibic chieshëmënec icsambuec chuishumënquido isadaidbon chuiquidon cuidtequid nendac. Utsibic aton matses chieshënquin cuessunnemete bunquin: Shëpi, caquin icsambuen chuishunquido Nuquin Papan chian annëdënquequid nësecaquin cuidtequid nendac.

Ducas 7:39

Chidon adosho isashien Esus iuedquid ambibi tantiec: Umbi iuedaid Nuquin Papan oncamiaid iquec: Ubi mishquid icsambocquid nec, quequin chido mishmenquio ictiadquidi nec, quepanëdash Simon padiseobo yec.

Madcos 3:5

Adsho isash nëishtanquin abi datsidadquido bëisbanec uënësquio yec Esus: Nuquin Papan Chiaid tantiaquin naisa yec matses tantiatiapimbo icquido nec, quequin ambibi tantiec: Uënësquio iquebi, quetanquin mëicsatsaid chuiquin: Ubi mëd, Esusën cac mëdequi aton mëdante bëdampanëdash.

Tesadonica 2 3:7

Ubëd tabadec Pabado dayacquio iccondash, quequin tantiec chieshenquio yec tabadac bëdambo ictsiash, quequin mimbi abimbo tantiec. Mibëd tabadec chieshenquio yec chonoadtedniondabi.

Codinto 1 7:36

Dadan ambi: Bednu, caid bedte tiombi chido caniacsho issun: Nëbi umbi bedac bëdambo ictsiash, queshun aid bedquin icsambuen nainquio ictsiash.

Mateo 9:4

Adec uannouësh onquesho ambibi tantiashumbien Esusën naden aido chuipanëdash: ¿Atotsi quequin mibitedishun aden icsambuen tantiape?

Timoteo 2 2:10

Aden chuibannubi Nuquin Papan ambi tantiamiaidtedi Esuquidistu tantiamendac. Aid tantiaquido uënësacsho cuidenquio icquin abëdi tabadmendac, quequin tantiec quënën tsadunondaid yequi chieshtoenquio iquebi.

Timoteo 2 4:16

Tauambuen bedshun: Quënën tsadunmenu, cac cuidte chuiquid tapa Doma yanocquid umbi naid umbentsëqui chuibampondambi. ¿Atotsi icsambuen nasho issun ubi bedo? Icsambuen nambo iccombi, capondambi. Ubëd icquido umbi nabanaid abimbo chuinuec choambo icpondash. Aid tantiaquin: Nuquin Papan aido cuidenquio icpashun, caimbi.