Codinto 1 12:6 - El Nuevo Testamento en matsés

⁶ Nuquin Papan Mayanën namiaid icquin nadatiambocquin nabanquin ismebante utsi utsiec iquec. Aden nabanquid dadpen icnubi abi nadatiambocquin nabanmequid Nuquin Papa abentsëcquiobi iquec.

Codinto 1 12:6 Referans Kwoze

Codinto 1 12:11

Aden Nuquin Papan Mayan abentsëcshumbi nadatiambocquin namiaido aidotedi nec. Ambi tantiacpadembi matses abentse abentsen namequid Nuquin Papan Mayan nendac.

Codinto 1 3:7

Tiedën ambi nitsinaid taneshcaquin canimesa matses nec. Adquiobidi Nuquin Papan Chiaid chuibanquid matses tantiamesa icnubi Nuquin Papambien Esus tantiamec.

Uanën dada uaid 5:17

Adoac: Mibi adosh, quesho tantiashun abi chieshënquido istuidshun Esusën naden chuipondash: Ënenquio icquin matses tantiaquin nashunquidquio Cun Pa nec. Adembidi matses tantiaquin nashunquidquiobidi nebi, quepondash Esus.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Epeso 4:6

Nuquin Papa abentsëcquiobi iquec. Aidi abitedi uaquidquio yec abitedishun Icbombo nec. Aidbidi Esus tantiaquido bëdambuen namequid nec. Aidi Esus tantiaquidobëd iquec.

Ebedeo 13:21

Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Codosas 1:29

Adquid mibitedi icmenuen badiadquidën badiadquidënquien Esuquidistu nadatiambocquidën namiac uidënquio yec chieshtoenquio icquin chuibennec nebi.

Pidipos 2:13

Nuquin Papan: Ma bëdambuec tabadnu, quequin ambi tantiacpaden bëdambuec tabadte bunmequin mibitedi bëdambuen namendac.

Codinto 1 15:28

Esuquidistu abitedishun Icbombo Nuquin Papan icmendac. Ambi adoaid icshobi aton Mado Nuquin Papan namiaid iquendac. Aden namequid yec Nuquin Papa abentsëcquiobi abitedishun Icbombo iquendac.

Codinto 1 12:5

Nuquin Icbon tantiamiaid icquin utsibo tantiaquin nashunquid utsi utsiec iquec. Adec dadpen utsi utsiec icnubi abi nashunquidon Icbo abentsëcquiobi iquec.